YESAYA 1:3 - Bibilia Kui Mdedie fo Kimochi

³ Mmbe iichi menyi oyo, Na nzoi iichi tengo lya menyi yo, Kiṟihishie Israeli aichipfo, wandu wako wekekusaṟapfo.

YESAYA 1:3 ပူးပေါင်းရင်းမြစ်များ

SHIIMBO SHA DAWIDI 94:8

Lanye matondo mui kiidi kya wandu, kusaṟenyi? Lanye masembo, nyi indi mochiwada wuṟango?

MFANANO 28:5

Wandu wawicho waichi mwaanduye - pfo, Indi walya weshiha Mndumii waichi shose.

MFANANO 6:6

Iyo mdoko, henda sahya malondo, kusaṟe kyaho nowade wuṟango

YESAYA 27:11

Maṟamba hakauma hechifunjo; waka wechicha wahakoṟe modo; kipfa iwa chi wandu wawode wuṟango-pfo; kui kipfa ikyo, ichu alewawumba echiwasaṟiapfo, na ichu alewawika echiwahoṟia pfo.

YESAYA 42:20

Nyi uwonyi shindo shifoi, kyaindi uwikie mrimenyi fopfo-pfo; madu hake hatambaṟukie, indi haichuo kindopfo.”

YESAYA 44:18

Waichi manya ikusaṟapfo; kipfa nawashingie meso walawone na mrima yawo walaidime imanya.

YESAYA 5:12

Kuwode-pfo, shinanda na shilya sha ndusu na mtoṟiṟo, na mtingo na mvinyo, isho shose shii kiidi kya mfuho yawo; kyaindi waiambuya iṟunda lya Ruwa pfo, ma ikusaṟa mawuto ha mawoko hake.

YESAYA 5:13

Kui kipfa ikyo wandu wako wawaduo wapfungo, kipfa kya ituṟa wuṟango na wulaanyi; na wandu wawo wawode kiṟumi wawodo nyi njaa, na wengi wawo wawodo nyi nyoda ing'anyi.

YESAYA 56:11

Shite sho shiwode wuumu, shekeihudapfo, na iwo nyi walisi walechiidima imanya idedo; wose piu wahalukie kihadi, waoshe njia tsawo wawenyi, orio umu kui kiira kyake, wuka njora tsose.

YEREMIA 10:14

Orio mndu nai cha indo lya ngeṟenyi lilawode wuṟango. Orio mnganya o sahabu nasonu kipfa kya sanamu yake aleisalaṟa; Kipfa sanamu yesalaṟa nyi wongo, kuwode moo kiidi kyayo-pfo.

YEREMIA 10:8

Wose nyi masembo na matondo, mloshie ya maruwa ha wongo nyi ngafu.

YEREMIA 35:16

Wana wa Yonadabu mana o Rekabu, walewada iwawaso waledeeyo na mku owo; indi nyo mulenjiindia pfo.

YEREMIA 4:22

Kipfa wandu wako nyi matondo, wanjiichi-pfo; nyi wana wawuṟie wuṟango, walaidima imanya wai waṟango iwuta mawicho; indi iwuta mecha wawode wurango-pfo.

YEREMIA 50:6

“Wandu wako wawei machondi hadekie; walisi wako walehadekesha, wakawahaluo wambuya mafumvuhu; hakaṟahaṟa fumvu na shitoṟomoso hakahadima mfiṟiha foho.

YEREMIA 8:7

Malehe hose hakerunduka cha mbeta, mbeṟo, makuru haichi kiheri kiwaṟi isama, kyaindi wandu wako waichi mawawaso ha Mndumii-pfo.

EZEKIELI 16:30

Mndumii-Ruwa nahamba adi, “Ambuya chando mrima fo fopfo fui mfafa, mawuto ha mawicho hadi ulehawuta, kofanana na mndu mka amwohi.” Mndumii-Ruwa nahamba adi, “Mrima fopfo fui mkuwu, kipfa mawuto ho ulewuta nyi hekewuto nyi waka waohi.

DANIELI 9:11

Ee da, Waisraeli wose watahacha wuwawaso wopfo, na ikaa kihadi, walaadanyie ṟu lyapfo; ko ikyo oseso lulecha huye yadu, na nyamu iya injiṟehie wuwawasonyi wo Mose, mṟundi o Ruwa; kipfa lulewuta wunyamaṟi.

HOSEA 2:8

Aweichi ke nyi inyi, njiwekemnenga Ngano, mvinyo na mafuda-pfo, na fesa na sahabu ifoi, sa awekedaya Baali.

MATAYO 13:19

Orio mndu ose ili ekeicho dedo-lyo lya mbonyi tsa wumangi nalamanye, nyi ichu mbicho acha napfo karakuo-ho kilya kii kiwaaye ipfo mrimenyi koke Nyio ichu ambaye oo mbarinyi ya njia.

WAROMA 1:28

Nawo chando wawepiṟye ikaa na Ruwa ipfo kundo akuwatambaṟuye na wudo o Ruwa nyi alewalekia wahende furunjikya mhie yawo wechiwuta shilya ishiwuta.

2PETRO 3:5

Ili wandu wa wakutimbishye, wakahadima imanya ke Ruwa nalededa, ruwehu na wuyana shikawumbo. Wuyana wulewiko mṟingenyi kui mṟinga mṟingenyi kui dedo lya Ruwa iwewangiho na mweke fo mṟinga.