YEREMIA 8:11 - Bibilia Kui Mdedie fo Kimochi

¹¹ Kipfa nyi walechiṟa matiinga ha wandu wako huyehuye, wechihamba kuwode ofoṟo, nalo lulaipfo.

YEREMIA 8:11 ပူးပေါင်းရင်းမြစ်များ

1WAMANGI 22:13

Na ulya alehenda ilaha Mikaya, kambia, “Ambuya wulalu, madedo ha waikimbi kui dumbu limu, mhambie fumu wawia Mangi madedo mecha, idedo lyapfo ngakuterewa, liwe cha limu lya waikimbi wo, udede mecha.”

1WAMANGI 22:6

Naalyo Mangi o Israeli kasanyia handu hamu waikimbi cha wandu mahana hana 400. Kawawesa, “Ngesa njihende Ramoth-Gileadi njikapane shida ang'u njide?” Wakambia, “Do kipfa Mndumii nawikie Ramoth-Gileadi owokonyi lo Mangi.”

YEREMIA 14:13

Kyasia ngahamba, “Ambuya Mndumii-Ruwa waikimbi waiwia wandu ke, kochiwada oshu manya njaa-pfo; kochiwada oforo, luwanzi handu-ha.”

YEREMIA 23:17

O mkonu wekewia iwo wanjiminyie, Mndumii nahamba mochiwada ofoṟo wakawewia orio mndu akuiwitie mrima foke. Kuwode kindo kemupaayapfo, kuwode kiwicho kyosepfo.”

YEREMIA 6:14

Wo nyi walechiṟa shifaṟe sha wandu wako huye tupu, wechihamba, “Ofoṟo! Ofoṟo!” Makulawode ofoṟo.

YEREMIA 8:15

Luwelangie ofoṟo, indi lulewona kicha kyosepfo, nyi luweiwedia kiheri kechiṟo, ate nyi isukio nyi moo.

SHILIO 2:14

Waikimbi wapfo nyi walekuendie wuikimbi wo kulemba, Kyamba walekutambaṟuya necha wuwicho wopfo kundu uidime ikualachapfo, kyaindi nyi walekuendie mbonyi tsa wongo na tsekudetsa.

EZEKIELI 13:22

Kyamba kui wongo yanu nyi muleendie wandu wa wasumhanyi fowa njilawekundi waiwone, mukawekarisha wawicho waengeṟe iwichuo kundu waladumbuye wahende iashuo mrima yawo.

MIKA 2:11

Kokoya kuwemewuka mndu kadeda madedo ha wongo na ha wulya kahamba; ‘Ngaende wuikimbi, ke mochiwona mvinyo na wari sa wufoi,’ ichu moonguo nechikundo nyi wandu wa.

1WATESALONYIKYE 5:3

Mandi waihamba, ofoṟo na owanzo, na hondo orumatso lowatumukya pereseng'u cha okoṟa lohoya mka ai mnene, walaidima idicha.