YESAYA 2:3 - Bibilia Kui Mdedie fo Kimochi

³ Na wandu wa masanga wechihendaho na ihamba, “Nchonyi luhende fumvuhu ko Mndumii, kanyi ko Ruwa o Yakobo, nao nechilulosha njia tsake, naso lochiosha mawawaso hake; kipfa kiidi kya Sioni, kochiwuka iwawaso na idedo lya Mndumii liwuke Yerusalemu.”

YESAYA 2:3 ပူးပေါင်းရင်းမြစ်များ

ESTA 9:27

Wayuda walehaluo nyi iwawaso ko kishari kyawo kose na ko orio ulya awekulunga nawo. Ke, kiheri kilyiwe kya mdawao orio maka, kulawode deko, mkonu yo iwi ing'anyisho kihendesanyi na wuwawaso wo Mordekai.

SHIIMBO SHA DAWIDI 102:23

Naleanguṟa pfinya tsako njienyi; kafuiṟa mfiri yako.

SHIIMBO SHA DAWIDI 110:2

Mndumii nechiloṟa kuwuka Sioni, ndichi ya pfinya tsapfo. Nowade iitoṟia wakituwa wapfo wose.

SHIIMBO SHA DAWIDI 119:171

Momu yako ihambe kiṟumi, cha kipfa nokenjilosha mapfundo hapfo.

SHIIMBO SHA DAWIDI 122:1

Njilechihio lilya walenjiwia, Kendenyi mbenyi ya Mndumii.

SHIIMBO SHA DAWIDI 48:1

Mndumii nyio ang'anyi, Nyio awaṟi iṟumisho mnu. Kiidi kya mṟi fo Ruwa odu, kiidi kya fumvu lyake lyele.

YESAYA 1:26

Na inyi njechikuwihiṟia wachili wahya chando wawei ili mboko, na walaanyi wapfo cha oo mawookionyi; Nlyodi Yerusalemu ochilaho, ‘Mṟi fo wukiilohi,’ nochilaho, ‘Mṟi mhendeli.’”

YESAYA 11:10

Na kechiwa mkonufo, itsinde lya Yese lyehoṟoka iwa kichano kui shishari sha wandu, nyio mbaṟi tsa wandu wakeri imshiha; na handu hake hesia moo kochiwada kiṟumi.

YESAYA 19:23

Kiidi kya mkonu fo kochiwada njia ing'anyi iwukie Misri itane Ashuru; Mwashuru nechishika Misri, na Mmisri nechishika Ashuru, na Wamisri wechiindia hamu na Waashuru.

YESAYA 28:9

Nechilosha u wuṟango? Nechiwia u oloho? Ngesa, nyi walya waimo maruwa walewuto maweenyi?

YESAYA 44:5

Umu nechihamba, ‘Inyi nyi o Mndumii na ungi nechikulaha kui rina lya Yakobo’ na ungi naṟehie owokohu loke, ‘Ko Mndumii’ na ikulaha ko rina lya Yakobo.’”

YESAYA 56:5

njechiinenga iwa kanyi koko na ngumbuo shiṟihenyi shako wawade rina na orio kii kicha kota iwada wana wa womi na wa waka, rina lyawo lechikaa mlungana lilechiwa ihadimo.

YESAYA 56:7

manya iwo njechiwaembeṟa kiidi kya ifumvu lyako liele, na iwachihiṟa kiidi kya mba yako ya wuhendeli wo shiterewo. Shidaso na shiano shemaya modonyi shechiidikio ipfo kitaṟenyi kedasia; kyamba mba yako yelaho nyi mba yeterewia masanga hose.

YESAYA 60:3

Na wandu wa masanga wechichea sa yapfo, na wamangi wechichea ngela yapfo.

YESAYA 65:11

Kyaindi nyo muidikie Mndumii na ihadima fumvu lyako liele na iṟeheṟa kitaṟa kedasia ruwa lyelaho nyi “Gadi, ” na iichuṟia ruwa lingi lyelahonyi “Meni, ” shombo sha mvinyo isanganyi.

YESAYA 66:20

Nawo wechiende wana wa wama wanu wose wawukie kiidi kya mkambo yose, wawe mwano ko Mndumii, huye ya frasi, na kiidi kya magari, na kiidi kya kitaṟa na huya nzoi, na huye ya mando hai na moo mwangu, mṟasa fumvu lyako liele Yerusalemu, Mndumii ahamba; chando wana wa Israeli wekeende shiano shawo kanyi ko Mndumii kiidi kya shihia shicha.

YEREMIA 12:16

Nahong'u kechiwa wokia wechikulosha njia tsa wandu wako, ilya nyamu kui rina lyako, ‘So Ruwa ai na moo,’ chando walewelosha wandu wako ilya nyamu kui rina lya Baali nyi wudo wechiwa kiidi kya wandu wako.

YEREMIA 26:18

Mikaya Mmorashti, nyi aleonguo kiheri kya Hezekia mangi ya Yuda. Kadeda na wandu wose wa Yuda, ke Mndumii o matorito nahamba adi: “Sayuni yedemo cha dema lyedema, na Yerusalemu yewa mrapu na fumvu, lya mba lyechiwa cha hando kukuirie ngeṟenyi.

YEREMIA 31:6

Kipfa kiheri kicha mringi nakape ombe, kiidi kya shifumvu sha Efraimu. “Kurenyi, luhende huye mṟasa Sioni, ko Mndumii-Ruwa, Ruwa odu.’

EZEKIELI 40:2

Kiherikyo njiwei ndodonyi, nalyo Mndumii-Ruwa kanjiduo mṟasa orukenyi lo Israeli, kawenjidosia huye ya ifumvu sa lileshe mnu, ambuya ora lo kyukanyi kukakaapfo mba tsing'anyi tsiwekuloṟie cha nyi mṟi.

HOSEA 3:5

Kyaindi kiheri kechicha mandi wandu wa Israeli wechihaluka na ishiha Mndumii-Ruwa, Ruwa owo, na ishiha mangi owo, o luwa lya mangi Dawidi. Nyilyondi wechiowuo Mndumii-Ruwa, na imkunda, na iambilia mboṟa tsake kiheri kya ifurumia.

HOSEA 6:3

Ko ikyo lumanye, luweengeṟa imanya Mndumii-Ruwa, icha lyake nyi lii lya lohi, cha icha lya mkonu, ambuya nyi echilucheya, cha mataṟataṟa ha mvuo, chandu mvuo ya kisie yekenosa oruka.

MIKA 4:2

wandu wa mkambo ifoi wechishika pfo wechihamba; “Nndenyi ludo na fumvuhu lya Mndumii-Ruwa, luhende mbenyi ya Ruwa o Yakobo, kundu naluloshe njia tsake, luweosha njayo tsake.” Kipfa uwawaso wochiwuka ipfo Sioni; idedo lya Mndumii-Ruwa ipfo Yerusalemu.

MATAYO 7:24

“Kyasia, mndu akeri-pfo ma o ku ma o ku, ichu echiadanya madedo hako na ihawuta kawehawuta, nyi afananyi na mndu awode wuṟango wucha alewika mba yake kundu kukualie iho.

LUKA 11:28

Nao kahamba, “E-wo, kyaindi nanga sa wekeicho idedo lya Ruwa na ikaa wakakaa nalyo.”

LUKA 24:47

Numa wandu wa mbaṟi tsose tsa masanga waongoyo rina lyake wadumbuye, waidime ihoorio manyamaṟo. Nasho shiwoke Yerusalemu.

YOHANE 4:22

Nyo Wasamaria kilya mokeindya mukiichipfo indi so lokeindya kilya lukiichi, kyamba nyi ipfo ko Wayuda mpfo kundu okiio lo wandu luwukye.

YOHANE 7:17

Mndu akundi iṟunda shilya Ruwa akundi nyio echimanya kya mloshye yo yako kokoya nyi ipfo ko Ruwa iwukye ang'u kokoya nyi ngadeda kiwukye koko inyi njimonyi.

MAWUTO HA WASU 1:8

Kya indi nyo mochiambya pfinya ili Mumuyo Mwele echimsokya. Nanyo nyi mochiwa waṟingishi wako ipfo Yerusalemu na Yudaya kose na Samaria itane mokoya mtsitsionyi fo masanga.”

MAWUTO HA WASU 10:33

Nahong'u oweṟe na lulya ngaduma wandu kopfo. Na iyo kowewuta necha ili omcha. Kyasiang'u aiwa so lose lukeri iya oshangunyi lo Ruwa luadanye isho umbwawase nyi Mndumii shose.”

WAROMA 10:18

Ang'u njiwesenyi njihambe, Ngesa nyi waleleicho ndumi-yo? Ee-ko. Waleicho Kuwukye mangelele hawo hakadung'ana wanda ii kose, na madedo hawo hakatana hashika kulyando mtsitsio fo wuyana.

NGUMBUO YA MAWAWASO 33:19

Wechiambia wahenu mafumvuhu hawo, na n'pfo kundu wechiwutia mwano. Kyamba wechiwona wusuṟi wowo kuwuka ipalyipalyinyi, na shichoṟe shawo kiidi kya msanga wambaṟa ya ipalyipalyi!

NGUMBUO YA MAWAWASO 6:1

Iha nyiho mawawaso, Mndumii-Ruwa, Ruwa onu, alenjitutuma njimuloshe, kundu muhaawutsie kulya orukenyi kundo muihenda ikaa.

YAKOBO 1:25

Indi ichu alekulemya wuwawaso-hu wu wusumhanye njora tsose iwu wo ikuachia, o awa mokaika kechiwuambuya, alai moadanya kya ihadima indi ai mtanyi motana kindo lohi-nyio echiwa mosumbo sia ipfo mbutienyi yake.