YEREMIA 7:3 - Bibilia Kui Mdedie fo Kimochi

³ Keadanyienyi-wo idedo lya Mndumii-Ruwa. Mndumii-Ruwa menyi matorito ai Ruwa o Israeli, nyi ahambie adi, ‘Mukuitike ichumia mchumie isumhanyi na iwuta mawuto mecha, na inyi njide handu-ho mukae-pfo.’

YEREMIA 7:3 ပူးပေါင်းရင်းမြစ်များ

2WAMANGI 17:13

Mndumii-Ruwa kaduma waikimbi na walya wewona kechitutuma Israeli na Yuda kechihamba, “Lekanenyi na njia tsanu njiwicho, muindie mawawaso hako chandu njilewia wandeanu ngawaikimba kui madumbu ha waṟundi wako wai waikimbi.”

EZRA 10:11

Koikyo dumbuyenying'u oshangunyi lo Mndumii-Ruwa o waku wanu, muwemowuta kilya akundi. Kuletsanenyi na wandu wa oruka lu, muwelekana na waka wo wahenu.”

MFANANO 28:13

Moṟika wunyamaṟi woke echitaramo-pfo; Indi motsitocha na ida nechiwona osaṟio.

YESAYA 55:7

Mndu mbicho nade ohendo loke, Na alai na wusumhanyi nade makusaṟo hake; nawuye ko Mndumii, Nao nechimsaṟia; Nache na-ko Ruwa odu, Nechimhoṟia nakamu.

YEREMIA 17:25

Nalyo wamangi wang'anyi wechiida mongonyi fo mṟi fu wadamie loṟikehu lo wuitoṟi wo Dawidi wechidoya magari ha frasi tsawo na wanene wawo wandu wa Yuda na wenyi wa Yerusalemu na mṟi fu fochikaa mlungana.

YEREMIA 18:11

Kyasia wulalu henda wia wandu wa Yuda na wenyi wa Yerusalemu ochihamba Mndumii nahamba adi njechiwumba mawicho huyanu, na makusaṟo huyanu, wuyenyi wulalu orio mndu nade mawicho, sungusienyi njia tsanu na mawuto hanu.

YEREMIA 18:8

Kokoya mkambo fulya njilefuhamba fukahaluka na ida mawicho hafo njechiilacha mahio hako njilechiwuta chando mbekusirie iwuta.

YEREMIA 26:13

Wulalu sungusienyi ohendo lonu na mawuto hanu, muadanyie ṟu lya Mndumii-Ruwa onu, na Mndumii nyi echida mawicho alededa kyanu.

YEREMIA 35:15

Ngaweduma waṟundi wako ngoseṟa na ngoseṟa wakeri nyi waikimbi wamuwie orio umu onu nade ohendo loke luwicho, nasae mawuto hake nalekane ipfo kioshionyi keṟundia maruwa hengi. Na mukawuta mudo mochikaa kiidi kya orukalu njileinenga waku wanu nanyo. Indi ma muledeha kudu konu na injiadanyia pfo.

YEREMIA 35:16

Wana wa Yonadabu mana o Rekabu, walewada iwawaso waledeeyo na mku owo; indi nyo mulenjiindia pfo.

YEREMIA 4:1

Kokoya okunda iwuya, iyo Israeli, Mndumii ahamba, “Nochiwuya na koko inyi; na kokoya okunda iwuta ngafu ii kidi kyapfo, ilakae kufui na iyo nyi ochikia.

YEREMIA 6:16

Mndumii nahamba adi, “Hoṟokenyi kiidi kya njia ing'anyi muwone, muwese mbonyi tsa okondo loko lo kacha, “Yeku njia iya njicha muhende kiidi kya njia-yo, nanyo mochiwona sia kiidi kya mrima yanu. Kyaindi walehamba ke loleha ihenda kiidi kya njia yo.

YAKOBO 4:8

Mutikirie Ruwa nao echimtikiria nanyo. Haramishenyi mawoko, nyo wanyamaṟi, ketanenyi-ng'u wo ngoo tsanu ngeha, nyo wenyi mrima iwi.