YESAYA 2:12 - Bibilia Kui Mdedie fo Kimochi

¹² Kipfa kechiwa mkonu fo Mndumii menyi Matorito, huye ya wandu wose wenyi orikiki na ikushela, na huya wose wakuirie; shose shechiolotso wanda.

YESAYA 2:12 ပူးပေါင်းရင်းမြစ်များ

2SAMWELI 22:28

Nokekiṟa iwo wai wahoo, na iombotsa walya wekushela.

YOBU 24:1

“Kitewe shiheri shilawiko nyi Mdumii? Na iwo wamiichi walawonyi mkonu yake?

SHIIMBO SHA DAWIDI 131:1

Mndumii, ngoo yako iwode wutimbiripfo, manya meso hako hekekuiriapfo. Manya njekekuwinyisha na shindo shinenepfo, manya na shindo shiidie pfinya yakopfo.

SHIIMBO SHA DAWIDI 18:28

Kipfa iyo uatsa taa yako; Mndumii-Ruwa oko anjiwaṟya meema foko.

SHIIMBO SHA DAWIDI 37:13

Mndumii nyiechimseka, kipfa nyiawonyi mkonu foke fuicha.

SHIIMBO SHA DAWIDI 94:2

Menyi moanduya wuyana, ukuichike; uinenge iwo wawode wutimbiri kiwasumhanyi.

MFANANO 16:5

Orio msa awode mrima fo orikiki nyi asuiṟie Mndumii, Nyi lohi, echida alamhoṟwo pfo.

YESAYA 10:12

Kyasia, kechiwa Mndumii kameinutsia iṟunda lyake lyose huya fumvu lya Sioni na huya Yerusalemu, njechikapa ndunda tsa orikiki tsa mrima fo mangi o Ashuru na ikushela lya meso hake.

YESAYA 10:33

Ambuya Mndumii, Mndumii menyi Matoṟito, nechimanya maṟamba kui pfinya iṟihishie; iwo wai waleshe kui mbumba wechimanyo; na iwo walekuiria wechiombotso wanda;

YESAYA 13:11

Na inyi njechisesa wuyana kipfa kya wuwicho wowo, na wunyamaṟi kipfa kya wukika wowo, Njechiwika mtsitsioni fo sia na wusuṟi wo wenyi orikiki; njechiombotsa wanda wose wekushela na walang'a.

YESAYA 13:6

Fahiyenyi na wuowu, kipfa mkonu fo Mndumii fui hafui - fuicha, cha orumatso luwukie ko Mndumii-Ruwa.

YESAYA 13:9

Ambuya mkonu fo Mndumii fuicha, mkonu fui mbawo, fo nyashi yake ing'anyi, kundu inyamaṟe oruka lu na wanyamaṟi, wose walawone wechikaapfo.

YESAYA 14:15

Indi nochisotso mṟasa shi; Mṟasa mtsitsioni fo ṟungu.

YESAYA 23:9

Mndumii menyi Matorito nyio aleanduo iki, kundu nanyamaṟe orikiki lo kiṟumi kyose, na isutsa wandu wa wuyana wose piu.

YESAYA 24:21

Nakyo kechiwa kiidi kya mkonufo, Mndumii nechikapa wandu wa shida walya wai handu haleshe hakuire na wamangi wai kiidi kya wuyana;

YESAYA 24:4

Wuyana wuikapa kilio, wuiuma; wuyana wuipooka, wuiuma; wandu wanene wa wuyana waipooka.

YESAYA 40:23

Nyio ekewuta wanene na ilacha wedumbuo mondu ya wandu wa wuyana.

YESAYA 42:15

Njechinyamaṟa mafumvu na shitoṟomoso, njechiumiṟa shose shikeri ido; njechihadutsa meda yose, na nduwa tsose tsa mṟinga kulechiwada mṟinga manta.

YESAYA 5:15

Na mndu mfari kahongomitso, na mndu ang'anyi kasuka na meso ha walya wekudosa hakasotso.

YESAYA 61:2

Ihamba kya maka fo Mndumii fuwaṟi, na mkonu fo kiṟache kya Ruwa odu; iwihiṟia moo wose waifuha;

YEREMIA 12:9

Ngesa kyoṟa kyako kyawa cha ndehe iwode matoṟetoṟe. Ndehe njiwawo tsedamia njora tsose. Henda sanyienyi ndehe na mando hengi, hai na moo halya malanga'a hache halye.

YEREMIA 13:9

“Mndumii nahamba adi, ‘Chandu uwonyi kiṟota-kyo kinyamaṟikie inyi nyi wudo njechinyamaṟa orikiki lo Yuda na orikiki lung'anyi lo Yerusalemu.

YEREMIA 30:7

Lohi, mkonu fo nyi fung'anyi, kuwode fungi cha ifo pfo; nyi mkonu fo kiwi ko wandu wa Yakobo; ma kudo wechikiṟo pfo.

YEREMIA 46:10

Mkonu fo nyi mkonu fo Mndumii-Ruwa Menyi Matorito, nyi mkonu fotaa kiṟache; ee da, nyi mkonu fohoṟuo wakituwa wake. Oshu lochiwamarisa na ihuda, lochinyo samu yawo na ihuda. Kipfa Mndumii-Ruwa Menyi Matorito nawode kidaso, ipfo ora lo mtsudu kufui na meda fo Eufrate.

YEREMIA 50:31

“Inyi Mndumii-Ruwa o matorito, njikapana na iyo uwode orikiki, kipfa mkonu fopfo fohoṟuyo foshika. Kiheri kyekuhoṟuo kyamanda.

EZEKIELI 13:5

Mulemeachikie omombo lo mba yo ipfo kundu inyamaṟikie manya mulemeachikie njomombo tsa mṟi fu pfo kundu fuidime ikuashuo kiidi kya shida ili mkonu fo Mndumii foshika.

DANIELI 4:37

Na hong'u inyi Nebukadneza njiadapfuma Mangi ya ruwehu, njimṟumisha, njimuindia; kipfa mawuto hake hose nyi ha lohi, na njia tsake nyi tsa sumuhana; walya wekushela wose nekewasotsa.

AMOSI 5:18

Ochia lonu! Nyo muilanga mfiri fo Mndumii nkili muilanga mfiri fo Mndumii? Nyi meema chi sapfo.

MIKA 2:3

Ko ikyo Mndumii-Ruwa nahamba adi; “Njiṟeheṟa imuendie nyo mawicho, mulechiidima ihaowia. Kechiwa kiheri kiwicho konu, ma mochiidima ihenda wo kushela pfo.

MIKA 5:11

Njechirumatsa mawuto hanu ha wusawi, nanyo mochiwada-se walasha-pfo.

SEFANIA 1:16

mkonu fo taṟumbeta na singiri Mṟi injiiṟihiye omombo, Iwode shitanga shileshe mnu.

SEFANIA 3:11

Mkonu fulya ochiowesho nyi mawuto halya hapfo uwedekio naho pfo; kipfa njechiwutaho wandu walya walanjiidikie na ikushela, walakae kiidi kyapfo, wuidiki wopfo, wochikaa kiidi kya fumvu-pfo.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

MALAKI 4:5

“Ambuyenyi njechimudikia Elia mwikimbi nasongoye mkonu-fo fo Mndumii fulamecha ifu fung'anyi na iowesha.

MATAYO 23:12

Na mokudosa amonyi nyi echikaa nanyiiro. Na mokunyiiṟa amonyi nyi echikaa nadoso.”

LUKA 14:11

Chakipfa orio mokudosa amonyi nyi echisotso, na mokusotsa nyi echidoso.”

1 WAKORINTO 5:5

Kyedambikya Satan mndu cho mbihu fohoṟuo kundu mrima fukiṟo mkonu fulya fo Mndumii.

1WATESALONYIKYE 5:2

Kipfa nyo muwenyi mwichi na kamu ke mkonu fo Mndumii, cha mwiwi o kio nyi wudo fochicha.

YAKOBO 4:6

Indi aenenga wutonga wo mwengeṟia.” Nkyo kimaduma ihambie, “Ruwa alemana na walya wekutimbisha wawenyi, indi walya wakusotsa, awawonya wutonga.”