YESAYA 26:4 - Bibilia Kui Mdedie fo Kimochi

⁴ Kusirie Mndumii mkonu yose, Kipfa Mndumii, Ruwa nyi iṟaṟa lya mlungana.

YESAYA 26:4 ပူးပေါင်းရင်းမြစ်များ

2MBONYI TSA MAHERI 20:20

Ili lya ngama, wakakure ngamenyi na otuko, wakahenda mṟasa kiidi kya nuka ya msanga ya Tekoa. Kiheri waweikure wahende, Yehoshafati kahoṟoka, kawawia, “Njiadanyienyi, nyo wandu wa Yuda na wandu wekekaa Yerusalemu! Idikienyi Mndumii-Ruwa, Ruwa onu, nanyo mochikutumuhaṟa. Muidikie waikimbi wake, nanyo mochihuyo.”

2MBONYI TSA MAHERI 32:8

Senakeribu nawode pfinya tsa kiwumndu tupu, kyaindi so lui na Mndumii-Ruwa, Ruwa odu, ailutarama na ilukapanyia shida shadu.” Madedoha ha mangi Hezekia halewanza mnu mrima ya wanduwo.

YOBU 9:19

Kokoya nyi ilyimbana, o nawode pfinya ing'anyi; Na kokooya nyi ishiha wulohi, nyiu echimeende na mengenyi?

SHIIMBO SHA DAWIDI 125:1

Waiwedia Mndumii nyi cha fumvu lya Sioni, Sa lilechisingida, lyechikaa mlungana.

SHIIMBO SHA DAWIDI 18:2

Mndumii nyi ngina yako, na mfiṟiha foko, na mkiṟa oko. Ruwa oko, iho lya iṟaṟa njekemdichia, Ngawo yako, na ombe lo okiṟo loko na mfiṟiha foko.

SHIIMBO SHA DAWIDI 46:1

Ruwa nyi handu hadu hedichia na pfinya, Kitarama kyechiwoneka mlungana kiheri kya matuuro.

SHIIMBO SHA DAWIDI 55:22

Dika Mndumii mhanda fopfo nao nechikuṟihika, echilekya mndu o wusumhanyi nalemo mlunganapfo.

SHIIMBO SHA DAWIDI 62:11

Oweṟe Ruwa nadeda limu; lya kawi ngaicho ishi, ke; pfinya tsose tsii na Ruwa.

SHIIMBO SHA DAWIDI 62:8

Nyo wandu, kusiriyenyi koke kitsitsi, tambaṟuonyi ngoo tsanu oshangunyi loke; Ruwa nyio lochimdichia.

SHIIMBO SHA DAWIDI 62:9

Lohi, mndu o wandu nyi mai, na walya wawode kiṟumi nyi wongo, koineng'ena wai wafafa; wose wai wafafa na wulya, na mai na mai.

SHIIMBO SHA DAWIDI 66:7

Naikolonyie kose kui pfinya tsake; meso hake haambuya wandu wose wewuta mawicho walakuirinyishe mrimenyi yawo.

SHIIMBO SHA DAWIDI 93:1

Mndumii naikolonyie; nalekuṟika kiṟumi! Mndumii nalekuiṟika na ikukarisha pfinya! Ee da, wuyana wulewanga wulasingide.

YESAYA 12:2

Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YESAYA 17:10

Kipfa kulehadima Ruwa o Okiṟo lopfo, ma kulekumbuo iṟaṟa lya oṟiho lopfo-pfo; kipfa kya ikyo kowaya madema mecha, kowikapfo msabibu njihenu.

YESAYA 30:29

Mochiwada kiimbo cha kiheri kya kio, cha mbuka tsa mfuho Mwele, mochiwada sia ya mrima, cha mndu aihenda na mtoṟiṟo kiidi kya fumvu lya Mndumii ai iṟaṟa lya Israeli.

YESAYA 32:2

Na mndu nechiwa cha handu heowa cha otanu, na handu hekuringa na masinanu ha kiwiriwiri; cha meda ya mṟinga handu hahadutsu haumu, cha kiṟinje kya iṟaṟa ling'anyi kiidi kya oruka luleheli.

YESAYA 44:8

Mulaowuo, mulawuko madima; ngesa njileonguo na iloṟa ishi wokia mbooko? Nanyo nyi wangochi wako. Ngesa kuwode Ruwa ngoseṟa yako? Nkya lohi kuwode Iṟaṟa-pfo; inyi njiichi ungipfo.”

YESAYA 45:17

Kyaindi Israeli wechikiṟo nyi Mndumii kui okiṟo lo mlungana; nyo mochisonu, ma isukio nyi moo-pfo, kipfa Mndumii nyi ai nanyo mlungana na mlungana.

YESAYA 45:24

Umu nechinjiwia ko Mndumii amonyi, kuwode wulohi na pfinya; ee wandu wechihenda koke, na wose walemsuuya wachiṟeenze.

YESAYA 50:10

Nyiu kiidi kyanu aowoye Ruwa, ekundia ṟu lya mṟundi oke? Ichu ekeida memenyi, alawode saa, akusirie rina lya Mndumii, na ikusiria Ruwa oke.

YESAYA 51:5

Wulohi woko wui hafui, okiṟo loko lui pang'a, na mawoko hako hechianduya njoshari tsa wandu; oruka luilutengetie nyi mṟinga lochitirima, lochikusiria owoko loko.

YESAYA 63:1

Nyiu ichu awuka Edomu, Awode nguwo tsifanyi samu awuka Bosra? Ichu awode nguwo tsa wuhuru, Akeri ihenda kiidi kya wusuṟi na pfinya tsake? Inyi njideda na wusumhanyi, ai mopfinya mokiṟa.

DANIELI 3:17

Kokoya nyi wudo, Ruwa odu ichu lokemṟundia nyi echiidima ilukiṟa na modo fu focha;

DANIELI 3:28

Nebukadneza kahamba, “Naṟumisho Ruwa o Shadraki, Meshaki na Abednego; ichu aleduma Malaika oke kakiṟa waṟundi wake wakumsirie, iwo waleilacha idedo lya mangi, wakawuta mbihu yawo ilasingie maruwa hengi shile Ruwa owo wawenyi.

MATAYO 28:18

Na Yesu kacha na alyando wai kadeda nawo kahamba, “Nyi njimnengye pfinya yose ya ipfo ruwehu na ya kunu wuyana.

MATAYO 6:13

Ma ulaluduo kitewionyi indi ulukiṟe shindo shiwicho!

NGUMBUO YA MAWAWASO 32:15

“Waisraeli walewa wasuṟi wakadekio Mndumii, Waleihuda wakachia kui fana, numa wakalekana na Mndumii-Ruwa alewawumba, wakapiṟa iṟaṟa lya, okiṟo lowo.

NGUMBUO YA MAWAWASO 32:4

Mndumii-Ruwa nyio Iṟaṟa lya okio; maṟunda hake nyi haawukie, njia tsake tsose nyi tsa wusumhanyi. Onyi Ruwa mhendeli alawode ideko, o nekewuta mbonyi tsa wuhendeli na wusumhanyi.

NGUMBUO YA MAWAWASO 33:27

Ruwa o mlungana nyio kidichionyi kyanu; pfinya yake iwonekanyi wuyanenyi. Nalefuna wakituwa oshangunyi lonu; nalemuwawasa: ‘Warumatsenyi.’

WAFILIPI 4:13

Ngakuidimya njido shose njii na ichu monjikapya owanzo.

1SAMWELI 2:2

Kuwode msa ai mwele cha Mndumii-Ruwapfo; kuwode oose ai chaopfo; kuwode ai Iṟaṟa cha Ruwa odupfo.