YESAYA 1:5 - Bibilia Kui Mdedie fo Kimochi

⁵ Nkili mukundi ikapo mṟasa wulalu, mkaengeṟa itahacha? Mdo fose fuluo, mrima fose fuleuma.

YESAYA 1:5 ပူးပေါင်းရင်းမြစ်များ

2WAMANGI 1:13

Kaduma mnene o kaṟaṟu na wandu makumi hatanu. Mnene ulya o wandu makumi hatanu (50) o kaṟaṟu kahenda kapfira ndi oshangunyi lo Elia, kamterewa mnu kechihamba, “Iyo mndu o Ruwa, ngakuterewa kipfa kya moo foko, na moo fo wandu wakeri waṟundi wapfo iwa makumi hatanu (50) ulalurumatse!”

2MBONYI TSA MAHERI 28:22

Kiheri mbonyi tsileengeṟa iwa njiumu mnu koke, mangi chu Ahazi, naleengeṟa wutahachi woke ko Mndumii-Ruwa.

NEHEMIA 9:34

Wamangi wadu, wanene wadu, wakohanyi wadu na waku wadu, waleosha wuwawaso wopfo-pfo, manya walesaṟa na iadanyia chando ulewaloshapfo.

YESAYA 1:23

Wanene wapfo nyi watahachi, na mbuya tsa mbafu; orio mndu nakundi itsutsumo, wekeosha itao, wechiinenga ngoeda kilya kyake kisumhanyipfo, wekeicho kieṟeṟo kya mkusu pfo.

YESAYA 31:6

Halukienyi ichu mulemleha nyo wana wa Israeli.

YESAYA 33:24

Kuwode ma umu o wenyi mṟi echihamba ke inyi njiluopfo; wandu wa ipfo wose wechihoṟio wuwicho wowo.

YESAYA 9:13

Indi wandu wo walehalukia ichu alewakapa-pfo, na ishiha Mndumii menyi Matoṟito.

YESAYA 9:21

Manase nailya Efraimu, na Efraimu nailya Manase, nawo wa wawi handu hamu wechiwa huya Yuda. Hamu na isho shose nyashi yake ilehalukia kuleshe-pfo, indi owoko loke lui luhoṟwo itane wulalu.

YEREMIA 13:23

Ale, Mkushi naidima iilacha fana ya mbihu foke, ang'u rumu matoṟetoṟe halyo? Kokoya echiidima, manya nyo mochiidima iwuta mecha, nyo muichiwie iwuta mawicho.

YEREMIA 17:9

“Mrima fo mndu fui mlembi kota shindo shose; fochiidima ichiṟo, ma kuwode sa echiidima ifumanya pfo!

YEREMIA 2:30

Njilekapa wana wapfo kya wulya; waleleha ilosho kui ngapo; oshu lonu muwenyi lulewaaha waikimbi wapfo, cha mwiso fokenyamaṟa.

YEREMIA 44:15

Kyasia, wasoṟo wose iwo waweichi ke waka wawo wawepfaamiṟa ubani ko maruwa hengi, na waka wose waleicho, kisanzio king'anyi kya wandu hamu na Waisraeli wawekekaa Pathrosi orukenyi lo Misri wakahaluo Yeremia;

YEREMIA 5:3

Meso hapfo iyo Mndumii hekeambuya wuhendeli nulewakapa, indi walesokio nyi fowa pfo; kowadedia wakaleha iwuya; wakawada orikiki kiwicho, wakahaluo shamu shawo iho lya iṟaṟa; walehiye iwuya.

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

YEREMIA 5:5

Njechihendiya wandu wang'anyi, njechideda nawo, kipfa waichi njia ya Mndumii na, mwaanduye fo Ruwa owo. Indi iwa kui mahiyo hawo walehiye, kusanza kimu na idumbuo shipfunga shimu na Mndumii owo.

YEREMIA 9:3

Wekelema olimi lowo cha wuda, kundu wahambe wongo, nawo wawode pfinya kiidi kya oruka indi chi kiidi kya wuhendeli-pfo; kipfa wo waengeṟa wuwicho kiidi kya wuwicho, ma wanjiichi inyi-pfo.” Mndumii ahamba.

SHILIO 5:17

Mrima yadu nyi iluo kipfa kya mbonyi tso, na meso hadu halaidime iambuo kipfa kya mcheny'eṟe yadu.

EZEKIELI 24:13

Cha kipfa mawuto hapfo nyi hai mawicho, ngawetambahana ikusanja kyaindi ulawe, koikyo ochiwa isanjasepfo mṟasa ili mandi nyashi yako yechikuhoya.

EZEKIELI 34:16

Kii kidi machondiho hawedekie njechihenda ihapfula, na halya hakeri kiṟahioṟahionyi njechihawihiṟa na kanyi. Nyi wudo na halya hawode shifaṟe njechihawikia mdi, na halya hai mafari njechihainenga pfinya, kyaindi, machondiho manoru, hawode pfinya njechiharumatsa. Kii kidi njechihenda ilisa machondi hako chandu kiwaṟi.

EZEKIELI 34:4

Ambuya machondi halya mafafa mulehaambuyapfo, manya halya haweluo mulehaṟundiapfo, na halya hawei na shifaṟe mulehawikia mdipfo, halya haweṟahaṟaha mulehawihiṟapfo, manya halya hawedekie mulehapfulapfo. Kyaindi nyi mulewahoṟokia ko pfinya na wulang'a