YEREMIA 8:3 - Bibilia Kui Mdedie fo Kimochi

³ Ipfa lyechisambuṟo kota ikaa na moo, na mtsuhaṟo fulya fose kiidi kya wandu nyi fui mbicho, kulya wai watsuhaṟe ndewafuna orio handu. Nyi wudo Mndumii menyi matorito ahamba.”

YEREMIA 8:3 ပူးပေါင်းရင်းမြစ်များ

1WAMANGI 19:4

Nao kachumia ohendo lo mfiri puti kaafukia nuka ya msanga. Kyasia kashika handu kadamia wanda ya ikidi lya mretemu. Kalanga opfu kahamba, “Kyashika, njiidima se-pfo. Hoi Mndumii-Ruwa, kunjiwutie moo foko. Inyi njii mcha kota wandie wako-pfo.”

YEREMIA 23:3

Na inyi njechisanyia mtsuhaṟo fo po lyako, kiidi kya njoruka tsilya tsose njilewafunyiapfo, njiwawihiṟese na mfiṟihenyi yawo; naho hechishaa na iengeṟeka.

YEREMIA 23:8

Kyaindi, “So Mndumii ai na moo” alewadosa kasongoya mba ya Israeli wuka oruka lo mtsudu na wuka njoruka tsilya njilewafunyia; wo wechikaa orukenyi lowo wa wenyi.

YEREMIA 29:14

Mochinjiwona inyi njechimuwihiṟia moo na imusanyia kiidi kya mkambo iya ya wandu njilemuwingia napfo. Njechimuwihiṟa na handu halya njilemuwuta ho, ngamuduo osamiṟonyi. Nyi Mndumii-Ruwa ngadeda.

YEREMIA 29:28

Kipfa naleduma mbonyi ipfo Babeli ke osamiṟo lonu lochiwa lo kiheri kileshe, na ihamba muwike mba, mkaepfo wadenyi madema mudeme, wayenyi mbeu mulye shilimu shaho.’”

YEREMIA 40:12

wose walewuya kulya kundu wawerahanyikie na ihenda orukenyi lo Yuda ko Gedalia ipfo Mispa. Walehaa sabibu na ndunda tsa kwari tsifoi mnu.

YEREMIA 44:2

Mndumii-Ruwa menyi Matorito, Ruwa o Israeli nahamba adi: “Nyo mulewona mawicho hose njilewutia mṟi fo Yerusalemu na mṟi yose ya Yuda. Mṟi ii nyi mrapu mṟasa inu ma kuwode mndu ekekaapfo pfo.

YEREMIA 44:6

Koikyo tuke yako na nyashi yako ikaaka na iletsekia huya mṟi ya Yuda na njia tsa Yerusalemu, itane yawa nuka ya msanga na mrapu chandu ikeri mṟasa inu.

YEREMIA 6:9

Mndumii Menyi matorito nahamba adi: “Wechisanyia mtsuhaṟo fo Israeli cha ili mndu aisanyia msabibu; wihiṟa owoko lopfo mkunjenyi, cha mohaa msabibu.

DANIELI 9:7

Hoi Mndumii-Ruwa wokia mlungana wukiilohi wui na iyo, kyaindi kodu kuwode iṟeenze itane inu; wandu wa Yuda, na wenyi Yerusalemu na ko Waisraeli wose, wai kufui na kuleshe, kiidi kya njoruka tsose ulewafuna, kipfa kya madeko hawo walekudekio.

WALEWI 26:33

Njechimupaṟatsana nyo kiidi kya wandu wa mbaṟi tsingi na isomuo oshu kipfa kyanu. Oruka lonu lochiwa mrapu na mṟi yanu yechiwa injisame.

AMOSI 3:1

Adanyienyi idedo lyi Mndumii alehamba kyanu, nyo wana wa Israeli, kiidi kya oshari lonu loose njilemdosa wuka orukenyi lo Misiri, njehamba.

YONA 4:3

Wulalu Hoi Mndumii, ngakuterewa, ukunjiwutie moo foko; kipfa nanga inyi ngapfa kota njekaa na moo.”

MIKA 2:3

Ko ikyo Mndumii-Ruwa nahamba adi; “Njiṟeheṟa imuendie nyo mawicho, mulechiidima ihaowia. Kechiwa kiheri kiwicho konu, ma mochiidima ihenda wo kushela pfo.

NGUMBUO YA MAWAWASO 30:1

Mose kaengeṟa ihamba, “Ngamuinenga isambuṟa kiidi kya mboṟa na oseso. Mbonyitso tsose tsikamuhoya nanyo mkawamotsiṟisaṟisa orio handu mui kiidi kya mkambo ya wandu kundu Mndumii-Ruwa, Ruwa onu, echikoya amemupaṟatsanyia,

NGUMBUO YA MAWAWASO 30:4

Manya kokoya muwapaṟatsanyie njorukenyi tsa kuleshe tsa iya wuyanenyi, Mndumii-Ruwa, Ruwa onu, nechimusanyia na imuwihiṟa,

OTAMBAHALUO LO YOHANE 6:16

Wakawefuhya mafumwu na njopanga, “Ke-luolokenyi muluṟikishye oshangu lo ichu adamye loṟike-hu lu lo wuitoṟi mulowishie matuuke ha kidahina ki.

OTAMBAHALUO LO YOHANE 9:6

Mfiriyo wandu wechipfulapfula opfu walelukoya. Wechilanga mnu ihenda ipfa na opfu lochiwadicha.