YESAYA 15:2 - Bibilia Kui Mdedie fo Kimochi

² Waido huye mṟasa Bayiti na Diboni, mṟasa handu ha huye kundu wafuhe; huye ya Nebo na huye ya Medeba Wamoabu waifuha; wawukie ohaa huya mdo yawo yose; orio ngerero tsiode.

YESAYA 15:2 ပူးပေါင်းရင်းမြစ်များ

2SAMWELI 10:4

Nahong'u Hanuni kawada waṟundi walya wa Dawidi kawaoda ora lumu lo mdo yawo na ngerero tsawo na iranduo ora lumu lo nguwo tsawo wokia nzingonyi mṟasa songonyi tsawo na iwalekia wawuye na kanyi. Wandu walya wakawado mnu nyi sonu yewuya na kanyi chandu wawei.

1MBONYI TSA MAHERI 19:4

Kyasia, Hanuni kawada wandu walya wa Dawidi, kawaoda ngerero tsawo tsose, na idumbuo nguo tsawo kitsinyi, na ida songo tsawo kitaṟe, na iwawia wakuhendie na kanyi.

YOBU 1:20

Kiidima Yobu kahoṟoka, karanduo maṟao hake, kaoda njui tsake, kakukumba wanda na kyaamu kaidapfuma Ruwa

YESAYA 14:31

Kapa kelewui, iyo kichumi; fihiṟa iyo mṟi; Iyo Ufilisti, na wose, nosalaa piu; Kipfa mtsu focha fuwuka mtsudu, kuwode waowu kiidi kya machekeṟo hakepfo.

YESAYA 15:3

Waṟee nguwo tsa makunyia kiidi kya njia nene; huya kai lyawo, na shihongonyi shawo orio mndu naifihiṟa naipusuka mchenyeṟe.

YESAYA 16:12

Nakyo kechiwa Moabu kawoneka, na ikulisa wukiwa kechifuha kipfa kya handu ha huye, na iida handu haele kundu naterewe, echiidima iwingapfo.

YESAYA 16:7

Kipfa kya ikyo Moabu nechifuha, kipfa kya Moabu orio umu nechifuha, kipfa mochisokio nyi fowa kya mkate ya msabibu ya Kir-Hareseti, mochikapo mnu.

YESAYA 22:12

Mkonu fo Mndumii, Mndumii menyi Matorito, kalaha wandu wache wafihiṟe na ikapa kilio, na ioda njui tsawo, na iṟaa nguwo tsa masaṟa.

YESAYA 3:24

Nakyo kechiwa miilachiko; handu ha mafuda hepfaama mecha, kochiwada mdao; na hando ha mkanda mcha, kiwoho; handu ha njui tsinjioke necha, ohaa; na handu ha nguo yeṟaa ya huye nyi nguo tsa masaṟa; na ngoru tsa modo kiidi kya mbihu.

YEREMIA 3:21

“Ṟu liichio huya shitoṟomoso, nyi ofuho lowo na shiterewo sha wana wa Israeli; kipfa wadetsa njia yawo, wakahadima Mndumii-Ruwa owo.

YEREMIA 47:2

Mndumii-Ruwa nahamba adi: “Ambuya mṟinga fochido fuwuka mtsudu, nafo fochiwa meda fupuikie, fochishikia oruka lose na shose shiipfo, mṟi na wenyi mṟi na wose waipfo, wandu wechifihiṟa, wandu wechikapa kilio.

YEREMIA 47:5

Wandu wa Gaza waodie ohaa wekapa kilio; mṟi fo Askeloni forumara. Lanye wandu wa Anahimu mletsuhaa, mṟasa indii mochikuwehaweha mui na mkuinadie?

YEREMIA 48:1

Mndumii-Ruwa menyi matorito, Ruwa o Israeli, nahamba adi: “Ochia wandu wa Nebo, kipfa mṟi foke fonyamaṟo! Kiriathaimu fosutso, fowado, omombo lofo luwunduyo kuleshe.

YEREMIA 48:18

Nyo wandu wa Diboni: Sokenyi muwuke handu hanu ha kiṟumi, muhende idamia orukenyi lulawode mṟinga. Kipfa ulya morumatsa Moabu, ameshika kundu namsaṟikie; amemaa inyamaṟa njotiṟiwa tsanu.

YEREMIA 48:31

Ko ikyo nyikapa kilio, kipfa kya Moabu, njifihiṟa kipfa kya Wamoabu wose, njikapa kilio kya wandu wa Kir-heresi.

YEREMIA 48:35

Ambuya na inyi njechiangatsa orio mndu kiidi kya Moabu ichu echidasia shifumvuhu na idutsia ubani ruwa oke.

YEREMIA 49:3

“Kapenyi kilio nyo wandu wa Heshboni, kipfa mṟi fo Ai fonyamaṟo, Fihiṟenyi nyo wana wa waka wa Raba, kupfungenyi makunyia shitsinyi, kapenyi kilio na idicha ipfo na ipfo kadi! Kipfa ruwa Milkomu nechidao osamiṟonyi, kimu na wakohanyi wake na waṟundi wake.

YEREMIA 7:29

“Odenyi njui tsanu nyo wandu wa oruka lo Yerusalemu, mutsikumbe; kapenyi kilio kya wukiwa shitoṟomosonyi sha mafumvu, kipfa Mndumii amesesa oshari lu, lui luteṟiye nyashi yake kalukumbalia nja.

EZEKIELI 27:31

Waleoda njui kipfa kyapfo, na iṟa nguo tsa makunyia Nyi wechifihiṟa kilio king'anyi, kiwukie mṟimenyi kipfa kyapfo.

EZEKIELI 30:2

“Iyo mndu! Wutase wuikimbi ochihamba Inyi Mndumii-Ruwa ngahamba kudi: ‘Kapenyi kilio mochihamba ochia nyi lodu mkonu fulya.

EZEKIELI 7:18

Nawo nyi wechiṟaa maṟao ha makunyia, na iwodo nyi wuowu wung'anyi. Wechikapo sonu njoshangunyi tsawo, na mdo yawo yechiila njohaa pang'a.

WALEWI 13:40

“Kokoya njui tsa mndu tsatumka o mdohu foke o nawode ohaa, namheṟemtsu.

WALEWI 21:5

Wa mba ya Aronyi walaode ohaa ili wapfiiyo, manya walaode itengetia ngerero tsawo manya ikusaṟasaṟa saṟe tsa mbihu.

AMOSI 8:10

Na inyi Njechihaluo mfiri yanu nnene ya sia iwe ya shilio na shiimbo shanu naawo shiwe kilio; mochiṟaa masaṟa shitsinyi shose, mbewika njohaa huye ya orio mdo; njechiende ishi shose shiwe kilio kipfa mana kimumu na ifurumia cha kiheri kya mawawio.

MAITALA 21:28

Kyamba modo fulewuka Heshboni, na olewo lo modo lulewuka Sihoni, fulekombetsa mṟi fo Ari fo Moabu, fukarumatsa mafumvu ha meda fo Arnoni.

MAITALA 21:30

“Kyaindi wulalu luwa lyapfo lyamerumatso, kuwokia Heshboni mṟasa Diboni, kuwokia Nashimu mṟasa Nofa kufui na Medeba.”

MAITALA 32:3

“Mṟi ya Atarothi, Diboni, Yazeri, Nimra, Heshboni, Eleale, Sibma, Nebo na Beoni,

MAITALA 32:38

Nebo na Baal-meoni (marina ha mṟiyo haleilacho) na Sibma. Mṟi waleiwika waleiinenga marina hengi.

NGUMBUO YA MAWAWASO 14:1

“Nyo mui wana wa Mndumii-Ruwa, Ruwa onu, mulakusaṟesaṟe manya ioda ohaa kipfa kya mndu apfa.

NGUMBUO YA MAWAWASO 34:1

Kyasia, Mose kakure kulya rendewelenyi lya Moabu, kahenda fumvunyi lya Nebo, kadoya kitongolo kya Pisga kiambuyanyi na Yeriko. Mndumii-Ruwa kamloṟa orukalo lose: wokia Gileadi mṟasa Dani;