YEREMIA 9:7 - Bibilia Kui Mdedie fo Kimochi

⁷ Kyasia Mndumii menyi matorito nahamba, “Njechisalaṟa wandu wa iwahesha! Kipfa njilamewuta njidi njechiwika kuda na wandu wa wawode wuwicho?

YEREMIA 9:7 ပူးပေါင်းရင်းမြစ်များ

2SAMWELI 13:26

Kyasia, Absalomu katerewa Dawidi nalekie Amnoni nahende nao Baal-hazori. Kyaindi Dawidi kamlehia kammbesa, “Nkili okundi Amnoni nahende na iyo?”

2MBONYI TSA MAHERI 36:15

Kyasia, Mndumii-Ruwa, Ruwa o wasahuye wawo, nalewadumia waikimbi wewakanga mkonu na mkonu, kipfa nalewasaṟia wo na Hekalu lyake.

SHIIMBO SHA DAWIDI 120:4

Mfi ya mndu ai ngohoda ipachikie, handu hamu na makaa ha mretemu.

SHIIMBO SHA DAWIDI 55:22

Dika Mndumii mhanda fopfo nao nechikuṟihika, echilekya mndu o wusumhanyi nalemo mlunganapfo.

SHIIMBO SHA DAWIDI 62:5

Mrima foko, wedya Ruwa o amonyi kutsie sau. Kikusirio kyako kiwukye koke.

YESAYA 1:25

na inyi njechikuindutsia owoko loko, njechisalaṟa wukika wonu wose, njechiwuta mbosha tsanu tsose.

YESAYA 48:10

Ambuya ngakusanja, kyaindi chi cha fesa pfo; ngakusambuṟa kiidi kya ngumia ya matuuro.

YESAYA 59:3

Kipfa mawoko hanu hafanyi ngafu ya samu, na shimnyo shanu shifanyi ngafu ya wukika; madumbu hanu hadedie wongo na njolimi tsanu tsikasiria wuwicho.

YEREMIA 31:20

Efraimu nyi manoko mkunde; o nyi manoko mkunde mnu. Nkyo kitewe orio mandi ngamwowesha, ngaweengeṟa imkumbuo. Mrima foko fumwindukie ko mecha; na lohi njechimsaṟia. Nyi inyi Mndumii-Ruwa ngahamba.

YEREMIA 5:1

Wikienyi mteṟa kunu na kunu kiidi kya njia tsa Yerusalemu, muwone wulalu na imanya muwenyi, na ishika kiidi kya shiwanja shake kokoya mochiidima iwona-pfo, mndu umu na icho umu ekewuta sha wulohi, ai mhendeli; inyi njechihoṟia mṟi fo.

YEREMIA 6:27

Yeremia, ambuya ngakuwika uwe mnaṟa, na omombo kiidi kya wandu wako, uidime imanya njia tsawo na itsihesha.

HOSEA 4:1

Adanyienyi Mndumii-Ruwa, nyo Waisraeli. Mndumii-Ruwa nanunuwa kipfa kya wandu wa oruka lu. Kuwodese wuhendeli ma mrima mcha orukenyi-pfo; kuwodese mndu aichi Ruwa kunu orukenyi-pfo.

ZEKARIA 13:9

Ikyo kimu kechideo njechikihesha na ikitana kyele cha mndu mosanja fesa; cha mohesha sahapu. Kyasia, wo wechinjiterewa na inyi njiwahaluo, njechihamba iwa nyi wandu wako, nawo wechihamba Mndumii-Ruwa nyio Ruwa odu.”

MALAKI 3:3

nao nechidamia cha mosanja fesa, nechihaluo wana wa Lewi waele, nechiwasanja cha sahabu na fesa, wechidasia Mndumii kui wulohi na wusumhanyi.

1PETRO 1:7

Kitewe nyi kundu kihesha mwidikye fonu kiende kiṟumi kicha kota kilya kyehesha sahabu iya yechisia nayo yekyemanyisho modonyi, kishikye iwono kyechiende kiichiko na wuitoṟi na kiṟumi mandi halya Yesu Kristo echiwonekya.

1PETRO 4:12

Nyo mui wakunde, ma mulaṟihisho nyi wuhyu wulya woaka konu wochimhesha cha ili wombiia wuhenu.