YEREMIA 7:34 - Bibilia Kui Mdedie fo Kimochi

³⁴ Nkyo kitewe kiidi kya mṟi ya Yuda na njia njinene tsa Yerusalemu kulechiichio ṟu lya menyi wali ma moaliko. Kipfa oruka lochiwa mrapu.”

YEREMIA 7:34 ပူးပေါင်းရင်းမြစ်များ

YOBU 3:7

Ee da! Kio kyo kikumbe, ṟu lya sia lilaichio.

SHIIMBO SHA DAWIDI 78:63

Modo fukokombetsa wanake wawo, wana wawo wa kika walaimbio shiimbo sha walyi.

YESAYA 1:7

Oruka lonu nyi wukiwa; mṟi yanu injirumatse nyi modo; oruka lonu, wahenu waluliiye oshangunyi lo meso hanu; nalo nyi wukiwa, ke luirumatse nyi wahenu, cha irumatse lya Sodoma.

YESAYA 3:26

Shichumi shake shechifihiṟa na ikapa kilio; na mṟi fochiwa cha mndu mka asoko orio kindo kyake awode, adamie kilulinyi.

YESAYA 6:11

Na inyi ngawesa, “A nyi mṟasa indi hoi Mndumii?” Nao kanjihaluo, “Nyi mṟasa mṟi ii yechinyamaṟo ilechiwadapfo ma mndu, na mba tsi tsituṟe wandu piu, na oruka lu luwe mrapu;

YEREMIA 16:9

Kipfa inyi Mndumii-Ruwa menyi matorito, Ruwa o Israeli ngahamba njidi. Njechiwika kishingo na mtsitsionyi fo maṟu ha sia na ngululu hamu na maṟu ha menyi wali na moaliko ishi shose njechishiwuta muwonyi na pata.

YEREMIA 22:6

“Kipfa Mndumii nahamba adi kiidi kya mba ya mangi ya Yuda. Iyo nyi ui Gileadi koko, na mdo fo Lebanoni, Kyaindi njechikuhaluo nuka ya msanga, na mṟi ilechilao nyi wandu.

YEREMIA 25:10

Njiwewaima maṟu ha seko na sia ya menyi wali na mana moaliko, ṟu lya iho lyesea na ngela ya mshumaa.

YEREMIA 27:17

Mulawaadanyie, ṟundienyi mangi ya Babeli mukae na moo. Kipfa mṟi fu fochiwa fowa.

YEREMIA 33:10

Mndumii-Ruwa nahamba: “Kiidi kya mṟi fu muihamba fui wukiwa fulawode wandu ma shuma, ee, kiidi kya mṟi ya Yuda na kiidi kya mtandara ya Yerusalemu itso tsilawode wandu ma shuma, kochiichio se maṟu na seko, maṟu ha sia,

YEREMIA 33:11

maṟu ha wali na sia, maṟu ha waimbi kiheri waiende mwano yeana kiidi kya mba ya Mndumii-Ruwa: ‘Anenyi Mndumii-Ruwa menyi matorito, kipfa Mndumii-Ruwa nai mcha kipfa woloru woke wokaa mlungana.’ Njechiwihiṟia orukalu mboṟa iya yake ya mboko. Inyi Mndumii-Ruwa ngahamba.”

YEREMIA 4:26

Ngaweambuya-se mdemi fuweṟee mnu fui mrapu, na mṟi iya yose iwundukie oshangunyi lo Mndumii, kipfa kya nyashi yake njiwawo.

YEREMIA 4:27

Kipfa Mndumii nahamba adi “Oruka lochikapa kilio na ngina tsiiwuo;

YEREMIA 44:6

Koikyo tuke yako na nyashi yako ikaaka na iletsekia huya mṟi ya Yuda na njia tsa Yerusalemu, itane yawa nuka ya msanga na mrapu chandu ikeri mṟasa inu.

SHILIO 5:14

Wameku wadu wekedamiase na wana wawo pfo, wanake waimba sepfo.

EZEKIELI 26:13

Kyamba maṟu ha shiimbo shanu hamu na maṟu ha shinanda shanu nyi shechitsista.

EZEKIELI 7:11

Iwonyia lyamewa ndichi ya wuwicho, kuwode manya mndu umu echiashuka kiidi kyawopfo ma o mbaṟi yawopfo. Manya kuwode kindo kechiichiko kya ipfo wusuṟinyi wowopfo, manya kochiwonekanase iṟumisho kiidi kyawopfo.

HOSEA 2:11

Njechitoromesha wuseṟeṟi woke wose, mfuho yake ya meri okombe na ya sabato, na mfuho yose sa injiwawase.

HOSEA 2:13

Njechimtaa kiṟache kya mkonu iya ya Baali aleiṟumisha, na maheri aledo ikoṟa ubani, na ikuchopa na rachi tsake na shishelo sha maho sha wuhuru wung'anyi, na ihendia wakunde wake, na injihadima inyi. Nyi inyi Mndumii-Ruwa ngadeda.

WALEWI 26:33

Njechimupaṟatsana nyo kiidi kya wandu wa mbaṟi tsingi na isomuo oshu kipfa kyanu. Oruka lonu lochiwa mrapu na mṟi yanu yechiwa injisame.

MIKA 7:13

Kyaindi oruka lungi lose lochiwa nuka ya msanga, kipfa kya wuwicho wo wenyi wawo.

OTAMBAHALUO LO YOHANE 18:23

Manya sa ya taa ilakilimkye-se hando ipfo kiidi kyapfo. Manya maṟu ha sia ha moalyika na moalyiko halakiichio iipfo kiidi kyapfo. Kyamba wekapa mbucha wapfo wawekeri wanene wa wuyana wu, cha kipfa nyi uwekeinenga mkambo ya wandu wuṟoi wopfo woinanza, kui wuhanga wopfo wuwicho wakahenda itandawusho wose!”