YESAYA 11:1 - Bibilia Kui Mdedie fo Kimochi

¹ Nahong'u kochikapa njana kiidi kya itsinde lya Yese, na iṟamba lyechiwuka kiidi kya mri yake lyechiṟaa ndunda.

YESAYA 11:1 ပူးပေါင်းရင်းမြစ်များ

2SAMWELI 23:3

Ruwa o Israel adeda; iho lya iṟaṟa lya Israeli likadeda na inyi na ihamba; “Kuicha Mangi echichilia wandu kisumuhanyi; nechichilia wandu kechiowuo Ruwa.

1MBONYI TSA MAHERI 2:12

na Boazi kafee Obedi; na Obedi kafee Yese;

SHIIMBO SHA DAWIDI 145:11

Wechideda kiṟumi kya wumangi wopfo, na ionguo wuidimi wopfo.

YESAYA 11:10

Na kechiwa mkonufo, itsinde lya Yese lyehoṟoka iwa kichano kui shishari sha wandu, nyio mbaṟi tsa wandu wakeri imshiha; na handu hake hesia moo kochiwada kiṟumi.

YESAYA 4:2

Mkonufo njana ya Mndumii yechichia, iwode wuitoṟi na ndunda tsa oruka tsechiwa njicha mnu, na ichihiṟa, kipfa kya Israel walya walekiṟo.

YESAYA 53:2

Kipfa nawei cha iṟa lilehetsi, Cha mri fui handu hahadutsu; Awode wumba lichapfo; Ma fana yemlanga awodepfo.

YESAYA 6:13

Manya chandu kutsihae ora lumu kiidi kya ikumi, yechelio mayo da; cha mchihiyo, cha mfuṟuhanje, itsinde liwonyio likamemanyo.” (itsinde lyo nyi mbeu njele ya mawookionyi mahya).

YESAYA 9:6

Kipfa kyadu lomefeeyo kimana, Lomeinengo mana o womi; Na pfinya ya wumangi ikeri makosohu hake Namdumbuye rina lyake, “Menyi chile” “Ruwa menyi pfinya,” “Wande o mlungana,” “Mangi ya Ofoṟo.”

YESAYA 9:7

Kiheri kya wuitoṟi woke na ofoṟo, shechimanda manya le-pfo. Kiidi kya loṟika lo wuitoṟi wo Dawidi na wumangi woke. Iwuikara na iwuhoṟotsa Kui mwanduye na kui wulohi, Wokia wulalu itane mlungana. Wunyenyi wo Mndumii menyi Matorito wochiwuta wudo.

YEREMIA 23:5

“Ambuya mkonu ikeri icha, Mndumii ahamba, ‘Njechidosia Dawidi njana ya wulohi nayo yechichilia; mangi echiṟunda na wulaanyi na njechianduo kui wulohi kiidi kya oruka.’

YEREMIA 33:15

Kiidi kya mkonu yo, ee da, mandi ho, njechioṟisha njana njihoṟotsu kiidi kya oshari lo Dawidi. Njana yo yechiwuta sha wusumhanyi kiidi kya isanga.

EZEKIELI 17:22

Mndumii nahamba adi, “Njechifunja iṟamba lya huye lya meresi, njihende se ikuwutia ho iṟamba sa litutu, na ilyo njihende ilidonga fuvuhu lileshe.

EZEKIELI 37:25

Nawo nyi wechihenda ikaa orukenyi lo waku wawo ilu njiweinengie Yakobo. Kyamba wana wawo na wachuku wawo nyi wechihenda ikaapfo mlungana.

MIKA 5:2

Ko ikyo Ruwa nechida wandu wake ko wakituwa, mṟasa mndu mka ulya ai mlemo nafee. Numa wanawamae iwo wechitsuhaa wawuye na isanza na Waisraeli wodoyawo.

ZEKARIA 3:8

Wulalu adanyia iyo Yoshua mkohanyi ang'anyi hamu na wodoyo wekedamya oshangunyi koko, kipfa iwo nyi wai kichano, kipfa ambuya njechidika mṟundi oko, echilaho nyi njana.

ZEKARIA 6:12

Nombie Mndumii Menyi Matorito nahamba adi, Ambuya mndu chu alaho nyi Njana nyio echiwika hekalu lya Mndumii.

MATAYO 1:1

Aiki kitapu kya oshari lo Yesu Kristo ichu ai mana o Dawidi, ichu ai mana o Abrahamu.

WAROMA 15:12

Na lingi-se Yesaya ahambie, “Kochicha mndu kuwuka kisharinyi kya Yese, msa echiikolonya mkambo ya wandu, nao nyio wa mkambo-ii wechimwidikia.”

WAEBRANIA 7:14

Kumanyikye na pata ke hando Mndumii odu apaṟikye ipfo ko Yuda, na oshari lu Mose alelusendya wukohanyipfo.

OTAMBAHALUO LO YOHANE 22:16

“Inyi nyio Yesu ngamduma malaika oko namuṟingishye nyo ishi kya siṟi tsilya. Inyi nyio njana ya Dawidi njii oshari loke. Inyi njikeri Nyenyeri iya ya Ahera iya iwaa ngamenyi.”

OTAMBAHALUO LO YOHANE 5:5

Na umu o wameku walya kanjiwia.” Ma kulalie! Ambuya kwiho amewinza shose, nyi Miiso ya oshari lo Yuda nyio mchuku o Dawidi mopfunguo kitapu ki na mhuri yakyo mfungade.

RUTI 4:17

Waka walya wawei wamṟasa wake wakamdumbuya rina wehamba, “Noemi amefeo mana;” wakamlaha rina lyake Obedi, nyio ndee o Yese ai ndee o Dawidi.

1SAMWELI 17:58

Sauli kawesa Dawidi, “Manake, iyo nyi mana ou?” Dawidi kamhaluo, “Inyi nyi mana o mṟundi opfo Yese, kuwuka mṟinyi fo Bethlehemu.”