YESAYA 2:11 - Bibilia Kui Mdedie fo Kimochi

¹¹ Meso ha mndu hakuirie hechisotsio wanda, na orikiki lo mndu lochilemetso, na Mndumii o amonyi neching'anyisho mkonu fo.

YESAYA 2:11 ပူးပေါင်းရင်းမြစ်များ

SHIIMBO SHA DAWIDI 18:27

Kipfa iyo nyi ochikiṟa wandu wawonyio, Na meso ha wutimbiri nyi ochihasotsa.

YESAYA 2:17

Ikushela lyose lya wandu, lyechisotso; na orikiki lo orio mndu lochifunjo. Nao Mndumii amonyi nyi echiṟumisho mfiri fulya.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

YESAYA 24:21

Nakyo kechiwa kiidi kya mkonufo, Mndumii nechikapa wandu wa shida walya wai handu haleshe hakuire na wamangi wai kiidi kya wuyana;

YESAYA 13:11

Na inyi njechisesa wuyana kipfa kya wuwicho wowo, na wunyamaṟi kipfa kya wukika wowo, Njechiwika mtsitsioni fo sia na wusuṟi wo wenyi orikiki; njechiombotsa wanda wose wekushela na walang'a.

YESAYA 12:4

Na kiidi kya mkonufo mochihamba, “Anenyi Mndumii, lahenyi rina lyake; Onguonyi mawuto hake kiidi kya wandu wa mkambo, sendenyi rina lyake ke ling'anyi.

MIKA 4:6

Mndumii-Ruwa nahamba, “Mafiri halya njechisanyia watiliwanyi shiwungo, ee da, njechisanyia walya waledao osamiṟonyi, wandu walya njilewahoṟuo.

HOSEA 2:18

Njechiwika mkundana na mando ha ngeṟenyi, na malehe ha nginehu handu hamu na shose sa shekeafuo, shilakufaṟe. Njechirumatsa wuda, oshu na nzohoṟa tsose tsa shida kiidi kya oruka, na ikutana nokae na ofoṟo.

EZEKIELI 39:22

Waisaeli nyi wechimanya ke Inyi Mndumii-Ruwa njiwekerise Ruwa owo wokia maheriho na wulalu.

1PETRO 5:5

Na wudo nyo mui wakoho kyekuhooyenyi wameku. Indi nyo mose mupfungane nguwo muwenyi na wenyi nyi yo mkunyiiṟye yanu. Kipfa Ruwa awikye walya wekyekung'nyisha tunja indi walya wekyekunyiiṟa wo nyi awawonye wutonga.

2 WAKORINTO 10:17

Indi mndu mokuṟumisha nakuṟumishe ai Mndumii-hu.

2 WAKORINTO 10:5

Luwewunduo na orio tunja yekuirya wuṟango wo Ruwa, lochilaṟa na mhie yose iwe yechihendelya Kristo.

LUKA 18:14

Kyasia nyi ngamuwia, ‘Ichu nyi alesoka na kanyi koke amsumuhantse kota ulya.’ Chakipfa orio mokung'anyisha amonyi, nyi echinyiiṟo, na mokunyiiṟa amonyi, nyi eching'anyisho.”

ZEKARIA 9:16

Mndumii-Ruwa owo nechiwakiṟa mkonu fo, cha po lya wandu wake; Kipfa wafananyi na oṟo tsa wuhuru wung'anyi Tsekemakema huya oruka.

SEFANIA 3:16

Mkonu fulya Yerusalemu nechiwio, Ulaowuo iyo Sioni, owoko lopfo lulalolome.

SEFANIA 3:11

Mkonu fulya ochiowesho nyi mawuto halya hapfo uwedekio naho pfo; kipfa njechiwutaho wandu walya walanjiidikie na ikushela, walakae kiidi kyapfo, wuidiki wopfo, wochikaa kiidi kya fumvu-pfo.

MIKA 5:10

Njechinyamaṟa mṟi ya oruka lonu na iwunduo omombo lo mfiṟiha yanu.

OBADIA 1:8

Mkonu fo ngesa njechirumatsa wandu wawode wuṟango kiidi kya Edomu, na walya wenyi mahiyo kitoṟomosohu kya Esau? Mndumii ahamba.

AMOSI 9:11

Mandi ho njechiira se kiwanja kya Dawidi kilya kiolokie na iṟundya handu halya hawewundukye; na inyi njiiriye njomombo tsilya tsake tsiwehoye njitsilauo cha kuwooka;

YOELI 3:18

“Kiheri kyo, mafumvu hechioṟa madema ha msabibu nhya, na mapo hammbe hechiwono shitonyohunyi hesotsa maruwa. Soka tsose tsa Yuda tsechisotsa mṟinga fufoi; soka yechiwuka hekalunyi lya Mndumii-Ruwa, na inosa pichi lya shitimu .

HOSEA 2:21

Mkonufo, inyi Mndumii-Ruwa ngahamba, njechiicho kiterewo kya ngina kenosa mvuo, ngina natso tsechiicho kiterewo kya oruka.

HOSEA 2:16

Inyi Mndumii-Ruwa ngahamba njidi: Mkonu fo iyo nochinjilaha, “Mii oko, ma ochinjilaha Baali oko sepfo.”

EZEKIELI 39:11

“Kyasia mfiri fo njechiinenga Gogu handu heṟiko kiidi kya oruka lo Israeli, napfo nyi ora lo ngamenyi lo ipalyipalyi lilya lya monyo. Kyamba Gogu nechiṟikopfo hamu na mbahanyi yake yose, wandu wa njia wawode momu foida ora lopfo. Nalyo pichilyo nyi lyechilaho rina, “Pichi lya Hamon-gogu.”

EZEKIELI 38:19

Ambuya inyi kui wunesi na kui nyashi yako ngahamba njidi mkonufo nyi kochiida kiding'ashi king'anyi kiidi kya Israeli.

EZEKIELI 38:14

“Koikyo iyo mndu! Wuta wuikimbi uwie Gogu, Inyi Mndumii-Ruwa ngahamba njidi: Kiheri kyo wandu wako wa Israeli wakeri na ofoṟo iyo nyi ochipfunga kyaṟo,

YEREMIA 9:24

Indi ulya mokushela nakushele kipfa nanjiichi inyi ke. Nyi Mndumii njekewuta mecha, njiwode wulohi na wusumhanyi, njekewuta shindo sha lohi na wusumuhanyi wuyanenyi. Wandu wa mbaṟi yo nyi wo wekenjichihiṟa.

YESAYA 52:6

Koikyo wandu wako wechimanya Rina lyako; kipfa wechimanya mkonu fulya ke nyi inyi njideda; ambuya nyi inyi.”

YESAYA 37:23

Nyiu ulemsutsa na imruma? Noiria ṟu lyapfo kou, na iiriya meso hapfo huye? Nko Mwele o Israeli.

YESAYA 30:23

Nao nyi echiolotsa mvuo ikape huya mbeu, kundu nowaaye kiidi kya oruka-lu; nochiwona na mkate fo kilimu kya oruka lu, nalo lochiṟaa na iichuo; mandiho shuma shapfo shechiliso handu hang'anyi ngoseṟa.

YESAYA 29:18

Na kiidi kya mkonu fo wapfu madu wechiicho madedo ha kitapu kyo, na meso ha wapfu, hechiwona kiidi kya mema na ipfo kipfupfuṟenyi kyawo.

YESAYA 28:5

Mkonufo Ruwa menyi Matoṟito nyechiwa ambo ya kiṟumi; cha kilemba kikicha ko wandu wake iwo watsuhae wai na moo.

YESAYA 26:1

Mkonu fulya kiimbo ki kechiimbo kiidi kya oruka lo Yuda; So luwode mṟi fui na pfinya; Nechihaluo okiṟo luwe mhamba fo oṟiho.

YESAYA 25:9

Kiidi kya mkonu fo wechihamba, “Ambuya ichu nyio Ruwa odu, nyio luwei imbedia nalutarame; Ichu nyio Mndumii luwei imbedia, Lukaese na ichihiyo kya okiṟo loke.”

YESAYA 12:1

Kiidi kya mkonufo nochihamba, “Hoi Mndumii njechikuana iyo; Manya chandu ulenjisuuya, Nyashi yapfo ilehalukia haleshe, Na iyo omenjiwihiṟia moo.

YESAYA 4:1

Na mkonu-fo waka mfungade wechiwada msoṟo umu na ihamba, “Lochilya kando kadu, na iṟaa nguwo tsadu luwenyi indi lulaho tupu kui rina lyapfo; (ke iyo nyi mii odu) uluwute sonu tsadu.”

2WATESALONYIKYE 1:10

Mkonu echicha nakuwutie-ho ewikio kiṟumi kiwukie ko wandu wake, nawe echiichiko nyi kya walya wake wamwidikye wose. Nanyo na wudo kipfa muleidikia wungochi wodu. Sho shechiwa mkonu fulya fulya.

2SAMWELI 22:28

Nokekiṟa iwo wai wahoo, na iombotsa walya wekushela.

SHIIMBO SHA DAWIDI 20:8

Wo wahongoma wakaoloka, Indi so lokuiria na ihoṟoka.

SHIIMBO SHA DAWIDI 46:10

Lekenyi, mumanye ke Inyi nyi Ruwa, njechiichiko kiidi kya mkambo ya wandu, njechiichiko wuyanenyi kose.

MFANANO 30:13

Kuwode kishari kya wandu wawode meso helanga! Mbawa tsa meso tsiaṟami.

YESAYA 23:9

Mndumii menyi Matorito nyio aleanduo iki, kundu nanyamaṟe orikiki lo kiṟumi kyose, na isutsa wandu wa wuyana wose piu.

YESAYA 30:18

Kui kipfa kya isho Mndumii nechiweda, kundu namusaṟie, na kui kipfa kya isho nechiṟumisho kundu namsaṟie, kipfa Mndumii nyi Ruwa o mwanduye; nanga wose wekemmbeda.

MIKA 2:3

Ko ikyo Mndumii-Ruwa nahamba adi; “Njiṟeheṟa imuendie nyo mawicho, mulechiidima ihaowia. Kechiwa kiheri kiwicho konu, ma mochiidima ihenda wo kushela pfo.

SHIIMBO SHA DAWIDI 18:28

Kipfa iyo uatsa taa yako; Mndumii-Ruwa oko anjiwaṟya meema foko.

SHIIMBO SHA DAWIDI 46:11

Mndumii menyi matorito nai naso; Ruwa o Yakobo nyi mfiṟiha fodu.

SHIIMBO SHA DAWIDI 94:2

Menyi moanduya wuyana, ukuichike; uinenge iwo wawode wutimbiri kiwasumhanyi.

MFANANO 16:5

Orio msa awode mrima fo orikiki nyi asuiṟie Mndumii, Nyi lohi, echida alamhoṟwo pfo.

YESAYA 10:12

Kyasia, kechiwa Mndumii kameinutsia iṟunda lyake lyose huya fumvu lya Sioni na huya Yerusalemu, njechikapa ndunda tsa orikiki tsa mrima fo mangi o Ashuru na ikushela lya meso hake.

YESAYA 14:15

Indi nochisotso mṟasa shi; Mṟasa mtsitsioni fo ṟungu.

YESAYA 40:23

Nyio ekewuta wanene na ilacha wedumbuo mondu ya wandu wa wuyana.

YEREMIA 12:9

Ngesa kyoṟa kyako kyawa cha ndehe iwode matoṟetoṟe. Ndehe njiwawo tsedamia njora tsose. Henda sanyienyi ndehe na mando hengi, hai na moo halya malanga'a hache halye.

DANIELI 4:34

“Lyefurumia maheriho, inyi Nebukadneza, ngairia meso hako ngaambuya ruwehu, mahio hako hakawa kufui na inyi; ngaidapfuma Ruwa chu ai Huye. Ngamwaana ngamṟumisha Ichu ai na moo mlungana: ‘Kipfa wuitoṟi woke nyi wuitoṟi wo mlungana, na wumangi woke nyi wuitoṟi wo mlungana, na wumangi woke wulamanda kishari na kishari;