YESAYA 4:2 - Bibilia Kui Mdedie fo Kimochi

² Mkonufo njana ya Mndumii yechichia, iwode wuitoṟi na ndunda tsa oruka tsechiwa njicha mnu, na ichihiṟa, kipfa kya Israel walya walekiṟo.

YESAYA 4:2 ပူးပေါင်းရင်းမြစ်များ

SHIIMBO SHA DAWIDI 67:6

Teri ileoṟisha kilimu kyayo; Ruwa, Ruwa odu naluwikia ona.

SHIIMBO SHA DAWIDI 72:16

Kuwade mboṟa ya mso fufoi, mademehu hai fumvuhu, ndunda tsaho tsifo cha tsa Lebanoni, Na wandu wa mṟinyi waleheke cha maṟa ha orukenyi.

IWUKA 28:2

Na iyo nochisungusia Aroni mano mayo maṟao maele kui kiṟumi na kui wucha.

YESAYA 11:4

indi kui wukiilohi nechianduya wakiwa, nechiwawasa wekunyiiṟa wa wuyana kui wuele; nechikapa wuyana kui ndichi ya dumbu lyake, na kui mṟufu fo dumbu lyake nechiwaha wawicho.

YESAYA 26:1

Mkonu fulya kiimbo ki kechiimbo kiidi kya oruka lo Yuda; So luwode mṟi fui na pfinya; Nechihaluo okiṟo luwe mhamba fo oṟiho.

YESAYA 27:6

Mfiri ikeri icha Yakobo nechikapa mri; Israeli nawaṟe shiwaṟo na ialuka; Nawo waichuṟe ndunda wuyanenyi kose.

YESAYA 30:23

Nao nyi echiolotsa mvuo ikape huya mbeu, kundu nowaaye kiidi kya oruka-lu; nochiwona na mkate fo kilimu kya oruka lu, nalo lochiṟaa na iichuo; mandiho shuma shapfo shechiliso handu hang'anyi ngoseṟa.

YESAYA 45:8

Ombokenyi, nyo ngina wuka huye, Mapuchi haletse wulohi; Oruka luṟuhuke luende okiṟo, Nalo luwute wulohi shidosane, Inyi Mndumii, njilewika ishi.

YESAYA 53:2

Kipfa nawei cha iṟa lilehetsi, Cha mri fui handu hahadutsu; Awode wumba lichapfo; Ma fana yemlanga awodepfo.

YESAYA 60:15

Kipfa noledeo na isuika, kulakae ma mndu aleida kopfo, njechikuhaluo kiṟumi kya mlungana, Sia ya shishari shifoi.

YESAYA 60:21

Wandu wapfo wechiwa wenyi wusumhanyi wose, Nawo wechioṟa oruka mlungana; Njana njileiwaya inyi njimonyi, Nyi iṟunda lyako inyi njimonyi, Kundu njiṟumisho.

YESAYA 61:11

Kipfa chando oruka lokedosa njana tsalo; na chando shahu shekekumbia necha shilya shiwaye-pfo; nyi wudo Mndumii-Ruwa echiwaya lohi na kiṟumi oshangunyi lo wandu wa mkambo wose.

YEREMIA 23:5

“Ambuya mkonu ikeri icha, Mndumii ahamba, ‘Njechidosia Dawidi njana ya wulohi nayo yechichilia; mangi echiṟunda na wulaanyi na njechianduo kui wulohi kiidi kya oruka.’

YEREMIA 33:15

Kiidi kya mkonu yo, ee da, mandi ho, njechioṟisha njana njihoṟotsu kiidi kya oshari lo Dawidi. Njana yo yechiwuta sha wusumhanyi kiidi kya isanga.

YEREMIA 44:14

Koikyo kochiwada mndu ma umu kiidi kya wandu wa Yuda waletsuhaa na ihenda ikaa orukenyi lo Misri echikia ang'u nakae na moo, ang'u iwuya orukenyi lo Yuda pfo lulya walangie iwuya na ikaapfo. Wechiwuya pfo, shile nyi waangu walya wai wadichi.”

YEREMIA 44:28

Nyi waangu wechikia shidenyi wawuye wawuka Misri na ihenda orukenyi lo Yuda. Wandu wa Yuda wose waletsuhaa kiidi kya walya walehenda ikaa Misri wechimanya nyi idedo lyau lyiwode pfinya lyako ang'u lyawo!

EZEKIELI 34:29

Kyamba njihenda iwainenga madema mecha kundu walahende iwadose njaa kiidi kya orukalo, manya isaluchose nyi wandu wa mkambo ya wandu.

EZEKIELI 36:8

“Kyaindi ko wandu wako wa Israeli nyi wechihenda ioṟa maṟamba na ikumbia ndunda ko wana wako wa Israeli. Kyamba wo nyi wahenda iwuya na kanyi kowo kiidi kya mfiri mwangu.

EZEKIELI 7:16

Walya wechidicha, wechikaa huye ya mafumvu cha mbeta tsa mapichinyi, nawo wechisumukia mrima nyi orio umu kipfa kya wunyamaṟi woke.

YOELI 2:32

Kiheri kyo wandu walya wose wechiterewa, ko rina lya Ruwa Menyi Matorito, wechikiṟo. Chandu Mndumii-Ruwa awehambie, Kiidi kya fumvu lya Sioni na Yerusalemu, kuwode wandu sa wechikia; chandu njilehamba inyi Mndumii-Ruwa. Walya njilewasambuṟa wechikia.”

YOELI 3:18

“Kiheri kyo, mafumvu hechioṟa madema ha msabibu nhya, na mapo hammbe hechiwono shitonyohunyi hesotsa maruwa. Soka tsose tsa Yuda tsechisotsa mṟinga fufoi; soka yechiwuka hekalunyi lya Mndumii-Ruwa, na inosa pichi lya shitimu .

OBADIA 1:17

Indi kiidi kya fumvu lya Sioni kochikaapfo sa wechikia, nalyo lyechiwa liele, na mba ya Yakobo wechiikolonyia wuikolonyi wowo.

ZEKARIA 3:8

Wulalu adanyia iyo Yoshua mkohanyi ang'anyi hamu na wodoyo wekedamya oshangunyi koko, kipfa iwo nyi wai kichano, kipfa ambuya njechidika mṟundi oko, echilaho nyi njana.

ZEKARIA 6:12

Nombie Mndumii Menyi Matorito nahamba adi, Ambuya mndu chu alaho nyi Njana nyio echiwika hekalu lya Mndumii.

ZEKARIA 9:17

Chando wucha woke wung'anyi, Na ichia lyake lyielewetsie; Mso fochilumbisha wana wa kisoṟo Kipfuo ko wana wa kika.

MALAKI 3:17

“Wo wechiwa wako,” Mndumii menyi Matoṟito ahamba, Kiidi kya mkonu njifutana, wechiwa kisa kyako, “Inyi njechimulekia, cha mfee molekia mana oke ekemṟundia.

MATAYO 24:22

Na mafiri halya nokoe halawechiwihiṟowihiṟo numa hanyienyie, ma orio kindo kii na mbihu kyose kiwechiwona-se handu kechikiṟyopfo. Kyaindi nyi kipfa kya iwo wai wasambuṟe nyi kyondo mafiri halya hechiwihiṟyo-wihiṟiyo numa.”

LUKA 21:36

Nanyo, laenyi dembo mfiri yose mochiterewa, kundu muidime ikuashuo isho shose shikundi iwa, na ihoṟoka alya sumuhana na Mana o mndu.”

YOHANE 1:14

Nalyo idedo likahaluka mndu arie nyama tsa wandu likakaa kodu. Natso lukawona wuitoṟi woke, nawo wuitoṟi wu wui wo Mana kimumu mfi aikaa na Wande aichuo wutonga pacha na wukilohi wose.

2 WAKORINTO 4:6

Kipfa nyio Ruwa ahambye kuwe sa iwae iwuka meemenyi nao alewaa ipfo ngoonyi tsadu kuwukye-ho ngeela yemanyisha wuitoṟi wo Ruwa wukeri oshangunyi lo Kristo.

2PETRO 1:16

Kyamba so lulawerianyi na shihano shii-shihanehane ilindi lulemwongoya pfinya ya icha lya Mndumii odu Yesu Kristo na mkae foke fui nao. Kya indi lulewona na meso hadu wunene woke.