YEREMIA 7:20 - Bibilia Kui Mdedie fo Kimochi

²⁰ Nkyo Mndumii-Ruwa ahambie adi, “Nkya lohi nyashi yako na wulang'a woko njechikupusuya handu-ho, shipusukie wandu na shiuma na mashidi ha mademenyi na shilimu sha oruka, nasho shechikoṟo shiake shilekiwase irumisho.”

YEREMIA 7:20 ပူးပေါင်းရင်းမြစ်များ

2WAMANGI 22:17

Kipfa walenjida na ipfaamiṟia maruwa hengi ubani kundu wandu wanjipfulutse nyashi kui maṟunda ha mawoko hawo, kyasia, nyashi yako yechiakia Yerusalemu ma yechiwa ihutsopfo.

YESAYA 10:17

Na ngeela ya Israeli yechiwa modo, na Mwele oke nechiwa olewo lo modo; nafo fochirumatsa mbeche na msha yake kui mkonu fumu.

YESAYA 42:25

Kipfa kya isho kaletsa nyashi yake huyadu, na pfinya ya shida; ikaatsa modo fukamṟingichia njora tsose, ma nalamanye, fukamrumatsa, ma isho nalashiwike mrimenyi foke.

YESAYA 66:24

Nawo wechihenda nja wahende iwona mnying'a ya wandu walya walenjipiṟa nyi kipfa wechiliso wukiwa, fusa tsiipfo tsechipfa-pfo na modo fochirumapfo. Oshangunyi lo wandu wengi nyi wechiwa wandu wesuiṟa.”

YEREMIA 11:16

Mndumii nalekulaha rina lyapfo mkuyu fuwode maṟa mawishi mecha, fuwode ndunda njicha, kui kitohiyo kya mtiṟi fung'anyi waatsa modo huyafo, na maṟamba hafo hakafunjika.

YEREMIA 12:4

Mṟasa indii oruka lofuha kipfa kya oruka lowuṟa mvuo, maṟa hose ha mdemenyi hanaa. Mando hai ngeṟenyi na ndehe tsapfa, kipfa kya wuwicho wo wengi wahamba; “Ruwa echiwona mtsitsionyi fodu pfo.

YEREMIA 14:16

Kiidima na iwo waleambia wuikimbi-wo wo wongo wechikumbo nja ipfo mṟinyi fo Yerusalemu njienyi tsing'anyi wai mnying'a kipfa kya oshu na njaa kulechiwoneka mowaṟika. Isho shewakoya wo wawenyi, waka wawo, wana wawo wa kika na kiumi, kipfa nyi njechiwaletsia wuwicho wowo wawenyi.

YEREMIA 17:27

Indi kokoya mulakundi injiadanyia itana mwele mfiri fo sabato mulechiduo mhanda na iida kichuminyi kya Yerusalemu mfiri fo sabato nahong'u njechiatsa modo wokia mongonyi na irumatsa mba tsa wuitoṟi tsa Yerusalemu fuake fulechiruma.”

YEREMIA 17:4

Kyoṟa kyapfo kechidekadeka kiidi kya mawoko hapfo kumonyi, njechikuhaluo isinga lya wakituwa wapfo orukenyi ulaluichi kipfa modo fo nyashi yako fuaka na ikoṟa fulechiruma.”

YEREMIA 18:23

Kyaindi iyo Mndumii, noichi chila tsawo tsose huyako tsenjiwaaha; kulawahoṟie wuwicho wowo, ma kulasanje wunyamari wowo mesonyi hapfo. Kyaindi wawone ngataṟa oshangunyi lopfo, nokapane nawo kiheri kya nyashi yapfo.

YEREMIA 21:12

lyo mba ya Dawidi! Mndumii nahamba adi; Anduonyi mwanduye ya wusumhanyi ngamenyi, mukiṟe iwo walewonyio, na iliso wukiwa kui owoko lo ichu alewuta ado, kundu nyashi yako ilawone yechiaka cha modo ikoṟe, ilawode mndu morumisha, kipfa kya wuwicho wo mawuto hanu.’

YEREMIA 42:18

Kipfa inyi Mndumii-Ruwa Menyi Matorito, Ruwa o Israeli, ngahamba njidi: Chandu nyashi yako na tuke yako ilehoya wandu wa Yerusalemu, nyi wudo tuke yako yechimuhoya nyo, kokoya mochihenda Misri. Mochiwa kirumo, kiṟihisho, oseso na sonu. Mochiwonase iyapfo.”

YEREMIA 44:6

Koikyo tuke yako na nyashi yako ikaaka na iletsekia huya mṟi ya Yuda na njia tsa Yerusalemu, itane yawa nuka ya msanga na mrapu chandu ikeri mṟasa inu.

YEREMIA 6:11

Kyaindi njiichuo nyashi ya Mndumii, ngalehela na itirisia; letsienyi huye ya wana wai njienyi na kiidi kya wanake, wakuwumbie handu hamu; kipfa mii na mka oke wechidao handu hamu, mndu mku na ulya ashitsie maka yake.

YEREMIA 6:12

Mmba tsawo tsechiwa tsa wandu wengi; madema na waka handu hamu shechiwa sha wandu wengi; kipfa njechihoṟotsa owoko loko huye ya wenyi orukalu, Mndumii ahamba.

YEREMIA 8:13

“Njechiwarumatsa piu, Mndumii ahamba kuwode ndunda tsa msabibu mashidinyi ha msabibupfo, ma mkuyu kiidi kya mkuyu pfo, maṟa hechinaa, na shindo shilya njilewainenga shechiwadekia.

SHILIO 4:11

Mndumii-Ruwa nyi alelekia nyashi yake ing'anyi, kaatsa modo fukakoṟa Sioni, mṟasa njomombonyi tsafo.

EZEKIELI 22:22

Kyamba chandu fesa yekesalaṟo nungunyi ya modo, nyi wudo njihenda imusalaṟa ipfo mṟinyi, nanyo mochiwutaho imanya ke nyi Inyi Mndumii-Ruwa ngapusuya nyashi yako huye yanu.”

EZEKIELI 7:12

Kiheri kyamshika na mfiri yametikiria. Ichu aihuṟa manya alachihio, ma ichu aikumba alasokio nyi fowa, kipfa ngapo iya ichea wandu wose.

EZEKIELI 7:14

“Wakapa ombe na iachikia orio kindo, kyaindi kuwode sa aikure nahende shidenyipfo, kyamba nyashi ya Mndumii ikeri ihoya wandu wose.

DANIELI 9:11

Ee da, Waisraeli wose watahacha wuwawaso wopfo, na ikaa kihadi, walaadanyie ṟu lyapfo; ko ikyo oseso lulecha huye yadu, na nyamu iya injiṟehie wuwawasonyi wo Mose, mṟundi o Ruwa; kipfa lulewuta wunyamaṟi.

WALEWI 26:28

kyasia na Inyi njechiwingana nanyo kui nyashi ing'anyi, njimukape Inyi njimonyi ka mfungade ngoseṟa kipfa kya njonyamaṟo tsanu.

NAHUMU 1:6

Nyiu echiidima ihoṟoka oshangunyi lokye ili awode nyashi, nyiu ehiidima ikaa owawonyi lo nyashi yakye? Nyashi yakye injiwawo cha modo fopaṟapaṟa maho maumu.

SEFANIA 1:2

Njechimamiṟa shindo shose, shilechiwono-se orukenyi, Mndumii ahamba.

SEFANIA 1:3

Njechimamiṟa mndu o wandu na orio kikiwike kyose. Mando ha ngeṟenyi ndehe tserunduka; makunga ha mṟingenyi, hamu na wawicho; njechirumatsa mndu o wandu elechikaa nawono - Mndumii ahamba.

ZEKARIA 7:12

Wakahaluo mrima yawo ikafanana na iho liumu; kundu walaicho wuwawaso na madedo ha Mndumii menyi Matorito alehaduma kui mumuyo mawokonyi ha waikimbi wa kuwooka; kui kipfa kya ikyo nyashi ya Mndumii menyi Matorito yechiwaakiya.

MALAKI 4:1

“Kipfa ambuyenyi, mkonu fulya fuicha fuiaka cha wuhyu. Wandu wose wawode orikiki na wewuta sha mkika wechiwa makanjo, na mkonu fulya fuicha fochimrumatsa,” Mndumii menyi Matoṟito ahamba, “Manya fochimudeeya itsuwa ma iṟamba-pfo.

MATAYO 3:12

Nyi awerie na kindo kyake kyeela na owoko loke, na-weahia na alya kiwuhehu kyake namae, mbeke-tso nasanyie alya kikumbinyi, indi muulu-fo nafu kore na modo fulechiruma.”

OTAMBAHALUO LO YOHANE 14:10

Nyio amonyi echinyo mpfinyo irie nyashi ya Ruwa ii-njiheṟie ipfo kirahunyi kya wutuuke woke iilai-nlongye mṟinga. Nao mnduchu echituuro ipfo modonyi fodosa mumuyo fo uṟoi wopfumba oṟoo sumhana na wasu waele na Kidahina kilya.