YEREMIA 9:8 - Bibilia Kui Mdedie fo Kimochi

⁸ Njolimi tsawo tsi cha mfi ya wuṟoi; waichuo wulembi, mndu nededa necha na wamṟasa oke, kyaindi kiidi kyake naichuo wunyenyi.

YEREMIA 9:8 ပူးပေါင်းရင်းမြစ်များ

2SAMWELI 3:27

Abneri ahende ishika Hebroni, Yoabu kamduo mongonyi fung'anyi cha ili akundi ideda nao amonyi; kaira oshu loke lung'anyi kakapa nalyo Abneri ndewunyi, na imbaha kechitaa kiṟache kipfa kya ili alewaha manaomaye o Yoabu o Asaheli.

SHIIMBO SHA DAWIDI 12:2

Wekewiana shilawaṟi orio mndu na odoye Wawode madumbu hekushela; wakawiana kui mrima ya ikulembetseṟa.

SHIIMBO SHA DAWIDI 12:3

Mndumii nyi echitushiṟa moomu yose yekushela, Na orio olimu luwode madedo ha orikiki;

SHIIMBO SHA DAWIDI 120:3

Nakunenge kiki, nakuengeṟie kiki, iyo olimi luwode mtambo?

SHIIMBO SHA DAWIDI 28:3

Ulanjikuruo handu hamu na wandu wa mkika, Manya handu hamu na wewuta mawicho. Wewia wamṟasa wawo mbonyi tsa ofoṟo, Indi mrimenyi yawo waichuo wuwicho.

SHIIMBO SHA DAWIDI 35:20

Kipfa wahamba shiwode ofoṟo pfo. Nawo wakusaṟa mawicho ko wasalori wa oruka.

SHIIMBO SHA DAWIDI 55:21

Dumbu lyake limamiri kota mafuda ha msika, indi mrima foke nyi shida. Madedo hake hamahoo kota mafuda, nndi n'hai oshu luale.

SHIIMBO SHA DAWIDI 57:4

Moo foko fui kiidi kya miiso, njechisia moo kiidi kya walya wahya modo, Wandu maheho hawo nyi cha mapfumu na mfi, njolimi tsawo ni oshu lwohi.

SHIIMBO SHA DAWIDI 62:5

Mrima foko, wedya Ruwa o amonyi kutsie sau. Kikusirio kyako kiwukye koke.

SHIIMBO SHA DAWIDI 64:8

Nyi wudo wechihataṟo, olimi lowo lochilimbana nawo. Wose wechiwawona wechisingitsa mdo.

MFANANO 25:18

Mndu mohamba sha wongo Nyi kiria, na oshu, na mfi mwohi.

YEREMIA 5:26

Kipfa kiidi kya wandu wako kuipfo wandu wawicho, wekelaaya cha modeha mdeho; wekedeha ikawada wandu.

YEREMIA 5:9

Ngesa njilatae kiṟache kipfa kya mbonyi-tso tsesutsa, Mndumii ahamba; na mrima foko nawo fulatae kiṟache kiidi kya mkambofu fo mbaṟi ii?

YEREMIA 9:3

Wekelema olimi lowo cha wuda, kundu wahambe wongo, nawo wawode pfinya kiidi kya oruka indi chi kiidi kya wuhendeli-pfo; kipfa wo waengeṟa wuwicho kiidi kya wuwicho, ma wanjiichi inyi-pfo.” Mndumii ahamba.

YEREMIA 9:4

“Kuṟisenyi orio mndu na wamṟasa oke, manya mulakusirie mana-o-mayo ose, kipfa orio mndu nechiseya sha wongo, na mndu o mṟasa nechihenda ipfo na ipfo, na ihamba wongo na iiria wongo.

YEREMIA 9:5

Nawo nyi wechilemba orio mndu na wamṟasa, ma wechihamba lohipfo, waichiwiṟie olimi lowo ihamba wongo; wakakupootsa wawute mawicho.

MIKA 6:12

Wasuṟi wa mṟi yawo waichuo wulembi, wenyi mṟi wawo wekededa wongo, orio kindo wadeda nyi wulembi.