YEREMIA 7:30 - Bibilia Kui Mdedie fo Kimochi

³⁰ “Kipfa wana wa Yuda wawuta mawicho oshangunyi loko,” Mndumii ahamba, “Wakaṟunda shindo sha ngafu kiidi kya mba yako wakaweifanyitsa.

YEREMIA 7:30 ပူးပေါင်းရင်းမြစ်များ

2WAMANGI 21:3

Kipfa nalesaya handu heleṟia maruwa hengi alya handu Hezekia alewunduo ai ndee. Kawika rasio na shitaṟa shedasia Baali, kasungusia sanamu ya Ashera, chandu Ahabu alewuta mangi o Israeli. Kilashike, Manase katerewa na iindia shindo shose sha nginehu.

2WAMANGI 21:4

Kawika rasio kiidi kya mba ya Mndumii-Ruwa handu halya Mndumii-Ruwa alehambia, “Rina lyako lyechiindio kiidi kya Yerusalemu.”

2WAMANGI 21:7

Sanamu iya ya Ashera aleisungusia kaiwika kiidi kya mba iya iya Mndumii-Ruwa alededa kyayo na Dawidi na mana oke Solomoni. “Kiidima kya mba i na mṟi fu fo Yerusalemu, njilefusambuṟa inyi handu njechiindio na iterewo mlungana.

2WAMANGI 23:12

Rasio tsilya wamangi wa Yuda walewika mhambenyi fo kiṟiha kya huye kya Ahazi, hamu na rasio iya Manase alewika kiidi kya njosa tsiwi tsa mba ya Mndumii-Ruwa naletsiwunduo na itsipoṟipotsa, kiidima kakumba ifu lilya kiidi kya kimeda kya Kidroni.

2MBONYI TSA MAHERI 33:15

Nalewuta kuwuka hekalunyi lya Mndumii-Ruwa, masanamu hose ha maruwa ha mkambo ha wongo, handu hamu na rasio tsawo tsose sa tsiwenjisungusie fumvunyi lya mba ya Mndumii-Ruwa, na handu hengi hose mṟinyi fo Yerusalemu; kashikumba shose nja ya mṟi.

2MBONYI TSA MAHERI 33:3

Nalesungusiase handu halya heiadapfuma maruwa hengi handu ndeye o Hezekia alewunduo; kasungusia na shitaṟa shilya shedasia Baali, kasungusia na sanamu tsa Maashera. Na kya ngoseṟa naleadapfuma shindo shose sha ruwehu na ishiindia.

2MBONYI TSA MAHERI 33:7

Na sanamu sa aleisungusia, naleiwika kulya hekalunyi handu sa Mndumii-Ruwa alededa na Dawidi na mana oke o Solomoni, kahamba, “Iya Yerusalemu, kiidi kya hekalu li, nyihondu ngasahuo njiindio mlungana kiidi kya shihongo shose sha oruka lu lo shishari ikumi na shiwi sha Israeli.

YESAYA 66:4

Inyi njechisambuṟa ngapo tsawo, njechiwaamtsia wuowu; kipfa lilya njilelaha waleidikia-pfo; na kiheri njilededa walenjiicho-pfo; indi walewuta mawicho oshangunyi loko, wakasambuṟa shilya njilawekundi.

YEREMIA 16:18

Njechitaa kiṟache ka ikumi, kipfa kya njonyamaṟo tsawo na madeko hawo kipfa wafanyitsa ngafu oruka loko, kui mnying'a ya maruwa hawo hasuiṟie, wakaichuṟa oruka lu loko isuiṟa lyawo.”

YEREMIA 23:11

Kipfa mwikimbi na mkohanyi wose wawawi wakudosa; ee da kiidi kya mba yako ngawona wuwicho wowo. Mndumii ohamba.

YEREMIA 32:34

Walewika sanamu tsa maruwa hawo hesuiṟa kiidi kya mba i imanyikie ko rina lyako wakaifanyitsa ngafu.

YEREMIA 32:35

Wakawikia Baali ruwa o wongo rasio pichinyi lya mana o Hinomu, kundu wawutie ruwa Moleki wana wa kisoṟo na wa kika wawe shidaso, njilewawia ma ikusaṟa ke wawechiwuta kudo pfo, wakatewa wandu wa Yuda wawute wunyamaṟi.”

EZEKIELI 7:20

Ambuya chando walekuṟumisha na ikudosa, wechisungusia sanamu na maho halya hekuchopa. Inyi njechishihaluo mai oshangunyi lowo.

EZEKIELI 8:3

Nalyo mnduchu kalesha owoko loke kawada njui tsako kanjiiria huye kiidi kya ruwehu na wuyana, na hong'u kanjiwia kui ndodo ya Mndumii-Ruwa; kawenjirundutsa itane Yerusalemu hando ha mongo fulya foida na rasionyi lya Mndumii alya hando ofano lo Ruwa lulawekewa isanzo na kindo kingi.

DANIELI 11:31

Walya wawode shisha wechihoṟoka ora loke, nawo wechifanyitsa nyi orio mfiri, hando naapfo kochiwoneka kiwi kya orumatso.

DANIELI 9:27

Nao nyi echiwikaho mkundana mhoṟotsu na wandu wafoi kiheri kya mfungade fumu; na kyenga kya mfungadefo nyi echiima shiano shedasa; na o kiidi kochihoṟokaho kiwi kya orumatso; nahong'u mtsitsionyi, na nyashi iya iwenjiteseheṟe ihende hoya ichu monyamaṟa.”