YEREMIA 6:7 - Bibilia Kui Mdedie fo Kimochi

⁷ Chandu nduwa ya mṟinga yekewuta mṟinga, nyi wudo ekewuta wuwicho woke; wuwicho na wuneesi woichuo kiidi kyake, ndaṟe na shifaṟe shii oshangunyi loko.

YEREMIA 6:7 ပူးပေါင်းရင်းမြစ်များ

MFANANO 4:23

Ringa mrima fopfo kota shose okeringa, kipfa mpfo kuṟukie soka tsa moo.

YESAYA 1:6

Wokia owayo lo odende itane ododo kuwode hecha ma kumupfo; sile nyi shifaṟe, ngoru tsepichuka na matiinga hawuta ofia; shilashipfunge, ma ioṟowio nguo, manya ishio mafuda.

YESAYA 57:20

Indi wawicho wafananyi na ipalyipalyi lifuṟungukie; kipfa lilechiidima itsia, na mṟinga folyo nyi fuichuo odoko na mbosha.

YESAYA 59:6

Ndusu tsa maṟawushi tsechiwa maṟao-pfo, manya wechiidima ikushikia na maṟunda hawo ha mawoko-pfo; maṟunda hawo nyi ha madeko; mawuto ha ngafu nyi hai mawokonyi hawo.

YEREMIA 20:8

Kipfa orio mandi ngadeda njikapa kitohio, njifihiṟa. ‘Iwonyio! Irumatso! Kipfa idedo lya Mndumii, lilewa kituuro koko na imino mfiri puti.

YEREMIA 30:12

“Inyi Mndumii-Ruwa ngahamba njidi: Shifaṟe shapfo shichiapfo, matiinga hapfo hechichiapfo.

YEREMIA 30:13

Kuwode motahambanyia mbonyi tsapfo-pfo, kifaṟe kyapfo kiwode mdi-pfo, iyo ochichia pfo.

YEREMIA 30:15

Kitewe uifihiṟa kipfa kya kifaṟe kyapfo nki? Mawawio hapfo hesia-pfo. Ngakuwutia isho shose kipfa, kya deko lyapfo ling'anyi, njonyamaṟo tsapfo nyi tsifoi mnu.

YEREMIA 32:31

Mṟi fu fodosa nyashi yako na injilisa wukiwa wokia fowiko itane inu. Koikyo njechifuwuta kuchu oshangunyi loko,

YEREMIA 8:22

Alewo kuwode mdi fokushia kiidi kya Gileadi? Kuwode wandu wenyi wuṟango waichi mdi yechiṟa? Kiinengie wandu wako walawade oru? Nki ili mandi walehela wadi?”

EZEKIELI 21:29

Kiheri kyo mochikoya molodia ndodo tsanu tsekulemba na ikusiria wuikimbi wonu wo wongo, nyi lyondi oshu lo lochihenda idumbuo nzingo tsa wanyamaṟi, wose. Iyo nyi yo ngapo ya mawicho hanu hose.’

EZEKIELI 24:7

Kyamba samu yo walepusuo ikeri ipfo kiidi kyawo, kya mba ilepusukia terinyi ishikio nyi kilulipfo, ilekuala ihohu lya iṟaṟa handu yewono.

EZEKIELI 45:9

“Mndumii-Ruwa nyi ahamba adi, “Nyo waitoṟi wa Israeli nyi mulewuta wunyamaṟi kishikie, lekanenyi na wulang'a na iwonyia, henda wutenyi wusumuhanyi na wuhoṟotsu - manya mulafune wandu kunu orukenyi, nyi Inyi Mndumii-Ruwa ngahamba.

EZEKIELI 7:11

Iwonyia lyamewa ndichi ya wuwicho, kuwode manya mndu umu echiashuka kiidi kyawopfo ma o mbaṟi yawopfo. Manya kuwode kindo kechiichiko kya ipfo wusuṟinyi wowopfo, manya kochiwonekanase iṟumisho kiidi kyawopfo.

EZEKIELI 7:23

Ambuya chando konyamaṟika, kyamba oruka lu nyi luichuo wawahi na mṟifu fukaweichuo iwonyia liṟatsie,

SEFANIA 3:1

Ochia lo makideko na ifanyitso, mṟi fo wukika.