YESAYA 4:3 - Bibilia Kui Mdedie fo Kimochi

³ Nakyo kechiwa ke ulya echitsuhaa kiidi kya Sioni na ulya aledeo kiidi kya Yerusalemu, nechilaho ai Mwele; ke orio umu amṟehiye kiidi kya iwo wai na moo kiidi kya Yerusalemu;

YESAYA 4:3 ပူးပေါင်းရင်းမြစ်များ

SHIIMBO SHA DAWIDI 69:28

Uwaangatse ipfo kitapunyi kya moo, manya walasanzo na wenyi wucha.

SHIIMBO SHA DAWIDI 87:6

Mndumii nechiitala, ili aiṟehia wa mkambo, ichu nalefeeyopfo.

YESAYA 1:27

Sioni yechikiṟo na mwanduye, na walya wecha kui wukiilohi wechikiṟo.

YESAYA 28:5

Mkonufo Ruwa menyi Matoṟito nyechiwa ambo ya kiṟumi; cha kilemba kikicha ko wandu wake iwo watsuhae wai na moo.

YESAYA 35:8

Handu ho kochiwada njia ing'anyi, nayo yechilaho, “Njia ya Waele;” Walai waele wechiidahopfo; kyaindi yechiwa kipfa kya wandu wo wakyaṟo, ma chandu wai matondo wechidekapfo.

YESAYA 46:3

Njiadanyienyi, lanye mba ya Yakobo, nyo mui mtsuhaṟo fo mba ya Israeli, muledao nyi inyi wuka wusunyi muleiro wokia mui wusunyi;

YESAYA 52:1

Kure, kure, kuṟike pfinya, Iyo Sioni! Ṟaa nguwo tsapfo njicha, Ee Yerusalemu, mṟi Mwele. Kyamba wulalu kuwode momu Fo mndu alamdine ma afanyi ngafu Echiida na ipfo mṟinyipfo.

YESAYA 6:13

Manya chandu kutsihae ora lumu kiidi kya ikumi, yechelio mayo da; cha mchihiyo, cha mfuṟuhanje, itsinde liwonyio likamemanyo.” (itsinde lyo nyi mbeu njele ya mawookionyi mahya).

YESAYA 60:21

Wandu wapfo wechiwa wenyi wusumhanyi wose, Nawo wechioṟa oruka mlungana; Njana njileiwaya inyi njimonyi, Nyi iṟunda lyako inyi njimonyi, Kundu njiṟumisho.

YESAYA 62:12

Nawo wechimulaha, wandu waele, Walekiṟo nyi Mndumii, Na iyo nochilaho, “Aleshiho, Mṟi fulaledeo.”

EZEKIELI 13:9

Ambuya owoko loko nyi lukeri huye ya waikimbi wo waonguo mbonyi tsa wongo na tsekelemba, wechikaa wawese wanene wa wandu wakopfo, manya wechiṟehiyo ipfo mṟehonyi ha mba ya Israeli pfo, manya wechikaa waide na orukenyi lo Israeli pfo, na ikyo kechimuloṟa ke inyi nyi Mndumii-Ruwa.

EZEKIELI 43:12

Ili nyi lyo iwawaso lya hekalu li kyamba orukalu luṟingichie hekaluli iya fumvuhu nyi litane liele. Ambuyang'u ili nyi lyo iwawaso lya hekalu.”

YOELI 3:17

“Kyasia, iyo Israeli, nyo mochimanya ke inyi nyi Mndumii-Ruwa onu, njikekaa kulya Sioni, ifumvu lyako liele. Yerusalemu yechiwa mṟi foko mwele; ma wandu wa mkambo wechiidima ifukapa na ifuwingapfo.

OBADIA 1:17

Indi kiidi kya fumvu lya Sioni kochikaapfo sa wechikia, nalyo lyechiwa liele, na mba ya Yakobo wechiikolonyia wuikolonyi wowo.

ZEKARIA 14:2

Mndumii-Ruwa nyi echisanyia wandu wa masanga kundu wakape mṟi fu fo Yerusalemu. Mṟi fu fochidao wapfungo, mba tsanu tsiwewado, waka wanu wateṟefutso. Kyeenga kya wandu wa mṟi wasamiṟo, indi kenga kingi kechipayopfo ma idao nja ya mṟi pfo.

MALAKI 3:16

Nahong'u walya waindie Mndumii wakawiana wo wenyi na wenyi. Na Mndumii kaadanyia, kaicho; na kitapu kya ngumbuo kikaendo na iṟehio kipfa kya walya waindie Mndumii na ikusaṟa kya rina lyake.

LUKA 10:20

Kya kake mulawone mochichihio ili mumuyo mbicho imbike shi yanu ikamuicho; indi chihionyi kya ili marina hanu hamaṟehie kulya ruwehu.”

MAWUTO HA WASU 13:48

Wandu wa mbaṟi njihenu wekiicho wado wakachihio wakaichika idedo lya Mndumii wakaidikya nawo nyiwo iwo wawemteseheṟyo moo fu fo mlungana.

WAROMA 11:4

Ruwa nalemhaluo ada? “Na njikutsiheṟye-ho wasoṟo shiku mfungade sa welalepfirya Baali ndi.”

WAROMA 11:5

Nyi wudo kuwei na wulalu, kutsuhe mtsuhaṟo sa Ruwa afusambuṟie njia ya wutonga.

WAEFESO 1:4

Nakyo kihianyi na kilya kilemnenga alelusambuṟa kimu nao matika halya wuyana wu wulandewiko kundu lukae waele lulawode mti ipfo oshangunyi loke.

WAFILIPI 4:3

Na iyo-se Sinzigo oko msalari, ngakuterewa na iyo uwaikanye nyiwo wawerianyi na inyi ikapanya ndumi ya sia ya okiio handu hamu na Klemensi na wakyando wako walya wengi wai-waṟehye marina hawo ipfo kitapunyi kya moo.

WAKOLOSE 3:12

Nanyo ili mui wasambuṟe wa Ruwa waele na wakunde wake Ruwikyenyi wucha woichio mndu wukiwa kui ngoo na wukesi, wo oshangu na ikunyiṟa na wuhoo na woloṟu.

WAEBRANIA 12:14

Wingyenyi hamu na wose ikaa na ofoṟo na wuilisho, kipfa kulaipfo echiwona Mndumii alai mwilishe.

1PETRO 2:9

Indi nyo mukeri oshari luu-usambuṟe wamangi wadasi, Wakohanyi wa Mangi wa mkambo fui mwele, wandu wa Ruwa amonyi msanzie fo watale wandu wa Ruwa; kundu muwe mochionguo mawuto mecha ha Ruwa ichu alemlaha ipfo meemenyi kamduo senyi yake iṟihishye idi.

OTAMBAHALUO LO YOHANE 13:8

Na walya wai iya wuyana wechihenda iliolokia wose iwo walai-waṟehie marina hawo kitapunyi kya moo wokia matika halya ha kidihina kilya kishinje.

OTAMBAHALUO LO YOHANE 17:8

Indo li omeliwona liwei-pfo ili kacha, indi wulalu liipfo-pfo. Nalyo lyechido liwuka ko wapfu; indi lyechirumatso. Wai wuyana wechiṟihio. Na wandu walee masangenyi walai-waṟehye marina hawo ipfo kitapunyi kya moo wokia wuyana wulembiko, wo wechiwuko m madima ilindi wewona indo lyi ke liwei-pfo kacha, lilai-pfo wulalu nalyo lyammboneka-se.

OTAMBAHALUO LO YOHANE 20:15

Na mndu alawekoyo aimṟehye ipfo kitapunyi kya moo o kahenda yombotso ipfo nduwenyi ya modo.

OTAMBAHALUO LO YOHANE 21:27

Indi orio kiwichuo kyose kyechiida nahopfo, manya mowuta kya wusutsu na kya wongo ote. Chila na walya wai-waṟehye ipfo kitapunyi kya moo kii kya Kidahina kilya wechiida napfo.

OTAMBAHALUO LO YOHANE 3:5

Wawinzi nyi wudo wechiṟiko nguwo njiili. Na marina hawo njechihaangatsa kitapunyi kya moopfo. Na inyi njechiwaṟingishia ke nyi wako oshangunyi lo Wande oko na oshangunyi lo wamalaika wake.’