YESAYA 12:2 - Bibilia Kui Mdedie fo Kimochi

² Ambuya, Ruwa nyio okiṟo loko Njechikusiria manya njechiowuopfo; Kipfa Mndumii Mndumii-Ruwa nyi pfinya tsako na kiimbo kyako; Nao nyi awie okiṟo loko.”

YESAYA 12:2 ပူးပေါင်းရင်းမြစ်များ

2SAMWELI 7:24

Iyo Mndumii nulesambuṟa Israeli wawe wandu wapfo mlungana na iyo kowa Ruwa odu.

YOBU 13:16

Ngaidima iki njechiwa ngawinza, kipfa mndu mnyamaṟi echiidima ihenda oshangunyi loke-pfo.

SHIIMBO SHA DAWIDI 112:8

Mrima foke fumbanzi elechiowuo, tane awona watuuri wake wamewingo.

SHIIMBO SHA DAWIDI 118:14

Mndumii nyi pfinya tsako na kiimbo kyako, Nao nalewa okiṟo loko.

SHIIMBO SHA DAWIDI 118:21

Njechikuana kyamba kulenjiṟohuo, Na iyo kulewa okiṟo loko.

SHIIMBO SHA DAWIDI 27:1

Mndumii nyi ngeela yako na Okiṟo loko, Njechiowuo u? Mndumii nyi mfiṟiha fo moo foko, Nyiu echinjiowesha?

SHIIMBO SHA DAWIDI 65:6

Mafumvu hamaikare kui pfinya tsapfo, kokupfunga wuidimi cha okowa lo kitsi.

SHIIMBO SHA DAWIDI 68:20

Ruwa kodu so nyi Ruwa mokiṟa; Na njia tsewuka opfunyi tsi na Mndumii-Ruwa.

SHIIMBO SHA DAWIDI 68:21

Ee, Ruwa nechipaṟa mdo fo wakituwa wake, ododo lo mndu aengeṟa ideko luwode njui.

SHIIMBO SHA DAWIDI 83:18

Wamanye ke iyo, okelaho rina lyapfo Mndumii-Ruwa, nyi iyo kumonyi ui huye, huye ya wuyana wose.

IWUKA 15:2

Mndumii-Ruwa nyi pfinya tsako, na kiimbo kyako; Nao nawei okiṟo loko, O nyi Ruwa oko, na inyi njechimṟumisha; Nyi Ruwa o wande oko, na inyi njechimwichimbiṟa.

YESAYA 10:24

Ko ikyo Mndumii, Mndumii menyi Matorito nahamba adi, “Lanye wandu wako mokekaa kiidi kya Sioni, mulaowuo Ashuru, ma chandu akukapa na ndichi na iiria iṟiinga lyake huye yapfo, kui mbaṟi ya ki-Misri.

YESAYA 17:10

Kipfa kulehadima Ruwa o Okiṟo lopfo, ma kulekumbuo iṟaṟa lya oṟiho lopfo-pfo; kipfa kya ikyo kowaya madema mecha, kowikapfo msabibu njihenu.

YESAYA 27:5

Ang'u nawade pfinya tsako, Nashihe ofoṟo koko; Ee da, nashihe ofoṟo koko.”

YESAYA 32:2

Na mndu nechiwa cha handu heowa cha otanu, na handu hekuringa na masinanu ha kiwiriwiri; cha meda ya mṟinga handu hahadutsu haumu, cha kiṟinje kya iṟaṟa ling'anyi kiidi kya oruka luleheli.

YESAYA 33:22

Kipfa Mndumii nyi modumbuo kyadu; Mndumii nyio modeda kyadu; Mndumii nyio mangi yadu; nyio echilukiṟa.

YESAYA 38:20

Mndumii nakuṟeheṟie injineenga okiṟo. Kyasia, kui shinanda lochiimba shiimbo shako, Mfiri yose ya moo mbenyi ya Mndumii.”

YESAYA 45:17

Kyaindi Israeli wechikiṟo nyi Mndumii kui okiṟo lo mlungana; nyo mochisonu, ma isukio nyi moo-pfo, kipfa Mndumii nyi ai nanyo mlungana na mlungana.

YESAYA 49:5

Na wulalu Mndumii nahamba adi, ichu alenjiwumba wokia wusunyi njiwe mṟundi oke, kundu njimwendie-se Yakobo, na Israeli wakusanyie oshangunyi loke-se; (kipfa inyi njilewona Kiṟumi oshangunyi lo Mndumii, na Ruwa kawa pfinya tsako;)

YESAYA 50:10

Nyiu kiidi kyanu aowoye Ruwa, ekundia ṟu lya mṟundi oke? Ichu ekeida memenyi, alawode saa, akusirie rina lya Mndumii, na ikusiria Ruwa oke.

YESAYA 51:12

“Inyi, ee, inyi njekewihiṟia moo; iyo nyiu itane oowuo mndu echipfa, na mndu echiwa cha maṟa?

YESAYA 61:10

Njechichihiyo mnu kiidi kya Mndumii, mrima foko fochikesa kiidi kya Ruwa oko; kipfa nanjiṟikie maṟao ha okiṟo, kanjishikia na nguwo ya wusumhanyi, chandu menyi walyi ekekusungusia kui kofia ya shiwaṟo, na mpora chando ekekusungusia na shindo sha sahabu.

YESAYA 62:11

Ambuya Mndumii ameonguo mbonyi mṟasa mtsitsioni fo oruka, Wienyi mana o Sioni, “Ambuya, okiṟo lopfo luicha; Ambuya, wueri woke wui kimu nao, Na kilya ketaa kii kyake kii nao.”

YESAYA 65:18

Indi chihiyonyi mbekeseka kitsitsi, kipfa kya ishi njiwumba; kipfa, ambuya, njiwumba Yerusalemu iwe yenyi kiichiko, na wandu wayo wawe sia.

YESAYA 7:14

Ko ikyo Mndumii amonyi nyi echimuinenga kichano. Ambuya mana mkeha nechikapika, nechifee mana o womi, nao nechimlaha Imanueli.

YEREMIA 23:6

Kiidi kya mkonu yake, Yuda nechikiṟo na Israeli nechikaa kipuo, na rina lyake echilaho nyi ili, ‘Mndumii nyi wulohi wodu.’”

YEREMIA 3:23

Na lohi da, ngaya iwaṟi iwuke kuleshepfo, cha fumvuhu; kisanzio kiwode mtiṟi huya fumvu; nyi lohi okiṟo lo Israeli nyi kiidi kya Mndumii-Ruwa, Ruwa odu.’

DANIELI 3:28

Nebukadneza kahamba, “Naṟumisho Ruwa o Shadraki, Meshaki na Abednego; ichu aleduma Malaika oke kakiṟa waṟundi wake wakumsirie, iwo waleilacha idedo lya mangi, wakawuta mbihu yawo ilasingie maruwa hengi shile Ruwa owo wawenyi.

HOSEA 1:7

Kyaindi njechihoṟia wandu wa Yuda, na iwakiṟa. Inyi, Mndumii-Ruwa, Ruwa owo, njechiwakiṟa, kyaindi chi ko pfinya tsa olemali-pfo, ma chi ko wuda, ang'u ko oshu, ang'u ko frasi, ang'u ko wedoya frasi-pfo.

YOELI 2:23

“Chihiyonyi nyo wana wa Sioni, kapenyi ngululu cha kipfa, Mndumii-Ruwa, Ruwa onu, amemuinenga mvuo ya kisie, amemuinenga mvuo ishikie ; mvuo ya kisie na fuli chandu kuwei kuwoka.

YONA 2:9

Indi inyi njechikuwutia mwaano kui ṟu lyeana; Njechiawutsiaho shaasa shako shose. Okiṟo luwukie ko Mndumii.’”

HABAKUKI 3:18

Indi njechichihiyo kipfa kya Mndumii, Njechiṟumisha Ruwa o okiṟo loko

WAROMA 1:16

Kyamba inyi njilapfia sonu kya Ndumi yo ya Sia ya okiio, kyamba nyi ikeri pfinya ya Ruwa yewonya orio mwidiki oletso iasie na mndu Myuda na mndu Mgriki.

1TIMOTEO 3:16

Kutambalukye necha kyama kiṟike kya wuindi chando king'anyi. Nakyo kikeri kile: Ichu alekuloṟa kui nyama Kamanyisho mbinzi kui mumuyo Kawonekia wasu Kaweongoyo mkambonyi ya wandu Kaweidikyo wuyana Kairyo wuitoṟinyi.

OTAMBAHALUO LO YOHANE 7:10

Wakalaha na ṟu ling'anyi wehamba, “Okiio lodu luwukye ko Ruwa odu adamye loṟike-hu lu na lo Kidahina ki.”

1SAMWELI 2:1

Nahong'u Hana katerewa kechihamba: Ngakapia Mndumii-Ruwa ngululu, mrimenyi foko. Njiṟumisha Mndumii-Ruwa ai pfinya yako, Njiseka wakituwa wako; kyamba njichihio kya wuwinzi woko.