YESAYA 10:3 - Bibilia Kui Mdedie fo Kimochi

³ Nanyo mochiwuta kiki mkonu focheo, na kiheri kya orumatso, kechicha kiwuka kuleshe mnu? Alewo mochidichiawu muwone ngaya? Na kiṟumi kyanu mochikida hanga?

YESAYA 10:3 ပူးပေါင်းရင်းမြစ်များ

MAWOOKIONYI 31:1

Kyasia Yakobo kaicho madedo ha wana wa Labani wechihamba, “Yakobo naduo masaa hose ha ndeadu; na kui kipfa kya masaa ha ndeadu nalewona wulole wu wose.”

2WAMANGI 7:15

Wakawalatia mṟasa Yordani, ate njia yose iweichuo maṟao na shihia, shilekumbo ipfo na ipfo kipfa Washamu wa waleowuo na iwona ke wakahenda nasho wechikoyo kipfa shiwe chiwalemia. Wandu walya waledumo nyi mangi wakawuya wakawia Mangi chandu walekoya.

YOBU 31:14

Kiheri Ruwa echinjiambuya nkiki njechiwuta? Kanjichea, njechimhaluo ki?

MFANANO 11:4

Masaa heketarama mkonu fo kiwi pfo; Indi wulohi wochiashuo mndu na opfu.

YESAYA 13:6

Fahiyenyi na wuowu, kipfa mkonu fo Mndumii fui hafui - fuicha, cha orumatso luwukie ko Mndumii-Ruwa.

YESAYA 17:4

Nakyo kechiwa kiidi kya mfiri fo, kiṟumi kya Yakobo kechianguo-anguo, na inuo lya mbihu foke nechipoka.

YESAYA 20:6

Na menyi kanyi oruka lo wambaṟa ya ipalyipalyi nechideda kya mkonu fo, ambuya ishi nyi shilya shilekoya wandu walya luwekusiṟie, walya lulewadichia, na lulewadichilia kundu nalukiṟe na mangi o Ashuru; a so lochiidima luda ikia ngesa?”

YESAYA 26:14

Wo nyi wapfiie; wechikaa na moo-pfo; wamemaa ipfa, wechiṟukapfo, kui kipfa kya ikyo kowachea, kowarumatsa, na idetsa ngumbuo yawo.

YESAYA 26:21

Kipfa ambuya, Mndumii nechicha awuka handu hake, kundu nakape wandu wa wuyana, kipfa kya wuwicho wowo; teri yechiasama idaike samu, ma yechishikia wandu walya walewoho pfo.

YESAYA 28:20

Kipfa kitaṟa kilya kifui mndu alechiidima ikuhoṟwoho, na nguwo iya yekushikia injifafa mndu echiidima iicho mado pfo.”

YESAYA 29:6

Nao nechicheyo nyi Mndumii menyi Matoṟito kui ikuṟuṟuma, na kiding'ashi, na ṟu ling'anyi, owira sa lwapfinya, olewo lo modo forumatsa.

YESAYA 30:16

Indi nyo mlehamba ote, kipfa lochidoya frasi ludiche; kyasia nyi lohi, mochidicha; ngoseṟa, so lochidoya mando hedicha owinyi, na walya wemwosha wechiwa waangu iwikia mteṟa.

YESAYA 30:5

Wose wechiwadia sonu wandu welechiidima iwatarama, walawode kindo ma kiira, indi nyi sonu na iterengio.

YESAYA 30:7

Kipfa Misri yekewatarama wulya, kulawode kiira, kwi kipfa ikyo ngalaha, Rahabu adamie katsia sau.”

YESAYA 33:14

Wanyamaṟi wai kiidi kya Sioni waowuo; kidedemo kyawada walya walaidikie Ruwa; “Nyiu o kodu echiidima ikaa na modo fochilya; nyiu o kodu echiidima ikaa na modo fochirumatsa mlungana?”

YESAYA 39:3

Naalyo Yesaya mwikimbi kahendia mangi Hezekia kambia, “Wandu-wa walehamba kiki? Nawo nku wawukie wakacha na kopfo?” Hezekia kahamba, “Wawukie oruka lo kuleshe, wakacha wawuka Babeli.”

YESAYA 5:14

Ko ikyo ko waṟumu koengeṟa lango lyake, kuasami kukaeṟa; na kiṟumi kyawo, na mfoeṟa fowo na kifahio kyawo, na ulya mochihiyo kiidi kyawo, nekesoka kaolokiapfo.

YESAYA 5:26

Nao nechidosa bendeṟa kipfa kya mkambo wokia aleshe Nao nechikapa mṟoṟi wokia mtsitsioni fo oruka, Ambuya wechicha owinyi owinyi wechidicha.

YEREMIA 22:7

Njechiṟeheṟa wandu wenyamaṟa orio mndu na kisha kyake. Nawo wechimanya meresi yapfo njisambuṟe, na iikumba modonyi.

YEREMIA 4:30

Na iyo ili ochidao wupfungo, Nochiwika kuda Manya koṟaa nguo tsa kimande, na ikuchopa woṟaa sahabu, na ishia meso hapfo wuiwu nyi ukuloṟa ke nyi ui mcha kya wulya; wakunde wapfo wakumina na ikupiṟa waishiha ikusoka moo.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

YEREMIA 9:9

‘Ngesa njilawuwuye isho?’ Mndumii ahamba. ‘Ngesa njilatae kiṟache kiidi, kya mkambo fo wandu wa mbaṟi ii?’”

HOSEA 5:13

Kiheri wandu wa Efraimu, walemanya ndaṟe yawo, na Wayuda wakawemanya itiinga lyawo, wana wa Efraimu nyi, walehenda ko mangi, o Ashuru kundu nawaikanyie, kyaindi echiidima imukanyia, manya ichiṟa itinga lyanupfo.

HOSEA 9:5

Ambuya, nyi kiki mochiwuta mkonu fulya mnene fumteseheṟe? Ang'u mkonu fulya fo mfuho fo Mndumii-Ruwa?

HOSEA 9:7

Mfiri ya ngapo yameafukia, na mfiri yetaa kiṟache yameafukiada, Waisraeli kimbaṟi mumanye mkonu fo; ambuya nyi mokehamba miikimbi nyi tondo, na ichu asongoyo nyi mumuyo nyi msuko; nyi mokehamba mudo kifpa kya mawicho hanu hang'anyi, na kipfa kya kituwa kyanu king'anyi.

AMOSI 5:19

Nyi cha mndu aledichia miiso, kakoyana na ngaṟe, ang'u mndu aleida na mba kawika owoko loke mawandenyi, kaimado nyi njoka.

MIKA 7:4

Ulya mcha kota wo nekelisa wandu wukiwa cha mbeche. Kokoya kwipfo asumhanyi nyi cha oṟiho lo msha. Mkonu fowo fohoṟuo fuweiwedio foshika. Wulalu nyi wai iṟewe.

SEFANIA 1:18

Fesa ma sahabu yawo yechiidima iwakiṟa mkonu fulyapfo, mkonu fo nyashi ya Mndumii, kipfa oruka lose lochikoṟo na modo fo nyashi yake; kipfa nechiwika mtsitsionyi fo wandu wose wai kiidi kya oruka, ee mtsitsionyi foṟihisha.

LUKA 19:44

Nawo nyi wechimuwunduya wanda na wana wapfo wai ipfo kiidi kyapfo, wamuole-ole walechida ma iho likae huya iho lingi, kipfa ulalemanya shiheri shilya ulesahio!”

NGUMBUO YA MAWAWASO 28:49

“Mndumii-Ruwa nechiende mkambo fumu fo wandu kuwuka kuleshe fumupufukie owicho cha mbeṟo, mkambo mulaichi manya mdedie fowo.

1PETRO 2:12

Mochichumia ipfo kiidi kya wandu walaichi Ruwa ohendo lucha lusumhanyi kundu wo, ipfondo waimsutsa cha ili mui wambafu nyi hondo wakuwutie-ho iṟumisha Ruwa mkonu fo yanduo wechiambuya mawuto halya hanu mecha.