YESAYA 3:8 - Bibilia Kui Mdedie fo Kimochi

⁸ Kipfa Yerusalemu yamewunduyo, Yuda wakaoloka, kipfa madedo hawo na mawuto hawo, hai kihadi na Mndumii mṟasa hasuiṟa meso ha Mndumii.

YESAYA 3:8 ပူးပေါင်းရင်းမြစ်များ

2MBONYI TSA MAHERI 28:18

Kiheri na ikyo da, Wafilisti wawekeri ipufukia mṟi ya Shefala na Negebu ya Yuda. Wakawada mdeho mṟi ya Beth-shemeshi, Ayaloni, Gederothi, Soko na shihongo shake, Timna na shihongo shake, Gimzo na shihongo shake, na itana pfo kukawa kanyi kowo.

2MBONYI TSA MAHERI 33:11

Koikyo Mndumii-Ruwa kaende wasongoru wa ichekeṟo lya mangi o Ashuru. Nawo wakawada mangi Manase ko nguṟo, wakampfunga maṟikoso ha menya ya aṟeṟa njiili, wakamende mṟasa Babuloni.

MFANANO 26:27

Mosuma rina nyi echiolokiapfo amonyi; Na mopiṟimitsa iho lyechimbuuya.

YESAYA 1:7

Oruka lonu nyi wukiwa; mṟi yanu injirumatse nyi modo; oruka lonu, wahenu waluliiye oshangunyi lo meso hanu; nalo nyi wukiwa, ke luirumatse nyi wahenu, cha irumatse lya Sodoma.

YESAYA 49:19

Kipfa kui mbonyi tsa handu hapfo hawelolomi, na handu kulawekekao nyi mndu, na oruka lopfo luwenyamaṟikie, nyi kya lohi lochisisia lulechishika ma wenyi-ho; na walya walekutuura wechikaa haleshe.

YESAYA 57:4

Mukeri italuo u? Nyiu muimwasamia na isomuo njolimi tsanu? Ngesa nyo chi wana wa odetso oshari lo wongo;

YESAYA 59:3

Kipfa mawoko hanu hafanyi ngafu ya samu, na shimnyo shanu shifanyi ngafu ya wukika; madumbu hanu hadedie wongo na njolimi tsanu tsikasiria wuwicho.

YESAYA 6:11

Na inyi ngawesa, “A nyi mṟasa indi hoi Mndumii?” Nao kanjihaluo, “Nyi mṟasa mṟi ii yechinyamaṟo ilechiwadapfo ma mndu, na mba tsi tsituṟe wandu piu, na oruka lu luwe mrapu;

YESAYA 9:17

Kui kipfa kya ikyo Mndumii echichihiyo kipfa kya wanake wawopfo, echisaṟia wangoeda ma wakusu wawopfo, kipfa orio mndu nyi afanyi ngafu, naichuo ngafu na orio olimi lokededa wutondo. Kimu na isho nyashi yake ilehalukia kuleshe-pfo, indi owoko loke lui luhoṟwo itane wulalu.

YEREMIA 23:36

Na mhanda fo Mndumii mochifusendasepfo, kipfa orio idedo lya mndu ulya lechiwa mhanda foke, kipfa nyo modetsa idedo lya Ruwa ai na moo, Mndumii menyi Matorito, Ruwa odu.

YEREMIA 26:18

Mikaya Mmorashti, nyi aleonguo kiheri kya Hezekia mangi ya Yuda. Kadeda na wandu wose wa Yuda, ke Mndumii o matorito nahamba adi: “Sayuni yedemo cha dema lyedema, na Yerusalemu yewa mrapu na fumvu, lya mba lyechiwa cha hando kukuirie ngeṟenyi.

YEREMIA 26:6

Njechihaluo mba i iwe cha Shilo, na mṟi fu njifuhaluo fuwe oseso njoshari tsose tsa oruka.”

YEREMIA 4:13

Ambuya! Mkituwa opfo nechido huye cha mapuchi, na magari hake ha shida hechiwa cha kiwiriwiri, farasi tsake tsiichi iwikia mteṟa kota owishi. Ochia lodu! Kipfa lunyamaṟikie.

YEREMIA 44:3

Ilewa ido kipfa kya wuwicho walewutana, wakanjisuiṟa ko ipfaamiṟia maruwa hengi ubani na ihaṟundia maruwa hengi walawehaichi; manyo, ma waku wanu.

SHILIO 1:9

Ngafu yake nyi ilewono na pata, indi wo walasaṟe kya mtsitsionyi fofo. Ioloka lyake nyi lyiweng'anyi mnu; kulakaepfo msa echiidima iwawihiṟiya moo. Wakahamba; “Keambuyawo wo hoi Mndumii-Ruwa maturo hako, kyamba mkituwa oko nyio awa mbinzi.”

EZEKIELI 8:12

Nalyong'u Mndumii kanjilaha kanjiwia, “Iyo mndu uwonyi shindoshi wanene wa Israeli wakeri ishiwutia ipfo meemenyi ko kiṟika? Orio umu owo nakeri iindia sanamu ipfo kiṟihenyi kikudikie shindosho nawo wakeri ieduo wehamba Mndumii aluwonyipfo, Mndumii naleluwihitsa.”

EZEKIELI 9:9

Nao Mndumii-Ruwa kanjihaluo, “Wunyamaṟi wo mba i ya Israeli na Yuda nyi wung'anyi mnu. Orukalu luichuo wuwahi na mṟi fu fuichuo iwonyia, nawo nyi wekehamba, ‘Mndumii nalelukumba nao ekewonasepfo.’

HOSEA 5:5

Ikudosa lya Waisraeli nyi liwonekanyi na pata; Wandu wako Efraimu nyi wechiomboka kipfa kya wuwicho wowo, na wandu wa Yuda nyi wechiomboka handu hamu nawo.

HOSEA 7:16

Ambuya, nyi walehalukia maruwa hengi, wakawa cha uda wulekeidima iṟunda, Wanene wawo nyi wechipfa ko oshu, kipfa kya madedo hawo hekudosa dosa, Kipfa kya ikyo nyi wechisalucho orukenyi lo Misri.

MIKA 3:12

Kyasia! Kwi kipfa kya ikyo, Sioni yechidemo cha mdemi. Yerusalemu yechisamo na ifumvu, lya hekalu lyechiwa ngeṟa.

MIKA 6:12

Wasuṟi wa mṟi yawo waichuo wulembi, wenyi mṟi wawo wekededa wongo, orio kindo wadeda nyi wulembi.

HABAKUKI 1:13

Iyo uwode meso mecha ulechiambuya wuwicho, iyo ulechiambuya wupiṟi nkili ukeri iambuya wewuta mtambo na ikutsia sau, ili mndu mbicho awonyia menyi wusumhanyi kota o;

1 WAKORINTO 10:22

Ang'u nokunda ipfulutsa Mndumii nyashi? Nyi loidima imwota o ko?

YUDA 1:15

Nahende yanduya wandu wose, mwanduye fulya na ihoṟuo walemeshi wose kya mawuto hawo mawicho hose walemlemya naho na kya mawicho halya hose walemdeda naho wai wanyamaṟi walemeshi wado.”