YESAYA 11:9 - Bibilia Kui Mdedie fo Kimochi

⁹ Wechinyamaṟa ma iwuta kindo kiwicho kiidi kya fumvu lyako liele pfo; kipfa wuyana wochiichuṟo nyi imanya Mndumii, chandu mṟinga fuichuṟa ipalyipalyi.

YESAYA 11:9 ပူးပေါင်းရင်းမြစ်များ

YOBU 5:23

Mochiidikiana na maho hai mdemenyi, na mando malang'a hewada ofoṟo na iyo.

SHIIMBO SHA DAWIDI 72:19

Rina lyake inene lichiko mlungana, wuyana wose wuichuo wuitoṟi woke. Ameni na Ameni.

SHIIMBO SHA DAWIDI 78:54

Kawaduo tane mṟasenyi foke mwele, fumvu alelyihuṟa kui owoko loke lo kulyo.

YESAYA 11:13

Na wunyenyi wo Efraimu wochiwuka, na walya wesuiṟa Yuda wechikumbo kuleshe; Efraimu echilanga Yudapfo na Yuda echisuiṟa Efraimu-pfo.

YESAYA 11:8

Mana aionga nechitema handu kui mruma fo njoka, na mana aledumbuyo ionga nechiwika owoko loke mrumenyi fo njoka ya wuṟo.

YESAYA 2:4

Nao nechiwika mwanduye kiidi kya wandu wa mkambo, nechidedia wandu wa njoshari tsifoi, nawo wechitsana njoshu tsawo tsiwe makumbi, na mapfumuhawo hawe mndo, ma isanga lyechiiria oshu huya isanga lingi pfo, ma wechikuloshase shida pfo.

YESAYA 30:26

Saa ya meri yechiwa cha saa ya mnengeṟi, sa ya mnengeṟi yechiengeṟeka ka mfungade, cha saa ya mkonu mfungade, kiidi kya mkonu fulya Mndumii echipfunga ngapo tsilya tsa wandu wake, na ichiṟa itiinga lya ngapo tso.

YESAYA 32:16

Nahong'u mwanduye fochikaa kundu ko nuka, na wulohi wochikaa kiidi kya mdemi fochiṟaa mnu.

YESAYA 33:6

Shiheri shapfo shechiwa shiheri shekuhoda; sha okiṟo luichuo na wulaanyi na wuṟango; iowuo Mndumii nyi kisa kyake na mwengeṟia.

YESAYA 35:9

Handu ho kochiwada mwiso-pfo, ma indo liwicho lyechiidaho-pfo, nyi walya wakiṟe tupu nyiwo wechiida njia yo.

YESAYA 45:6

kundu wamanye wokia kilawo mnengeṟi fukundi ido, na mnengeṟi fuolokie, kulawode ungi cha inyi; Inyi nyi Mndumii, kulawode ungi.

YESAYA 49:6

yee, nahamba adi, “Nyi idedo litutu mnu iyo iwa mṟundi oko kundu noire oshari lo Yakobo, na iwihiṟa wandu wa Israeli wawei wateseheṟe; kake njechikuwuta uwe saa ya wandu wa mkambo, nowe okiṟo mtano mtsitsioni fo wuyana.”

YESAYA 52:10

Mndumii natambaṟuye owoko loke luele Oshangunyi lo wandu wa mkambo fose; Na oruka lose, Lochiwona okiio lo Ruwa odu.

YESAYA 54:5

Kipfa ichu alekuumba nyio mii opfo; Mndumii menyi Matoṟito nyilyo rina lyake; na Mwele o Israeli nyio mkiṟa opfo; O nyi echilaho nyi Ruwa o wuyana wose.

YESAYA 56:7

manya iwo njechiwaembeṟa kiidi kya ifumvu lyako liele, na iwachihiṟa kiidi kya mba yako ya wuhendeli wo shiterewo. Shidaso na shiano shemaya modonyi shechiidikio ipfo kitaṟenyi kedasia; kyamba mba yako yelaho nyi mba yeterewia masanga hose.

YESAYA 59:19

Nahong'u wechiowuo rina lya Mndumii wuka ora lo kiukanyi, na kiṟumi kyake wokia ora lo ngamenyi; kipfa nechicha cha mṟinga fui iosha mfongo fupuika, futsindiko nyi mṟufu fo Mndumii.

YESAYA 65:25

Mandi-ho, shisii na machondi shechilya handu hamu, miiso yelya maṟa cha mbe; kiluli kechiwa kando ka njoka. Wechinyamaṟa ma iwaha kiidi kya fumvu lielepfo,” Mndumii ahamba.

YESAYA 66:18

“Inyi njiichi mawuto hawo, na makusaṟo hawo; kuwode kiheri kicha, njechisanyia wandu wa mkambo na shishomo; nawo wechicha, wechiwona wuitoṟi woko.

YESAYA 66:20

Nawo wechiende wana wa wama wanu wose wawukie kiidi kya mkambo yose, wawe mwano ko Mndumii, huye ya frasi, na kiidi kya magari, na kiidi kya kitaṟa na huya nzoi, na huye ya mando hai na moo mwangu, mṟasa fumvu lyako liele Yerusalemu, Mndumii ahamba; chando wana wa Israeli wekeende shiano shawo kanyi ko Mndumii kiidi kya shihia shicha.

YEREMIA 31:23

Mndumii-Ruwa menyi Matorito, Ruwa o Israeli, nahamba adi, “Kiheri-kyo njechimuinenga-se mboṟa nyo wandu wa Israeli, wo wechionguo-se kiidi kya oruka lo Yuda na kiidi kya mṟi yake wechihamba: “Mndumii-Ruwa nakuwikie ona iyo oruka lusumhanyi, nakuwikie ona iyo fumvu lyele!”

YEREMIA 31:34

Ma kechiwa iloshana wehamba manya Mndumii-Ruwa pfo, kipfa wose watutu na wang'anyi wechinjimanya inyi Ruwa. Kipfa njechiwahoṟia madeko hawo, ma njechikumbuo se manyamaṟo hawo pfo.”

EZEKIELI 34:25

Nyi wudo njechihenda iwikiana nawo mkundano fo ofoṟo. Njiwefuna mando malang'a ha ngeṟenyi orukenyi kundu machondi hako hakukae na ofoṟo mapatenyi hechikulaya ipfo ngeṟenyi.

EZEKIELI 47:5

Kawepimase mita tsingi mahana hatanu (500), nao kawenjiduose kundu luambade mṟingafu. Iya mṟinga fukashika kitsinyi kyako, kawepimase mita tsingi mahana hatanu (500), wulalu meda fukasoṟowia mnu njilaidime se iambada. Fulewase iambada ko ichumiapfo na ate mndu naikelee .

DANIELI 11:45

Nechihoṟotsa mahema hake ha wumangi kiidi kya ipalyipalyi na fumvu yele lya wucha; kyaindi nechishika mtsitsionyi foke, ma kulawode mo momtarama.”

DANIELI 12:4

Kyaindi iyo Danieli, pfunga madedoha, nohawike kiṟingishiyo kitapunyi; nopfunge kitapu kyo mṟasa kiheri kya ifurumia; wafoi wechihenda ipfo na ipfo na wuṟango wochiengeṟeka.”

HOSEA 2:18

Njechiwika mkundana na mando ha ngeṟenyi, na malehe ha nginehu handu hamu na shose sa shekeafuo, shilakufaṟe. Njechirumatsa wuda, oshu na nzohoṟa tsose tsa shida kiidi kya oruka, na ikutana nokae na ofoṟo.

YOELI 3:17

“Kyasia, iyo Israeli, nyo mochimanya ke inyi nyi Mndumii-Ruwa onu, njikekaa kulya Sioni, ifumvu lyako liele. Yerusalemu yechiwa mṟi foko mwele; ma wandu wa mkambo wechiidima ifukapa na ifuwingapfo.

HABAKUKI 2:14

Kipfa wuyana wochiichuṟo wulaanyi wo wuitoṟi wo Mndumii chando mṟinga foichuo ipalyipalyinyi.

ZEKARIA 14:9

Mndumii nyio echiwa Mangi huya shose; mkonufo Mndumii nechiwa umu na rina lyake limu.

ZEKARIA 8:3

Mndumii nahamba, njilewuya Sioni na wulalu njechikaa makidi hawi ha Yerusalemu; na Yerusalemu yechilaho mṟi fo lohi, fumvu lya Mndumii menyi Matorito, fumvu yele.

1WATESALONYIKYE 5:15

Muambuye-ho kundu na mndu nalawone echitaya ungi kiwicho alembutya na kiwicho kyake o aimbutya, indi mutambahanye kiheri kyose iwutiana kilya kii kicha, muwe mokiwutya na wengi wose.

OTAMBAHALUO LO YOHANE 21:27

Indi orio kiwichuo kyose kyechiida nahopfo, manya mowuta kya wusutsu na kya wongo ote. Chila na walya wai-waṟehye ipfo kitapunyi kya moo kii kya Kidahina kilya wechiida napfo.