YESAYA 2:8 - Bibilia Kui Mdedie fo Kimochi

⁸ Ngoseṟa oruka lowo luichuo sanamu tsa maruwa ha wongo, wekeindia maṟunda ha mawoko hawo, shindo shishitane kui shimnyo sha mawoko hawo.

YESAYA 2:8 ပူးပေါင်းရင်းမြစ်များ

1WAMANGI 16:7

Ngoseṟa, idedo likachea mwikimbi Yehu mana o Hanani kya Baasha, na kya mba yake, kipfa kya mawicho alewuta oshangunyi lo Mndumii, kechimpfulutsa nyashi kui maṟunda ha mawoko hake, ko ifanana na mba ya Yeroboamu kipfa naleinyamaṟa.

2WAMANGI 17:10

Huye ya orio kifumvu na wanda ya orio ikidi liwode maṟa mawishi, wakawika ngo tsa maho na sanamu tsa ruwa o kika elaho nyi Ashera.

2WAMANGI 17:16

Walaindie mawawaso hose ha Mndumii-Ruwa, Ruwa owo, wakasungusia sanamu tsa maruwa ha mahache hawi hesalaṟa, wakawesungusia sanamu tsa ruwa o kika Ashera wakaindia shindo shose sha nginehu na iṟundia Baali.

2MBONYI TSA MAHERI 27:2

Nalewuta mecha oshangunyi lo Mndumii-Ruwa chandu ndeye o Uzia awekewuta; kyaindi o alewuta wunyamaṟi wokoṟa ubani hekalu nyi lya Mndumii-Ruwa-pfo .

YESAYA 17:8

Manya echiambuya rasioni ii iṟunda lya mawokopfo; ma echiambuya shilya shii shiṟunde na shimnyo sha mawokopfo, mbuonyi na sanamu tsa mnengeṟi.

YESAYA 26:13

Hoi Mndumii, Ruwa odu, wasoṟo wengi ngoseṟa yapfo waluitoṟie; indi kui ndarama yapfo iyo kumonyi lochisenda rina lyapfo.

YESAYA 37:19

na ikoṟa maruwa hawo modonyi; kipfa iwo wawei maruwapfo, indi nyi waiwawike kui mawoko ha wandu; wawei mashidi na maho nyikyo kitewe wakawanyamaṟa.

YESAYA 40:19

Afanannyi na sanamu pfo, kipfa sanamu yekesalaṟo nyi mwaaria umu, na mnganya o sahabu nekeiwika handu, nao kawetsanaho mshe ya fesa.

YESAYA 41:29

Ambuya, wose nyi mai na mai; maṟunda hawo chi kindopfo; sanamu tsawo nyi otanu na kifahio.

YESAYA 57:5

nyo mukeri iatsa lango tsanu kiidi kya mashidi, na wanda ya mashidi hawode maṟa mawiri; nyo mokewaha wana mapichinyi na ngaṟahamba tsa maho?

YEREMIA 1:16

Na inyi nyi njechihamba mwanduye foko huye yawo kya mbonyi tsa mawuto hawo mawicho hose; kipfa walenjida inyi wakaindia maruwa hengi, wakawehapfamiṟa, wakaindia maṟunda ha mawoko hawo wawenyi.

YEREMIA 11:13

Kipfa itala lya maruwa hapfo iyo Yuda haṟinganyi na itala lya mṟi yapfo; chandu itala lya njia tsa Yerusalemu nyi wudo mulehoṟotsa rasio tsa kindo kilya kya wusutsu, shitaṟa shepfaamiṟa Baali uvumba.

YEREMIA 2:28

“Kyaindi heku maruwa halya hapfo ulehawika? Hahoṟoke luhawone kokoya hechiidima ikukiṟa kiheri kya kiwi kyapfo; kipfa itala lya maruwa hapfo nyi kimu na itala lya mṟi yapfo iyo Yuda.

HOSEA 12:11

Kulya Gileadi nyi handu ha wunyamaṟi, kulya Gilgali walewuta mapung'a ha shidaso, koikyo rasio tsawo nyi tsechiwa cha mbumbi tsa maho, kiidi kya mfongo ii mademenyi?

HOSEA 13:2

Waefraimu wakaengeṟa ideko, wakasungusia sanamu tsa aṟeṟa, sanamu tsilesungusio ko mawoko hawo, tsilesungusio nyi Waaria wakahamba: “Aitsi, tsiindiyenyi.” Wasoṟo wakahekia momu ihache!

HOSEA 14:3

Mterewenyi mhoṟie, mudumbuye mochihamba, ‘Uluhoṟie madeko hadu hose, keambia shiinengo shadu, naso nyi lochikuadapfuma ko mrima.’

HOSEA 8:6

Nyo Waisraeli nyi nawudo wudo! Sanamu yo yanu nyi mwaria aleisungusia, ikeri Ruwa manya le pfo, ee, sanamuyo ya ihache, ya Samaria nyi ikeri ihenda ifunjo funjo!

MIKA 5:12

Njechinyamaṟa sanamu tsanu na ngo tsa wuindi wonu, nanyo nyi mochida iindia shindo mulesungusia muwenyi.

MAWUTO HA WASU 17:16

Paulo aipfo adi kechiwawedya kulya Atene kawona chando mṟi fulya fuichwo njofano, mumuyo foke fukapfuluko mnu.

NGUMBUO YA MAWAWASO 4:28

Ipfo kundu mochiṟundia maruwa ha wongo ha mashidi na maho hai masungusie na mawoko ha wandu; sa helekewona, helekeicho; helekelya manya ipfaamia.

OTAMBAHALUO LO YOHANE 9:20

Na wandu walya waletsuhaa walalewoho n ngapo tsilya, ma waledumbuya na ilekana na shindo watsanyie na mawoko hawopfo, indi waleshindia, na mṟufu iya mbicho na mfano ya maruwa ha wongo ii-mtsane ya sahabu na fesa na menya ya aṟeṟa na ya maho na ya shidi ilaidima ma yambuo ma iicho ma ichumia.