YESAYA 18:2 - Bibilia Kui Mdedie fo Kimochi

² Yekeduo wadume wake kui njia ya ipalyipalyi, Na kiidi kya shihia sha maṟa huye ya mṟinga. Hendenyi wadume waangu, ko wandu waleshe, wawiriwiri; Wandu waoweshie wokia kacha na wulalu; Oshari lo wandu waapfinya, wekechuma wandu, Oruka lowo luluhawe na meda ifoi.

YESAYA 18:2 ပူးပေါင်းရင်းမြစ်များ

2MBONYI TSA MAHERI 14:9

Zera, Mwethopia kapufukia oruka lo Yuda ai msongoru o ichekeṟo lya maaskari (1,000,000) na magari ha shida (300), kahenda mbele mṟasa Maresha orukenyi lo Yuda.

2MBONYI TSA MAHERI 16:8

Ale, Waethopia na Walibya wawewode machekeṟo hafoi na magari na maaskari wedoya frasi wafoi? Kyaindi Mndumii-Ruwa, kawawika mawokonyi hapfo, kipfa kya ili ulekusiria nao.

YOBU 9:26

Yawikia mteṟa cha meṟikebu yekedicha, cha-mbeṟo irundikia kando-kayo.

IWUKA 2:3

Kiheri alewona aidima ikiṟikasepfo, kamsungusia kisanduku kya natsi kakishia kimia, kawikapfo kimana kilya, kakiwika maṟenyi ha mbai ya meda fo Nili.

YESAYA 18:7

Mandiho Mndumii menyi Matoṟito nyi echiendio shiano ni wandu waleshe wakushie mafuda; Wandu waoweshie wokia kacha mṟasa wulalu, Oshari lo wandu waapfinya, wekechuma wandu, Oruka lowo luluhawe na meda ifoi; Iwo wose wechida shiano shawo handu kui Rina lya Mndumii menyi Matoṟito nyi ho fumvunyi lya Sioni.

YEREMIA 49:14

Ngaambia mbonyi iwuka ko Mndumii-Ruwa, mndu amdume naongoye mkambo: “Kusanzenyi handu hamu kya Edomu; kurenyi muhende ifusaṟikia!

EZEKIELI 30:9

Ambuya kiheri kyo nyi njihenda iduma wandu wako ko wandu wa Ethiopia , kyamba wo nyi wekekuichika nyi wawode ofoṟo, Kyaindi wechidedema ili mandi Misri yechioloka. Ee, Nyi kya lohi mkonufo fukeri icha.

OBADIA 1:1

Mbonyi tsilya Obadia aleloṟo na iwona. Nyi wudi Mndumii-Ruwa ahamba kya Edomu, Luleambiya mbonyi tsiwuka ko Mndumii, Kuwode mndu amdume kiidi kya mkambo fo wandu, Kechihamba, Wulalu, kurenying'u; Lukaure lukapane nao.

HABAKUKI 1:7

Iwo nyi wandu waoweshiie mnu, iowesha lyawo na mwanduye yawo, na wunene wowo wuwukiye kiidi kyawo wawenyi

LUKA 10:19

Kyasia na inyi nyi njimwinengie pfinya yechumia njoka na shisuwa na ya orio pfinya yose ya mkituwa, ma kuipfo kindo ma kida ma kida kechimukapapfo!