YEREMIA 7:4 - Bibilia Kui Mdedie fo Kimochi

⁴ Mulakusirie mhambo ya wongo ili walehamba, ‘Hekalu lya Mndumii, hekalu lya Mndumii, Ee hekalu lya Mndumii.’”

YEREMIA 7:4 ပူးပေါင်းရင်းမြစ်များ

1WAMANGI 9:7

Kyasia njesamiṟa wandu wako Israeli wuka oruka lu njilemuinenga, na mba njileishimbuo kipfa kya rina lyako, njechiikumba kuleshe na inyi, na yechiwa kindo kemino na ipiṟo kiidi kya wandu wa mkambo yose.

YESAYA 48:2

Kipfa mokekulaha nyi wenyi mṟi Mwele, moketaramo nyi Ruwa o Israeli; Mndumii menyi Matoṟito nyi lyo rina lyake.

YESAYA 59:4

Kuwode mowesa kui wusumhanyipfo, kuwode modeda wulohi-pfo; wakusirie wulya, ideda wongo; wukakapika wukafee wuwicho.

YESAYA 66:1

Mndumii nahamba adi, “Ruwehu nyi kidi kyako kya wuitoṟi, na oruka nyi handu hako heleṟia madende hako; mochinjiwikia mba njiki? Handu hako hesia moo hai hanga?”

YEREMIA 28:15

Nlyo mwikimbi Yeremia kawia mwikimbi Hanania, “Adanyia wulalu o iyo Hanania Mndumii alekudumapfo kyaindi nuwia wandu madedo ha wongo.”

YEREMIA 29:23

Kimarete nyi walewuta mbonyi tsa sonu kiidi kya Israeli. Waleṟuhuya na waka wa wamṟasa wawo, na ihamba madedo ha wongo ko rina lyako, kindo njilawewadumie wawute wado. Inyi njiichi isho; njileṟingishia. Inyi Mndumii-Ruwa ngahamba.”

YEREMIA 29:31

“Dikia wandu wose wakeri osamiṟonyi ndumi ii. Inyi Mndumii-Ruwa njihamba njidi kya Shemaya o Mnehelamu: Shemaya nadeda kisuku chi inyi njimdumiepfo, kikatewa mukaidikia wongo tsake.

YEREMIA 6:14

Wo nyi walechiṟa shifaṟe sha wandu wako huye tupu, wechihamba, “Ofoṟo! Ofoṟo!” Makulawode ofoṟo.

YEREMIA 7:14

Mbai ikeri isendo ko rina lyako handu mukusirie, nyi ho handu njilemudambikia nyo na wandeanu njihende ihawutia chandu njilewutia Shilo.

EZEKIELI 13:19

Mulewuṟa wuindi oshangunyi loko na lo wandu wako mukatewo nyi ohi lo Ngano na shipeṟengu shifunjo sha mkate. Mukawaha wandu walawewaṟi ipfa mochiwia wandu wako wongo nawo wakawemuindia.”

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

SEFANIA 3:11

Mkonu fulya ochiowesho nyi mawuto halya hapfo uwedekio naho pfo; kipfa njechiwutaho wandu walya walanjiidikie na ikushela, walakae kiidi kyapfo, wuidiki wopfo, wochikaa kiidi kya fumvu-pfo.

LUKA 3:8

Kyasia loṟenyi kui mawuto hasumhanyi ke modumbuya, ma mlawone mochideda muhambe, Luwode ndeadu nyi Abrahamu; cha kipfa ngamuwia, Ma maho-ho, Ruwa nechiidima yalutsia-ho Abrahamu luwa.