Na atsilya mmbe tsingise mfungade tsikado numa ya tsilya tsiwuka medeni fo Nili, njiwicho, njipootse, tsikahoṟoka kufui na mmbe tsilya tsingi wambaṟa ya meda.
Kiidi kya maka fo kenda fo wumangi wo Hoshea, mangi o Ashuru kaduo Samaria, kaduo wandu wa Israeli wapfungo mṟasa Ashuru, wandu maata kawawika mṟinyi fo Hala, na wengi afui na meda Habori, meda Gozani na wengi mṟi ya Media.
Wechihongoma wanda ya wapfungo tupu, wechioloka wanda ya iwo wai wawahe. Hamu na isho shose nyashi yake ilehalukia aleshepfo, indi owoko loke lui luhoṟwo itane wulalu.
Manase nailya Efraimu, na Efraimu nailya Manase, nawo wa wawi handu hamu wechiwa huya Yuda. Hamu na isho shose nyashi yake ilehalukia kuleshe-pfo, indi owoko loke lui luhoṟwo itane wulalu.
Mndumii nechiwa moowesha mnu, kipfa nechiwawaaha na njaa na maruwa hose ha oruka (maruwa ha wongo) wandu wechiindia Ruwa umu o lohi orio mndu handu hake - ee handu hahadutsu ha mṟingenyi ha mkambo fo wandu.