YESAYA 3:7 - Bibilia Kui Mdedie fo Kimochi

⁷ Nahong'u mkonu fulya nechiira ṟu lyake, kechihamba, “Inyi chi mkiṟa o wandu pfo, kipfa kiidi kya mba yako kuwode kandopfo, ma maṟaopfo, Mulanjihaluo njiwe msongoru onu-pfo.”

YESAYA 3:7 ပူးပေါင်းရင်းမြစ်များ

MAWOOKIONYI 14:22

Abramu kawia mangi ya Sodoma, “Njileiria owoko loko ko Mndumii, Ruwa Ai huke mnu, Mowika ruwehu na oruka,

YESAYA 58:12

Wandu wapfo wechiwika mba handu haile; nochiwika kiidi kya njotende tsa kuwoka; na iyo nochilaho, ‘Aichu mosungusia handu hawundukie; na mowihiṟa handu hekaa.’”

YEREMIA 14:19

Hoi Mndumii-Ruwa, naho oleha Yuda piu? Mrima fopfo fosuiṟo nyi Sioni, Nki kitewe ulukape kudi owicho? Luwekusihiye ofoṟo indi, Lulawone kicha kyose, Luwewedia ikia, indi lukahoya sheluowesha.

SHILIO 2:13

Njikuwieki iyo Yerusalemu? Njikufananyitse na kiki? Njikufananyitse na kindo kya mbaṟi ida kundu njiidime ikuwihiṟia moo, Iyo Sioni ui mcha? Ngapo tsapfo nyi tsing'anyi cha ipalyipalyi. Ngesa nyiu echiidima ikukiṟa?

EZEKIELI 34:4

Ambuya machondi halya mafafa mulehaambuyapfo, manya halya haweluo mulehaṟundiapfo, na halya hawei na shifaṟe mulehawikia mdipfo, halya haweṟahaṟaha mulehawihiṟapfo, manya halya hawedekie mulehapfulapfo. Kyaindi nyi mulewahoṟokia ko pfinya na wulang'a

HOSEA 5:13

Kiheri wandu wa Efraimu, walemanya ndaṟe yawo, na Wayuda wakawemanya itiinga lyawo, wana wa Efraimu nyi, walehenda ko mangi, o Ashuru kundu nawaikanyie, kyaindi echiidima imukanyia, manya ichiṟa itinga lyanupfo.

HOSEA 6:1

“Ndenyi luwuye na ko Mndumii-Ruwa! Ambuya nyio amonyi aleluranduo, kyaindi nao amonyi nyi echiluchiṟa; Nyio alelufaṟa, nyio amonyi echichiṟa shifaṟe shadu.

YOELI 1:16

Shilimu shadu sharumatso lochiambuya. Kuwode sia na shiseko hekalunyi lya Mndumii-Ruwa odu pfo.

NGUMBUO YA MAWAWASO 32:40

Ngahoṟoya owoko loko huye ruwehu na ilya nyamu, kui moo foko fo mlungana.