YESAYA 2:10 - Bibilia Kui Mdedie fo Kimochi

¹⁰ Ida kiidi kya ngaṟahamba ya maho; uowe kiidi kya kiluli, kurise na nyashi ya Mndumii-Ruwa, kaa kuleshe na oshangu lo Mndumii, kuleshe kiṟumi kya mng'ano foke.

YESAYA 2:10 ပူးပေါင်းရင်းမြစ်များ

YOBU 31:23

Kipfa kilio kiwukie ko Ruwa kiwei keṟihisha koko, kipfa kya wunene woko njileidima iwuta kindo-pfo.

YOBU 40:13

Waṟike kilulinyi handu hamu woshya shamu shawo handu ha-kisekenyi.

SHIIMBO SHA DAWIDI 145:12

Kundu wamanyishe wandu mawuto hake manene, Na kiṟumi kya wulole wo umangi woke.

SHIIMBO SHA DAWIDI 90:11

Nyiu aichi wuidimi wo nyashi yapfo? Na tuke yapfo chando kiwaṟi iichiko lyapfo?

YESAYA 10:3

Nanyo mochiwuta kiki mkonu focheo, na kiheri kya orumatso, kechicha kiwuka kuleshe mnu? Alewo mochidichiawu muwone ngaya? Na kiṟumi kyanu mochikida hanga?

YESAYA 25:11

Na iyo nochihoṟotsa mawoko hake makiidi hawi hake, cha ichu ekeekelea kechihoṟuo mawoko hake kundu naekelee mṟingenyi, nao nyi echisotsa oṟikiki loke, hamu na mtambo ya mawoko hake.

YESAYA 42:22

Kyaindi wandu-wa nyi wandu waiwe na iwado shidenyi; wose wa waombotse marinenyi, wawaṟike mbenyi ya wapfungo; wawa nyama nlase, kuwode mowakiṟa pfo; wawado shidenyi, kuwode ma mohamba wihiṟa-pfo.

YEREMIA 10:10

Kyaindi Mndumii nyi Ruwa o lohi, nyi Ruwa menyi moo o mlungana, nyashi yake yededemisha wuyana, wandu wa mkambo, wechiidima ikarishia nyashi yake pfo.”

YEREMIA 10:7

Nyiu elechikuowuo, iyo mangi ya mkambo ya wandu? Iyo nowaṟi iindiyo. Kiidi kya wumangi wowo, kuwode ma umu ai cha iyopfo Mndumii.

YEREMIA 13:9

“Mndumii nahamba adi, ‘Chandu uwonyi kiṟota-kyo kinyamaṟikie inyi nyi wudo njechinyamaṟa orikiki lo Yuda na orikiki lung'anyi lo Yerusalemu.

HOSEA 10:8

Handu wawekeindia shifumvunyi sha Aweni, wunyamaṟi wo Waisraeli nyi kochihenda inyamaṟo, ambuya msha na sangari, nyi shechioṟa marasionyi hawo, nawo nyi wechiwia mafumvu, “Lushikie” na shitoṟomotso, “Luolokienyi!”

NAHUMU 3:11

Ngoseṟa nochinango, nochiowisho; nochishiha omombo kipfa kya wakituwa.

LUKA 12:5

Kyaindi njimloṟe sa mochimwowuo; owuonyii ulya echiidima iwaha, numa awewode-se pfinya yemkumba kulya modonyi, Ee, ichu nyiio ngamuwia; muowuonyii!

LUKA 23:30

Nlyondo wechiwooka iwia mafumwu, keluhoyenyi, na shitoṟomoso, kelushikienyi.

2WATESALONYIKYE 1:9

Wo wechiwonyo kyewahoṟuo kyewaendie mawawiṟo ha mlungana ipfo oshangunyi Mndumii na ipfo wuitoṟinyi wo pfinya yake.