YEREMIA 9:4 - Bibilia Kui Mdedie fo Kimochi

⁴ “Kuṟisenyi orio mndu na wamṟasa oke, manya mulakusirie mana-o-mayo ose, kipfa orio mndu nechiseya sha wongo, na mndu o mṟasa nechihenda ipfo na ipfo, na ihamba wongo na iiria wongo.

YEREMIA 9:4 ပူးပေါင်းရင်းမြစ်များ

MAWOOKIONYI 32:28

Kammbia, “Rina lyapfo ochilahose nyi Yakobopfo indi nyi Israeli, kyamba noheshana na Ruwa, na wandu, na iyo kowawinga.”

SHIIMBO SHA DAWIDI 101:5

Moiria mndu o mṟasa oke kya kiṟika; icho njechimnyamaṟa. Msa awode meso ha orikiiki na ngoo yekushela, icho njechimtirisiapfo.

SHIIMBO SHA DAWIDI 15:3

Alekyeiria mndu sha wongo kui olimi loke. Manya alewutia ungi kiwicho, Manya alekeiria wamṟasa oke sha wongo.

MFANANO 10:18

Moṟika nyashi nawode dumbu lya wongo, Na ichu mohaaya nyi tondo.

MFANANO 25:18

Mndu mohamba sha wongo Nyi kiria, na oshu, na mfi mwohi.

MFANANO 4:16

Kipfa wechilaa walawuta wunyamaṟi pfo; Wekewuṟa mado, kokoya walaidima iolotsa mndu.

MFANANO 4:17

Kipfa wekelya mkate fo wuwicho, Na inyo mvinyo fo otoolo.

MFANANO 6:16

Kuwode shindo shiṟandaṟu shisuiṟiye Mndumii; Ee da! Shiipfo mfungade shii shiwicho koke.

MFANANO 6:19

Mngochi o wongo ekehamba wongo; Na ichu mowaaya mbeu tsa wuṟiingi kiidi kya wandu.

YESAYA 59:13

kiidi kya madeko na, lukadeda kui orikiki na inyamaṟa, lukakusaṟa madedo ha wongo na ihawuta mrimenyi.

YESAYA 9:16

Kipfa wesongoya wandu-wa nyiwo wekewadetsa, na iwo walesongoyo nyiwo walearisika.

YEREMIA 12:6

Wanawamayo na wa mba yapfo kumonyi, wakuwutia kui mtambo, wakudedia na pata. Ulawaidikie manta, ma wakakuwia madedo mecha.’”

YEREMIA 6:28

Nyi wandu wadeko waeṟie, wekeṟahaṟaha ipfo na ipfo wechideda na iiria wandu madedo ha wongo; nyi aṟeṟa na menya, wandu wawuta wukika wose kuchu kulawodeho mcha.

YEREMIA 9:8

Njolimi tsawo tsi cha mfi ya wuṟoi; waichuo wulembi, mndu nededa necha na wamṟasa oke, kyaindi kiidi kyake naichuo wunyenyi.

EZEKIELI 22:9

Kiidi kyapfo kuwode wekeṟingia wodoyawo kundu wawoho. Wandu wapfo wekelya shidaso shiledasio maruwa hengi. Wakawekaapfo walya wekewuta shindo sha mkika.

WALEWI 19:16

Kulaideide kochiṟiingia wandu wa mbaṟi yapfo manyale. Kulatwaaṟe mndu o mṟasa opfo kui madedo hapfo. Inyi nyi Ruwa Menyipfinya.

MALAKI 2:10

Alewo! So lose luwode Wande umu? Ruwa chu moluumba chi umu tupu? Kyawa se kida ili orio mndu awutia manomae mbonyi tsilawaṟi? Lochifanyisa ngafu mkundana fo ndeadu?

MATAYO 10:17

Kya indi kuṟisenyi na wandu Kipfa nyi wechihenda mduo kulya mba wededya shama shawo na kulya sinagogenyi tsawo wawemkapa na ngowa-tso tsii njitochye msha.

MATAYO 10:21

Kya indi kukae manomae o wandu nadambike manomae kya opfu na ndee o mndu nawedambika mana, na wana wa wandu waamkye iwo wawafeye na ihenda iwashihiya ofu!

LUKA 21:16

Nanyo nyimocheṟiingio na nyi wafee na wanawamaanu, na wodoyanu wa kishari na wakunde wanu.

1WATESALONYIKYE 4:6

Cha kya mkambo ya kihenu ilaichi Ruwa. Ma mndu nalawone echieera manomae mbuchenyi ma imlemba, kipfa Mndumii ai mdeheli modehelya kya ishi shose chando lulemsonguo imbia na iṟingishia.