YEREMIA 7:24 - Bibilia Kui Mdedie fo Kimochi

²⁴ Indi wo waleichowo ma walemanya kundu kowopfo, indi wakawechumia weindia mtambo ya wumbafu wo mahio hawo mawicho walenjikumba mhongo chi oshangunyipfo.

YEREMIA 7:24 ပူးပေါင်းရင်းမြစ်များ

NEHEMIA 9:29

Kowaikimba waindie mawawaso hapfo. Kya indi kipfa kya mrima yawo injiumu, walaikunde iindia wuwawaso wopfo, kyamba ichu moindia wuwawaso wopfo nyi sa echikaa na moo. Nawo ko orikiki lowo, walakunde iicho ang'u iwa wahendeli.

SHIIMBO SHA DAWIDI 81:13

Nanga kokoya wandu wako wawechinjiadanyia; na kokoya Israeli awechichumia njienyi tsako;

YEREMIA 13:10

Wandu-wa wawicho waleha iadanyia madedo hako, wahenda wakahaṟie mrima yawo na iosha maruwa ha wongo, ihaṟundia na ihaindia, wechifanana na kiṟota kyo kinyamaṟikie.

YEREMIA 13:11

Kipfa chando kiṟota kiwadanyi na kitsi kya mndu, nyi wudo ndewanza mba ya Israeli yose, na mba ya Yuda, kundu wamanyike kui rina lyako, wanjiichike na injinenga kiṟumi. Kyaindi wo walakunde injiicho. Nyi inyi Mndumii-Ruwa ngahamba.’”

YEREMIA 15:6

Nyo mulenjileha inyi, ngahamba inyi Mndumii-Ruwa; mkanjida mkawuya nduma. Ko ikyo ngahoṟotsa owoko loko imurumatsa; ngalehela imusaṟia.

YEREMIA 16:12

Nyo muletana owicho kota wandeanu kipfa orio umu onu nyi awode orikiki na makusaṟo mawicho mokenjiadanyia pfo.

YEREMIA 17:23

Ma kudo waleadanyia ma ideha madu hawopfo waleumiṟa nzingo tsawo kundu walaadanyie ma iambia kiloshio.’

YEREMIA 17:9

“Mrima fo mndu fui mlembi kota shindo shose; fochiidima ichiṟo, ma kuwode sa echiidima ifumanya pfo!

YEREMIA 18:10

Kokoya wechiwuta mawicho oshangunyi loko walaindie ṟu lyako. Kyasia njechiilacha mahio hako njilechiwuta mecha halya mbekusirie iwuta.

YEREMIA 18:12

Kyaindi wo walehamba kuwode kikusirio kyose pfo, kipfa so lochiosha mahio hadu luwenyi, orio mndu nechiwuta kui wukahari wo ngoo yake shilya shii kiidi kya mrima foke mbicho.”

YEREMIA 2:27

Wekewia ituṟuma lya ikidi, “Iyo nyi ndeako,” na iwia iho iyo nyi ulenjifee; kipfa nyi walenjikumba mhongo manya walakunde iambuyana na inyi; kyaindi maheri hakiwi wechihamba, “Horoka ulukiṟe!”

YEREMIA 22:21

Inyi njilededa na iyo kiheri uleṟimiṟa, indi iyo kohamba, “Njechiadanyiapfo.” Ifu nyi fuwei mkao fopfo, wokia wukoho wopfo uleindia ṟu lyakopfo.

YEREMIA 23:17

O mkonu wekewia iwo wanjiminyie, Mndumii nahamba mochiwada ofoṟo wakawewia orio mndu akuiwitie mrima foke. Kuwode kindo kemupaayapfo, kuwode kiwicho kyosepfo.”

YEREMIA 3:13

Tocha njoyamaṟo tsapfo tsose ke nyi uledekio, Mndumii-Ruwa opfo, na njia tsapfo ihendia wahenu, wanda ya orio ikidi liwode maṟa mawishi ma ulakunde iicho ṟu lyako.” Mndumii ahamba.

YEREMIA 3:17

Mandi ho wechilaha Yerusalemu, “Kidi kya wuitoṟi kya Mndumii,” na wandu wa mbaṟi tsose wechikoyana Yerusalemu; iindia Mndumii-Ruwa. Ma wechihenda-se na orikiki lo mrima yawo njiwichopfo.

YEREMIA 32:23

Nawo waleshika wakaluwada na iluikolonyia. Indi walekuadanyia, manya iosha mawawaso hapfo-pfo. Walewuta chandu ulewawiapfo. Nyi kyo kyatewa wakoyane na mawicho ha.

YEREMIA 32:33

Walenjikumba mhongo handu ha shamu shawo; ma kikawa ngamewalosha kitsitsi walanjiadanyie ma iambia shiloshio shako.

YEREMIA 35:15

Ngaweduma waṟundi wako ngoseṟa na ngoseṟa wakeri nyi waikimbi wamuwie orio umu onu nade ohendo loke luwicho, nasae mawuto hake nalekane ipfo kioshionyi keṟundia maruwa hengi. Na mukawuta mudo mochikaa kiidi kya orukalu njileinenga waku wanu nanyo. Indi ma muledeha kudu konu na injiadanyia pfo.

YEREMIA 6:16

Mndumii nahamba adi, “Hoṟokenyi kiidi kya njia ing'anyi muwone, muwese mbonyi tsa okondo loko lo kacha, “Yeku njia iya njicha muhende kiidi kya njia-yo, nanyo mochiwona sia kiidi kya mrima yanu. Kyaindi walehamba ke loleha ihenda kiidi kya njia yo.

YEREMIA 7:26

Indi wo walenjiicho pfo ma indehia kudu-ote! Indi wawei ikuumiṟa mrima wakawewichuo kota wandeawo.

YEREMIA 8:5

Nyi wuda kyawa wandu wa Yerusalemu wahaluka wakawuya numa, walatsitse ihaluka kudo? Wakewada mbonyi tsa wulembi walakunde iwuya.

YEREMIA 9:14

Indi wakanjisuiṟa wakaosha mahio hawo na idichia muidikie fo Baali, chandu wafee wawo wawaloshie.”

EZEKIELI 20:13

Kya indi mba i ya Israeli ilenjileha kulya nuka, wakaweumbuya mawawaso hako na sungusihu tsako tsilya tsekeinenga moo mndu ulya eketsiosha. Wakawefanyitsa sabato tsako, ngahamba njechiwasotsia nyashi yako kulya nuka ihende iwarumatsa piu.

EZEKIELI 20:16

Kyamba waleleha chila tsako, manya walakunde iosha mawawaso hako, wakawefanyitsa sabato tsako, kyamba mrima yawo ilekuwada iosha sanamu tsilya tsawo.

EZEKIELI 20:21

Kyaindi wanawo wakanjimina walakunde iosha mawawaso hako, manya ichumia kiidi kya sungusihu tsako kundu waidime ikaa na moo, wakawefanyitsa sabato tsako. “Ikyo kikanjinenga makusaṟo hewakapa na nyashi yako iwaolokie kulya nuka.

EZEKIELI 20:8

Kyaindi wakanjimina, walakunde injiadanyia. Walekunda ilekana na sanamu tsilya tsawo ma ilekana na maruwa halya ha wongo ha wa Misri pfo, ikyo kikanjiinenga njikunde iwasotsia ngapo na nyashi yako ing'anyi kulya Misri.

DANIELI 9:6

Manya luleadanyia waṟundi walya wapfo-pfo, waikimbi walededa kui rina lyapfo wechiikimba wamangi wadu, na wanene wadu, na wandeadu, na wandu wa oruka lodu.

HOSEA 10:6

Samuyo nyi yechidao Ashuru, ikeri itao cha okamba ko mangi ang'anyi; Wandu wa Efraimu nyi wahenda iwado nyi sonu, Waisraeli nyi wahenda iwado nyi sonu kipfa kya sanamu yo yawo.

HOSEA 4:16

Waisraeli wai walang'a cha nzoi. Nkili Mndumii-Ruwa echiwalisa, cha machondi patenyi ling'anyi lya maṟa?

MIKA 6:16

Nyi muosha ofano luwicho lo mangi Omri, na ofano luwicho lo kishari kya mangi Ahabu, na ofano luwicho lo kishari kya mana o Ahabu, mukaweosha makusaṟo hawo. Ko ikyo njimuendie orumatso, orio mndu nechimumina. Wandu wechiwapiṟa orio handu.”

ZEKARIA 7:11

Kyaindi iwo waleleha iadanyia, wakakumba madedoho mhongo wakashinga madu hawo.

NGUMBUO YA MAWAWASO 29:19

Chandu momemaa iicho madedo ha mkundanafu molisiṟo nyamu, numa mndu kakulemba mrimenyi foke kechihamba nechikaa na kipuo, ma kokoya awada orikiki loke o amonyi; ikyo kechirumatsa wose, wawicho na wecha.