YESAYA 11:4 - Bibilia Kui Mdedie fo Kimochi

⁴ indi kui wukiilohi nechianduya wakiwa, nechiwawasa wekunyiiṟa wa wuyana kui wuele; nechikapa wuyana kui ndichi ya dumbu lyake, na kui mṟufu fo dumbu lyake nechiwaha wawicho.

YESAYA 11:4 ပူးပေါင်းရင်းမြစ်များ

2SAMWELI 8:15

Kyasia, Dawidi kachilia oruka lose lo Israeli na ihoṟokia necha kulawode mndu oose awonyio ang'u asoko shimsumhanyie.

YOBU 15:30

Echiidima ikushowa na meema fo opfu-pfo. Njolimi tsa modo tsechiumiṟa njana tsake, shiwaṟo shake shechiwiwito nyi otanu.

YOBU 4:9

Ruwa nekewarumatsa wose Kwi mṟufu foke, iwo wose wechisenekia kwi ngapo ya nyashi yake.

SHIIMBO SHA DAWIDI 110:2

Mndumii nechiloṟa kuwuka Sioni, ndichi ya pfinya tsapfo. Nowade iitoṟia wakituwa wapfo wose.

SHIIMBO SHA DAWIDI 18:8

Mbuo tsake tsikawuta mtsu, Modo fukawuka dumbunyi lyake fukalya, Okaa lukaatso nyifo.

SHIIMBO SHA DAWIDI 2:9

Nyi ochiwakapa na iṟiinga lya menya, Na iwapaṟapaṟa cha kihiya kya teri.

SHIIMBO SHA DAWIDI 76:10

Kyamba nyashi ya mndu o wandu yechikuichika; mtsuhaṟo fo nyashi nochikupfunga cha kiṟota.

YESAYA 1:17

Kuloshenyi iwuta mecha; dumbuonyi mwanduye ya sungusihu; taramenyi wafafa; inengienyi wangoeda kilya kisumhanyi; kapanyienyi wakusu.

YESAYA 13:11

Na inyi njechisesa wuyana kipfa kya wuwicho wowo, na wunyamaṟi kipfa kya wukika wowo, Njechiwika mtsitsioni fo sia na wusuṟi wo wenyi orikiki; njechiombotsa wanda wose wekushela na walang'a.

YESAYA 14:30

Walya wai wakiwa mnu wechilya, na walya wahuṟi wechilaa kipuo; Inyi njechiwaha njana yapfo na njaa, Na mtsuhaṟo fopfo fochiwoho.

YESAYA 16:5

Na loṟika lo wuitoṟi lochiwanga kui isaṟia; na nechidamia ho kui wulohi, kiidi kya mba ya Dawidi; kechianduo, kechikunda shilya sha wusumhanyi, ai mwangu ikapanyia wusumhanyi.

YESAYA 2:4

Nao nechiwika mwanduye kiidi kya wandu wa mkambo, nechidedia wandu wa njoshari tsifoi, nawo wechitsana njoshu tsawo tsiwe makumbi, na mapfumuhawo hawe mndo, ma isanga lyechiiria oshu huya isanga lingi pfo, ma wechikuloshase shida pfo.

YESAYA 26:6

Odende lochifuchuma wanda, Ee da, madende ha wakiwa, Na ndifo tsa walya wahuṟi,

YESAYA 29:19

Walya wakunyiiṟie wo wechiengeṟa sia yawo kiidi kya Mndumii, na wakiwa kiidi kya wandu wechichihiyo kiidi kya Mwele o Israeli.

YESAYA 3:14

Mndumii nechikaa kiidi kya yaanduya, meku na wanene wa wandu wake; Nyi nyo mulelya mdemi fo msabibu; shilya mulewada sha mesa aisho shii ipfo mbenyi tsanu.

YESAYA 30:28

na mṟufu foke nyi kimeda kya mfu fo mṟinga fushikie nzingonyi, iela wandu wa mkambo na ipalu lya mkika, na kilya keindutsa frasi kekedetsa kechiwa kiidi kya njohundu tsa wandu.

YESAYA 30:31

Kipfa kui ṟu lya Mndumii, Mwashuri nechifunjika-funjika ichu mokapa na iṟiinga.

YESAYA 30:33

Kipfa Tofethi injiṟeheṟe wokia kacha, ee, injiteseheṟe ko mangi-cho; naihaluye ing'anyi, ihenda wanda mnu; handu hake hekoṟia nyi modo na ngu tsifoi; mṟufu fo Mndumii, cha modo fo kibiriti, fokeatso.

YESAYA 32:1

Ambuya mangi yechiikolonyia kui wukiilohi, na wanene wechichilia kui mwaanduye.

YESAYA 32:7

Shombo sha ichu amuumu nyi shiwicho; nekehia kui mtambo mbicho, kundu warumatse iwo wai wafafa kui madedo ha wongo, mndu ahuṟi ma kadeda madedo hawode wulohi.

YESAYA 33:22

Kipfa Mndumii nyi modumbuo kyadu; Mndumii nyio modeda kyadu; Mndumii nyio mangi yadu; nyio echilukiṟa.

YESAYA 40:7

Maṟa hauma, naiaṟawuka; Kipfa mṟufu fo Mndumii foida huyasho. Wandu wai cha maṟa lang'u

YESAYA 49:2

Nao kahaluo dumbu lyako cha oshu luohi; kanjishikia na kiṟinje kya owoko loke; kanjihaluo mfi fumnuo; kiidi kya shaha yake kanjiṟika;

YESAYA 61:1

Mumuyo fo Mndumii-Ruwa fui huye yako; kipfa Mndumii amenjishimbuo, njiongoye wakunyiiṟie mbonyi njicha; nanjidumie kundu njichiṟe walya waluo wose na walya wahutsie macha ha ikiṟo, iongoya wapfunge kya ilekio na walya walewado shidenyi kya iwihiṟo kowo.

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

YEREMIA 33:15

Kiidi kya mkonu yo, ee da, mandi ho, njechioṟisha njana njihoṟotsu kiidi kya oshari lo Dawidi. Njana yo yechiwuta sha wusumhanyi kiidi kya isanga.

YEREMIA 5:28

Wakakuiria wakaaka aka, ee da, waeṟie wewuta mawicho; wechiidima itarama wangoeda waidime iwa necha; ma wekeanduo kya sungusihu-pfo.

HOSEA 6:5

Nyikyo kitewe njilemuchea kui madedo ha waikimbi, ngawemuarisa kui madedo hako, na mwanduye foko nyi fokecha cha ili mnengeṟi fodo.

SEFANIA 2:3

Shihenyi Mndumii, nyo mose mkunyiiṟie oshangunyi loke, mokewuta shilya shichihiṟie Mndumii; shihenyi wukiilohi na wusumhanyi, shihenyi ikunyiiṟa; kofia muowisho mkonu fulya fo nyashi ya Mndumii.

MALAKI 4:6

Mwikimbi chu nechihaluo mrima ya wana ihalukie wandeawo, na ya wandeawo ihalukie wana, njilawone njechikapa wuyanawu kui oseso.”

MATAYO 11:5

Wapfu meso a-iwang'u waiwona, na shiricheche aiwa waihenda. Na waluo saka waiheremka, wapfu madu a iwa waicho, na wapfu nyi waṟuka, na wakiwa a iwa waiongoyo mbonyi tsa sia.

MATAYO 5:5

Nanga iwo wai wahoo, cha kifa nyiwo wechikaa wakudaae oruka luwawiie kyoṟa kyawo.

MAWUTO HA WASU 9:1

Kyasia na Saulo kakaa keikoro mikoro fokudosa oloyo na iwaha walya wa kiloshyonyi kya Mndumii Kahenda kulya ko mkohanyi ang'anyi.

2 WAKORINTO 10:1

Nao inyi Paulo ili njiimhambe wai ke ipfo oshangunyi njimkerye mmamiri indi ngamuwia ngolohoda ngamshika aleshe, nyi njikuwode na wuhoo na wuwongoya wo Kristo njemtutuma.

WAGALATIA 5:23

Kwipfo mawiko hechidekya ishi shikeri shidipfo.

2WATESALONYIKYE 2:8

Maindi naho Mbicho-chu echikuloṟa. Indi nao Mndumii Yesu echimrumatsa kui mrufu fo dumbu lyake na imkombetsa kombi kui ngesa ya ikuloṟa lyake.

TITO 3:2

Walarumane na mndu, wakae walawode mondu, wawiṟie mndu owinyi, wawonesye wandu wose wuhoo wuwenyi.

YAKOBO 3:13

Nyi wu o konu ai mṟango amba mndu mṟeheṟi? O nawike-ho mawuto hechiwa na mbaye fusumhanyi kui wuṟango wo ipfudia.

OTAMBAHALUO LO YOHANE 1:16

Na ipfo owokonyi loke lo kulyo awerie nyenyeri mfungade, na ipfo dumbunyi lyake nyi oshu lo mbeha kuwi luohi luweṟukye-ho na oshangu loke luwei cha mnengeṟi ili fuiwaa na pfinya yafo.

OTAMBAHALUO LO YOHANE 19:11

Ngameambuo, ngawona ruwehu kuṟuhukye. Ngawona frasi njiili pang'a na ichu adamye mhongo-hu foyo amlahe nyi “Mhendeli” na “Mokiilohi.” Nyio ekedumbuo mdumbuye mdumbuye isumhanyi na iira shida kyayo.

OTAMBAHALUO LO YOHANE 19:15

Na ipfo dumbunyi lyake kukaṟukya-pfo oshu luohi nakape nalo mkambo ya wandu. Nao nyio echiwalisa na olio lo menya. Nao amonyi aichuma-chuma ipfo mponyi fokamya-ho ndunda tsambiṟa wutuukenyi wo nyashi ya Ruwa Menyi pfinya shose.

OTAMBAHALUO LO YOHANE 2:16

Dumbuya wulalu. Indi chila wudo njechicha kopfo owinyi njiwaendie shida na oshu luwukye dumbunyi lyako.