YEREMIA 7:9 - Bibilia Kui Mdedie fo Kimochi

⁹ Ngesa mochiiwa na iṟuhuya, na iwaha na ilya nyamu tsa wongo, iatsia Baali opfamo lo wuindi ioshana na maruwa ha kihenu mulahaichi.

YEREMIA 7:9 ပူးပေါင်းရင်းမြစ်များ

1WAMANGI 18:21

Elia kasembelia wandu wose kahamba, “Mochihingahinga kiidi kya mahio hanu hawi mtane indi? Mndumii kokoya nyio Ruwa, mwoshenyi, kyaindi kokoya Baali nyio Ruwa, kyasia mwosheni o.” Wandu walya walamhaluo ma kidedo.

IWUKA 20:3

Kulawade Ruwa ungi shile na inyi.

YESAYA 1:13

Mulanjiendie mwano iichuo wukika; uvumba nyi shinjisuiṟie, meri mhya na sabato, ilaha shisanzio; njechiidima mawuto ha ha wunyamaṟi na shisanzio sha wuindi pfo.

YESAYA 58:2

Kyaindi wekenjishiha orio mkonu; wakundi imanya njia tsako; cha wandu wa mkambo fuwutie wusumhanyi, welechida wuwawaso wo Ruwa owo, wakundi mawawaso ha wusumhanyi; wekechihio ikaa afui na Ruwa.

YEREMIA 1:16

Na inyi nyi njechihamba mwanduye foko huye yawo kya mbonyi tsa mawuto hawo mawicho hose; kipfa walenjida inyi wakaindia maruwa hengi, wakawehapfamiṟa, wakaindia maṟunda ha mawoko hawo wawenyi.

YEREMIA 11:13

Kipfa itala lya maruwa hapfo iyo Yuda haṟinganyi na itala lya mṟi yapfo; chandu itala lya njia tsa Yerusalemu nyi wudo mulehoṟotsa rasio tsa kindo kilya kya wusutsu, shitaṟa shepfaamiṟa Baali uvumba.

YEREMIA 11:17

Kipfa Mndumii menyi Matorito alekudonga, nadeda mawicho huyapfo kipfa kya mba ya Israeli na mba ya Yuda walewuta kipfa kyawo wawenyi wakanjipfulutsa nyashi, wechipfamiṟia Baali uvumba.”

YEREMIA 13:10

Wandu-wa wawicho waleha iadanyia madedo hako, wahenda wakahaṟie mrima yawo na iosha maruwa ha wongo, ihaṟundia na ihaindia, wechifanana na kiṟota kyo kinyamaṟikie.

YEREMIA 18:15

Kipfa wandu wako walenjihadima, wakapfaamiṟia maruwa hawo uvumba; wakakukahaṟa na injihadima, wakahalukia mkao yawo ya kuwoka, kundu waide kihadi kundu kulaikusungusie.

YEREMIA 19:4

Kipfa walenjida inyi na ihaluo handu ha hakawa hahenu nawo wakapfaamiria uvumba maruwa hengi walawehaichi, ma chi wo tupupfo na wandeawo ma wa mangi wa Yuda wakatana waichuṟa samu ya wandu walai na mti.

YEREMIA 32:29

Wakalidayo wekesaṟikia mṟi fu wechiida napfo na ifukoṟa modo itane fosaramaya hamu na mba wawekedutsia Baali ubani na shidaso shemaya modonyi na iletsia maruwa hengi mvinyo ipfo mbehu ya mba-tso, kundu wanjisohuo mondu.

YEREMIA 44:3

Ilewa ido kipfa kya wuwicho walewutana, wakanjisuiṟa ko ipfaamiṟia maruwa hengi ubani na ihaṟundia maruwa hengi walawehaichi; manyo, ma waku wanu.

YEREMIA 44:8

Nki ili munjitewa njisuo kipfa kya ihoneṟia sanamu muletsisungusia muwenyi na ipfaamiṟia ubani maruwa hengi kiidi kya oruka lo Misri ilu mulecha napfo isamiya? Ngesa, mukundi irumatso na iwa oseso na kindo kya sheeṟe oshangunyi lo mkambo ya wuyana?

YEREMIA 44:9

Ngesa, mohadima wuwicho wo waku wanu, wuwicho wo wamangi wa Yuda, wuwicho wo waka wawo na wuwicho wonu nyo muwenyi na wo waka wanu, mulewuutia orukenyi lo Yuda na njienyi tsa Yerusalemu?

YEREMIA 48:35

Ambuya na inyi njechiangatsa orio mndu kiidi kya Moabu ichu echidasia shifumvuhu na idutsia ubani ruwa oke.

YEREMIA 5:2

Ma wakahamba, “So Ruwa ai na moo.” Walya nyamu ya wongo.

YEREMIA 5:7

“Njechiidima njida ikuhoṟia iyo Yerusalemu? Wana wapfo wanjida inyi, na ilya nyamu ko walya walai ruwa lilya waleihuda, waleṟuhuya wakakumbuhana kiidi kya mba ya wameluki wai wafoi.

YEREMIA 7:6

manya mulatuure ma mndu mhenu ma mana mngweda ma mka mkusu, mulapusuye handu-ho samu ilai na mti, mulaoshane na maruwa ha wongo hai ochia lonu.

EZEKIELI 18:18

Kyaindi ndee oke, ichu aleiwa, kawesoka wandu masaa hawo, kawewa mowuta mawicho kiidi kya mkambo, nechihenda ipfa kipfa kya njonyamaṟo tso tsake awewutie.

EZEKIELI 20:30

Wulalu wia mba yo ya Israeli le, nyi wudi Mndumii-Ruwa ahamba, ‘Nki ili muiosha mawuto halya hawichuṟie, halya waku wanu walewuta na iosha maruwa halya hawo ha wongo?

EZEKIELI 23:39

Kyamba mkonu fulya fulya walewuta wana wawo wawe shidaso ko sanamu tsilya tsa maruwa hengi nyi waleida na mbenyi yako njiele kundu waifanyitse. Ishi nyisho walewutia mbenyi yako.

EZEKIELI 5:11

Mndumii-Ruwa chu ai na moo, ichu ulefanyitsa hekalu lyake na mawuto hapfo hafanyi na mchumie fopfo mbicho nechikukapa manya riso lyake lyechikulilia ma ikusaṟia pfo.

HOSEA 2:13

Njechimtaa kiṟache kya mkonu iya ya Baali aleiṟumisha, na maheri aledo ikoṟa ubani, na ikuchopa na rachi tsake na shishelo sha maho sha wuhuru wung'anyi, na ihendia wakunde wake, na injihadima inyi. Nyi inyi Mndumii-Ruwa ngadeda.

HOSEA 6:9

Kyamba chandu wasoki wekeowia wandu, njienyi kundu wawasoke, nyi wudo wakohanyi walekoyana wechiowelia. Wakawaha wandu njienyi wechihenda Shekemu, ambuya nyi walewuta wuwicho wuṟatsie.

AMOSI 4:5

wutenyi shaano shanu, ya kilya kikiwikye mtarang'ao; muonguo mwano mulewuta kui ikunda lyanu na ihamba kyatso; kipfa ikyo kimuchihiṟye nyo, lanye wana wa Israeli, Mndumii-Ruwa ahamba.

SEFANIA 1:5

na walya weindia kulya ruwehu wai kai ka mba na iwo weterewa, na ilya nyamu ya Mndumii na ilya nyamu ko Malkamu;

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

WAROMA 2:2

Indi luichi ke mdumbuye fulya Ruwa afudumbuya walya wewuta shindo shido nyi fuidikyanyi na kilya kii lohi.

NGUMBUO YA MAWAWASO 32:17

Waledasia maṟimu halai ruwa, Waleosha maruwa sa walahaichi manyale, maruwa mahya sa halecha mfiri ii ya afui, sa wameku wawo walalehaindia manyale.

OTAMBAHALUO LO YOHANE 21:8

Indi wandu walya wai waowu; na walaidikie; na wenyi paṟi; na wawahi; na waṟuhui, na wasawi waruwia weruwia wuṟoi na weindya mfanano na wededa wongo wose, kyoṟa kyawo nyi kya ipfo nduwenyi yeaka modo fo kibiriti. Nyilo opfu lulya lo kawi.”

OTAMBAHALUO LO YOHANE 22:15

Kulya nja kukae kushingilie mashite na wamaruwya wuṟoi na wamameluka-meluka na wamawaha na weindia maruwa ha wongo na orio ose akundi shii wongo na ishiwuta.

WACHILI 5:8

Walekusambuṟia maruwa mahenu, kukawada shida kiidi kya oruka Kyaindi kulewono msa awode oshu ang'u ngawo kiidi kya wandu shiku makumi hana (40,000) wa Israeli-pfo.