YEREMIA 7:18 - Bibilia Kui Mdedie fo Kimochi

¹⁸ Wana wesana ngu na wandeawo waatsa modo, indi waka weriha-riha mso fo koṟia Mangi mka o nginehu mkate waletsie maruwa ha kihenu mshimbika wechinjiwichuṟa.

YEREMIA 7:18 ပူးပေါင်းရင်းမြစ်များ

1WAMANGI 14:9

Kyaindi iyo nyi odeko kota wose walekusongoya, nulesungusia maruwa hengi, na sanamu tsesalaṟa unjisuiṟe na injikumba mhongo.

1WAMANGI 16:2

“Kipfa inyi njilekuira njikuwuta kilulinyi, ngakuwika uwe mnene o wandu wako Israeli, na iyo koosha njia tsa Yeroboamu, kotewa wandu wako Israeli wakanyamaṟa wakanjidosa nyashi kui madeko hawo;

SHIIMBO SHA DAWIDI 16:4

Fowa tsawo tsechifo Walya wekeilacha Ruwa na kindo kingi; Njechiwuta kidaso kyawo kya samu pfo, Ma isenda marina hawo dumbunyi lyako pfo.

YESAYA 3:8

Kipfa Yerusalemu yamewunduyo, Yuda wakaoloka, kipfa madedo hawo na mawuto hawo, hai kihadi na Mndumii mṟasa hasuiṟa meso ha Mndumii.

YESAYA 57:6

Ohawi lopfo lui kiidi kya pichi lya maho mapaṟepaṟe ikyo nolewona kui kuṟu kuhya; noleletsia kidaso kya mṟinga kowewika na mwano fo mso; ngesa njiwekutsia na isho uletana?

YESAYA 65:11

Kyaindi nyo muidikie Mndumii na ihadima fumvu lyako liele na iṟeheṟa kitaṟa kedasia ruwa lyelaho nyi “Gadi, ” na iichuṟia ruwa lingi lyelahonyi “Meni, ” shombo sha mvinyo isanganyi.

YESAYA 65:3

wandu wekenjipfulutsa nyashi orio kiheri, wedasia shahunyi shawo na ipfaamiṟa huya matufaṟi;

YEREMIA 1:16

Na inyi nyi njechihamba mwanduye foko huye yawo kya mbonyi tsa mawuto hawo mawicho hose; kipfa walenjida inyi wakaindia maruwa hengi, wakawehapfamiṟa, wakaindia maṟunda ha mawoko hawo wawenyi.

YEREMIA 11:17

Kipfa Mndumii menyi Matorito alekudonga, nadeda mawicho huyapfo kipfa kya mba ya Israeli na mba ya Yuda walewuta kipfa kyawo wawenyi wakanjipfulutsa nyashi, wechipfamiṟia Baali uvumba.”

YEREMIA 17:2

Wana wawo wakumburie rasio tsawo na masaa hawo kiidi kya orio ikidi huye ya shitoṟomoso;

YEREMIA 19:13

Na mba tsa Yerusalemu na mba tsa wumangi wa Yuda, tsilefanyitso ngafu tsechiwa cha handu ha Tofeti ee da, mba tsose sa kai tsatso wandu walepfamiṟia uvumba itoṟito lyose lya ruwehu, na iletsia maruwa hengi mwano ya mvinyo.’”

YEREMIA 25:7

Kyaindi mulemsuiṟa ko sanamu tsilya mulekusungusia nyo muwenyi, na koikyo mukakuendie ngataṟa nyo muwenyi.

YEREMIA 32:29

Wakalidayo wekesaṟikia mṟi fu wechiida napfo na ifukoṟa modo itane fosaramaya hamu na mba wawekedutsia Baali ubani na shidaso shemaya modonyi na iletsia maruwa hengi mvinyo ipfo mbehu ya mba-tso, kundu wanjisohuo mondu.

YEREMIA 44:25

Mndumii-Ruwa Menyi Matorito, Ruwa o Israeli, nahamba adi: Nyo kimu na waka wanu moinutsia kwi mawuto shilya mulededa na madumbu hanu, mochihamba ke na kikaki na muinutsie nyamu yanu yewutia mwaano na yeletsia mka-mangi o ngina. Kyasiang'u! Wadenyi nyamu yanu na iwuta mwaano yeletsia!

YEREMIA 44:4

Manya kudo, inyi orio kiheri njilemudikia waṟundi wako waikimbi njechihamba; Mulawute kindo-ki kiwicho njikisuuye!

YEREMIA 7:17

Ngesa owonyi iki wekewuta mṟinyi ya Yudaya na ipfo mtandarenyi ya Yerusalemu.

SHILIO 5:13

Wanake wadu wakainengo iṟunda lyesa mso na maho, na wanake wadu wakadiko maṟio malemeri ha ngu.

EZEKIELI 16:26

Kyamba nulehenda ichumia na wamṟasa wapfo Wamisri wandu waichuo lango tsa wuṟuhui, na kipfa kya mkao fo fo waṟuhui kohenda injipfulutsa nyashi.

EZEKIELI 20:28

Kyamba njilewaende na orukenyi lulya njiwewateṟie, nawo wekiwona mafuvu maleshe na mashidi haoṟie necha, wakawoka ihaendie shidaso shawo. Wakawenjipfulutsa nyashi ko shidaso shilya shepfaama walewuta hamu na iletsia mvinyo.

EZEKIELI 8:16

Nao kanjiduo makidi hawi ha hekalu lilya lya Mndumii kufui na rasionyi. Ambuya kuwehoṟokiho wasoṟo makumi hawi na watanu (25) wakakumbia rasio lilya mhongo, wakaambuya ora lo ngamenyi wechiindia mnengeṟi.

EZEKIELI 8:17

Mndumii kanjiwesa, “Ngesa Iyo mndu uwonyi mawicho ha wana wa Yuda wakeri injiwutia? Ngesa nuwonyi nyi kindo kitutu iki? Wakeri iichuṟa Orukalu na wuminyi wakatana wanjipfulutsa nyashi? Ambuya nyi wawika iṟamba lya iṟa mbuonyi tsawo.

1 WAKORINTO 10:22

Ang'u nokunda ipfulutsa Mndumii nyashi? Nyi loidima imwota o ko?

NGUMBUO YA MAWAWASO 32:16

Walemtewa nawonie maruwa hawo wunyenyi, ko mawuto hawo mawicho,

NGUMBUO YA MAWAWASO 32:21

Walenjipfulutsa nyashi ngawado nyi wunyenyi wo kindo kilai nyi ruwa, walenjipfulutsa nyashi kui mafanano hawo, Ko ikyo njechiwatana wanyenyie kindo kilai mndu, walenjipfulutsa nyashi njechiwaendie mkambo mtondo.

NGUMBUO YA MAWAWASO 4:19

Kuṟisenyi kiheri muiambuya nyenyeri, na shindo shose sha ipfo ruwehu, mulashike ishiindia na ishiṟundia. Shindosho Mndumii-Ruwa nainengie wandu wengi washiindie.