YEREMIA 52:4 - Bibilia Kui Mdedie fo Kimochi

⁴ Kikawa kiidi kya mfiri fo ikumi fo meri fo ikumi maka fo kenda fo wuitoṟi wo Sedekia, Nebukadneza mangi o Babeli, naleshika na ichekeṟo lyake lyose kundu nache isaṟikia Yerusalemu, wakatengetia mṟi fo na ifuringichia riti.

YEREMIA 52:4 ပူးပေါင်းရင်းမြစ်များ

YESAYA 29:3

Na inyi njechiwika ṟuko huye yapfo njora tsose, nyi njechikutengetia kuwode omombo, njechiikara mfiṟiha fukutengetie.

YEREMIA 21:2

“Luwese mbonyi ko Mndumii, kipfa Nebukadneza mangi ya Babeli naira shida naso, kofia Mndumii. Nechiluwutia chando maṟunda hake hai ha kiṟiha kundu nahende nalude.”

YEREMIA 32:24

Ambuya, Wakalidayo wasuma maṟungu wotengetia mṟi; wawika wado kundu wafuduo wupfungo; wafusaṟikia. Shida, njaa na mawawio shechitewa mṟi fu fuwado na wandu wo. Nyi lohi mbonyi tsilya kuleikimba tsahoya. Nuwonyi kumonyi.

YEREMIA 34:1

Idedo lya Mndumii-Ruwa lilechea Yeremia kiheri kya Nebukadneza, mangi o Babeli, hamu na wandu wose wa mbahanyi na waitoṟi wose wawei wuyana wawei wanda yake kake na wandu wose wawekeri isaṟikia mṟi fo Yerusalemu na mṟi ingi yose ya mṟasenyi:

YEREMIA 39:1

Kushikie meri fo ikumi fo maka fo kenda fo wuchili wo Sedekia mangi ya Yuda, Nebukadneza mangi ya Babeli kashika na ichekeṟo lya shida lyose icha isaṟikia mṟi fo Yerusalemu, kafutengetia.

YEREMIA 4:17

Cha wandu wairinga mdemi, wafutengetie riti, kipfa walenjileha inyi, Mndumii ahamba.

YEREMIA 52:7

Kyasia omombo lo mṟi lukawunduyo na Waasikari wakadicha wohenda nja ya mṟi kiheri kya kio, wakaidia njia ya kichumi makidi hawi ha njomombo tsiwi, demenyi lya mangi wakadichia ora lo Araba, ma chando Wakalidayo waweṟingichie mṟi fose. Waisraeli wakadicha wechihenda pichinyi lya Yordani.

EZEKIELI 21:22

Kii kidi mfi fulya fuolongie Yerusalemu fukaolokia owoko loke lo kulyo; Koikyo kateseheṟa shisha shewunduo mṟi fulya, kawewawasa shifahiyo sha shida shiwoke, na oshu lukundi hoya mṟi fo, kuwewikopfo mafoo na njomombo tsechitengetia mṟi fo.

EZEKIELI 21:27

Inyamaṟika! Inyamaṟika! Ambuya kuwode ma kindo kimu kechikia kiidi kya mṟi fu pfo, kyaindi isho shilameawukia, nyi echicha ulya njikeri ihenda imnenga momu forumatsa mṟi fu, na nyi njechihenda imdambikia mṟi fu.”

EZEKIELI 26:8

Nao nechikapa mṟi yo iwei kufui na iyo ipfo isangenyi. Nechisuma mafoo huye yapfo, nawewika njomombo tsekuringa huye yapfo, natso tsihende iwa ngao yekuringa huye yapfo.

EZEKIELI 33:21

Kiheri kuweshikie mkonu fo katanu fo meri fo ikumi, maka fo ikumi na kawi wokia losamiṟo, mndu umu aledicha kulya Yerusalemu kanjichea kanjiwia, “Mṟi fo Yerusalemu nyi fowado nyi watuuri.”

EZEKIELI 40:1

Kyasia maka fo makumi hawi na hatanu (25) wokia losamiṟo, nafo nyi mkonu fo ikumi fo meri fo kuwoka, nafo nyi fuweshikie maka fo ikumi na kaana (14) wokia mṟi fo Yerusalemu fuleoloka. Pfinya ya Mndumii-Ruwa ikaida na mrimenyi foko.

WALEWI 26:25

Njechimwendie oshu lochitaa kiṟache kipfa kya mkundano mulefufunja. Mochidichia mṟinyi yanu, kyaindi njechimudikia ndaṟe njiwicho njimuwike mawokonyi ha wakituwa wanu.

ZEKARIA 8:19

“Ikuotoya lya meeri fo kaana na ikuotoya lya meeri fo katanu, na ikuotoya lya meeri fo mfungade, na ikuotoya lya meeri fo ikumi lyewa sia na ikesa, nyi mkonu mnene yefuda ko mba ya Yuda; wulalu kundenyi lohi na ofoṟo.”

LUKA 19:43

Cha kipfa nyi kochikaa kukuhoye mafiri, nlyondo wakituwa wapfo wechikuṟingichia na mfoo na ikutengetia na ikufiṟita kose kose.

LUKA 21:20

“Kyaindi ili mochiwona mṟi fo Yerusalemu fochitengetio nyi masiṟi, wutenyi-ho imanya, kiheri kyafo kenyamaṟo kyamshika.