YEREMIA 7:31 - Bibilia Kui Mdedie fo Kimochi

³¹ Wakawika handu hakuiriye ko ‘Tofethi,’ kui pichi lya mana o Hinomu, kundu wakoṟe wana wawo wa kisoṟo na wa kika kui modo kindo njilalekiwawasa, ma injiida mrimenyi foko pfo.”

YEREMIA 7:31 ပူးပေါင်းရင်းမြစ်များ

2WAMANGI 17:17

Waledasa wana wawo wa kisoṟo na wa kika ko maruwa ha wongo, wakadumbuo iosha wehamba shisuku na wasawi wakakuwika pfinya yewuta mawicho oshangunyi lo Mndumii-Ruwa, wakamsuiṟa mnu nakamu.

2WAMANGI 23:10

Mangi Yosia kawefanyitsa ngafu handu heindia maruwa ha wongo hawehalahe Tofethi pichinyi lya wana wa Hinomu, kundu mndu oose alawone kechikoṟa mana oke o kisoṟo ang'u o kika kechimaya modonyi cha kiano kyake ko Moleki.

2WAMANGI 23:20

Kawaha wakohanyi wose wa maruwa ha wongo huya shitaṟa shedasia handu waleṟundia kakoṟa mafuo hawo huya shitaṟasho. Kiidima kawuya na Yerusalemu.

2MBONYI TSA MAHERI 28:3

kakoṟa ubani Pichinyi lya mana o Hinomu, kakoṟia pfo wana wake ko kidaso kemaya modonyi ko maruwa ha wongo, kechioshana na mbuka tsesukiṟa tsa wandu wa mkambo sa walefuno nyi Mndumii-Ruwa, osehu lo Waisraeli kiheri wawekeri ianga isangenyi.

2MBONYI TSA MAHERI 33:6

Nalewuta wana wake kidaso kemaya modonyi kulya mfonyi fo mana o Hinomu. Nalelasha, na iwesa wahanga, na ichumia na ndumba; na ihendesana na wandu wekeṟunda na waṟumu na wasawi. Nalewuta wunyamaṟi wufoi oshangunyi lo Mndumii-Ruwa, na isukiṟa Ruwa, na idosa Ruwa nyashi.

YESAYA 30:33

Kipfa Tofethi injiṟeheṟe wokia kacha, ee, injiteseheṟe ko mangi-cho; naihaluye ing'anyi, ihenda wanda mnu; handu hake hekoṟia nyi modo na ngu tsifoi; mṟufu fo Mndumii, cha modo fo kibiriti, fokeatso.

YESAYA 57:5

nyo mukeri iatsa lango tsanu kiidi kya mashidi, na wanda ya mashidi hawode maṟa mawiri; nyo mokewaha wana mapichinyi na ngaṟahamba tsa maho?

YEREMIA 19:2

Uhende itane pichi lya mana o Hinomu, lii hafui na kichumi kya mba tsa shohyo uonguopfo madedo njechikuwia.

YEREMIA 2:23

“Nyi wuda ochiidima ihamba ke, njifanyi ngafu-pfo, ma njileosha Mabaali-pfo?” Ambuya njia yapfo pichinyi, umanye shilya uwutie, iyo nyi ngamia njiangu idicha, yekeida njienyi tsake;

YEREMIA 32:34

Walewika sanamu tsa maruwa hawo hesuiṟa kiidi kya mba i imanyikie ko rina lyako wakaifanyitsa ngafu.

YEREMIA 32:35

Wakawikia Baali ruwa o wongo rasio pichinyi lya mana o Hinomu, kundu wawutie ruwa Moleki wana wa kisoṟo na wa kika wawe shidaso, njilewawia ma ikusaṟa ke wawechiwuta kudo pfo, wakatewa wandu wa Yuda wawute wunyamaṟi.”

EZEKIELI 16:20

“Ngoseṟa ya isho kowewuta wana walya ulenjifeye wa kiumi na wa kika kidaso kemaya modonyi ko sanamu tso. Ang'u nukusaṟie mawuto hapfo ha mkika ulenjiwutia nyi kindo sa kitutu koko ngesa?

EZEKIELI 20:26

ngawewaleka wakufanyitse wawenyi kiidi kya shidaso shawo, kyamba nyi waledasa wana wawo wawe shidaso shemaya modonyi. Iki kikawa ngapo kowo kundu wawuteho imanya ke inyi nyi Mndumii-Ruwa.

EZEKIELI 20:31

Ili mandi muiwuta shidaso shanu, mochikoṟa wana wanu modonyi chi muleengeṟa ikufanyitsa na sanamutso mṟasa inu. Aka ngesa iyo mba ya Israeli nochiidima injiwesase kindo? So Mndumii-Ruwa ai na moo, ochiidima injiwesase kindopfo.

WALEWI 18:21

“Kulalekie mana opfo oose nawe kidaso ko ruwa Moleki, cha kipfa iwuta kudo noisalucha rina lyako Inyi Ruwa opfo. Inyi nyi Ruwa Menyipfinya.

MIKA 6:7

Ngesa, Mndumii-Ruwa nechichihiṟo na maruwa ha machondi kiku, ang'u meda kiku (1,000) na kiku (1,000) ya mafuda ha msinefu. Ngesa, njimneenge mana oko o kuwoka mbee, kipfa kya ideko lyako, ee, mana oko o kuwoka kipfa kya wunyamaṟi woko?

NGUMBUO YA MAWAWASO 12:31

Mulaindie mudo Mndumii-Ruwa, Ruwa onu, cha kipfa orio kindo kipfulutsie Mndumii-Ruwa nyashi waleshihaluo maruwa hawo; tane wakoṟa wana wawo wa kika na wa kisoṟo modonyi, wechidasia maruwa hawo.

NGUMBUO YA MAWAWASO 17:3

kui iindia na iṟundia maruwa hengi, kaindia mnengeṟi, meri ang'u shindo shingi sha ruwehu sa njilalemuwawasia,

NGUMBUO YA MAWAWASO 18:10

Kulakae mndu oose awuta mana oke o kisoṟo ang'u o kika kidaso ke koṟa, ang'u nawe kidaso ke koṟa modonyi manya ilasha, manya motangalatuo, manya ihenda ndashenyi,

YOSHUA 15:8

Koikyo mṟasa fo nyi fuleida pichi lya Hiromu ora lo seri lo kifumvu kya Wayebusi, mahonyi ha Yerusalemu, fukohendia kitoṟomoso kya fumvu liwei ora lo kyukanyi lo pichi lya Hinomu fukashika mtsitsionyi fo mfo fo Refaimu.