YEREMIA 8:12 - Bibilia Kui Mdedie fo Kimochi

¹² Ngesa na waleṟeenze lilya walewuta sha mkika? Ote waleṟeenze-pfo, ma walewado nyi sonu-pfo; kyasiang'u wechioloka kiidi kya weoloka; kiheri kecheo wechiolotso wanda. Mndumii ahamba.

YEREMIA 8:12 ပူးပေါင်းရင်းမြစ်များ

MAWOOKIONYI 19:34

Ilyi lya kilalau ulya ang'anyi kawia ulya mtutu, “Ambuya, ukou njilelaa na wande, lumrutsese mpfinyo kio ki, noide napfo nolae nao.”

SHIIMBO SHA DAWIDI 52:1

Kitewe kekuṟumisha na mawicho nyi iki, iyo mndu mkari? Wucha wo Ruwa wuiho mkonu yose.

SHIIMBO SHA DAWIDI 52:7

Ate! Ichu nyi mndu ulya, alekeidikia ke Ruwa nyi pfinya tsake. Alekusiria mfoeṟa fo masaa hake, na ikuhaluo mkari kya mawicho hake.

YESAYA 24:2

Na kechiwa chandu kikeri ko wandu, nyi wudo kechiwa ko mkohanyi; chandu kikeri ko isinga, nyi wudo kechiwa ko mndumii olyo; chandu kii ko isinga ika, nyi wudo kechiwa ko mka mangi; chandu kii ko mohuṟa, nyi wudo kechiwa ko mokumba; chandu kii ko moinengia, nyi wudo kechiwa ko moinengio; chandu kii ko ulya o mbucha aiṟimiṟa, nyi wudo kechiwa ko icho momtarama kaiṟimiṟa.

YESAYA 3:9

Shamu shawo shiṟingishie kilya wawutie, wakashukuo wunyamaṟi wowo cha Sodoma, ma walaiṟika. Ochia lo wanduwo, kipfa wakuendie urumatso lo mbihu yawo wo wawenyi.

YEREMIA 10:15

Nyi wulya tupu, nyi iṟunda lyelemba kiheri kyawo kecheo wechideka.

YEREMIA 14:15

Kyasia Mndumii nahamba adi, kui mbonyi tsa iwo waikimba wongo njilawadumie, kyaindi wakahamba ke oshu na njaa shechichea orukalupfo; oshu na njaa shechirumatsa waikimbi wo.

YEREMIA 23:12

Kipfa kya isho, njia yawo yechiwa cha kundu kuirendia meemenyi, wechisotsoho na ioloka; kyamba njechiende mawicho, maka fowo fowakapa fukoshika. Nyi inyi Mndumii-Ruwa ngahamba.

YEREMIA 3:3

Kipfa kya ikyo luleimo mlewi, manya kuwode mvuo ya fuli pfo, ma kudo nuwode meso ha wumeluki, koleha idumbuya ma kulawado nyi sonu.

YEREMIA 44:10

Mṟasa inu ma mulemekunyiiṟe ma iowuo ma iosha mawawaso hako na mbiia tsako njilemudea nyo na waku wanu pfo.

YEREMIA 6:15

Ale walesokiyo nyi fowa lilya walewuta mawicho? Ote walesokio nyi fowa ma waleṟeenze pfo wai; kyasia wechioloka kiidi kya iwo weoloka; kiheri njechiwachea wechiolotso wanda, Mndumii ahamba.

YEREMIA 6:21

Koikyo Mndumii nahamba adi, “Ambuya njechiwa tewe oshangunyi lo wandu-wa, wana na wandeawo wechikapa mtulia handu hamu; mndu o mṟasa na mbuya yake wechideka.”

EZEKIELI 23:18

Kiheri aleengeṟa wumeluki wu woke na pata, inyi ko ora loko ngamda chando njileda manomae.

HOSEA 5:9

Efraimu nyi yechiwa nuka mresi . Iki nyi kindo kya lohi kihenda iwutika kiidi kya Israeli.

SEFANIA 3:5

Mndumii nyi awode wusumhanyi; echiwuta wunyamaṟipfo, orio ngamenyi nekeloṟa wucha woke alatsitsa; indi mndu mnyamaṟi nechisonu.

NGUMBUO YA MAWAWASO 32:35

Kiṟaache nyi kyako, inyi njechitaa, ili madende hawo hechirendia; kyamba mfiri fowo fo ndenga fomeshika. Mtsitsionyi fowo fui hafui mnu.

WAFILIPI 3:19

Hando wakeri ikushitsya-ho wawenyi ipfo odetsonyi ndewu nyiyo Ruwa owo, kiṟumi kyawo kiwaendye wuṟenze, nawo nyiwo wekekumbuo shikeri sha wanda ii.