YEREMIA 52:27 - Bibilia Kui Mdedie fo Kimochi

²⁷ Mangi Nebukadneza o Babeli nalekapa wandu wo kawawahia ipfo Ribla orukenyi lo Hamathi. Kyasia wandu wa Yuda walehenda osamiṟonyi nja ya oruka lowo.

YEREMIA 52:27 ပူးပေါင်းရင်းမြစ်များ

2SAMWELI 8:9

Mangi ya oruka lo Hamathi ahende iicho ke Dawidi nakapa na iwinza waskari wose wa Hadadezeri,

2WAMANGI 17:20

Mndumii-Ruwa naleleha Waisraeli wose. Kawada mawokonyi ha wakituwa walang'a, kiidima kawafuna wawuke koke.

2WAMANGI 17:23

Ifurumiaho Mndumii-Ruwa kawafuna wawuke oshangunyi loke chandu awehambie kui dumbu lya waṟundi wake wai waikimbi. Ko ikyo wandu wa Israeli wakadao wapfungo wawuto orukenyi lowo mṟasa Ashuru napfo wakakaapfo mṟasa inu.

2WAMANGI 23:27

Na Mndumii-Ruwa kahamba, “Njechifuna wandu wa Yuda wawuke oshangunyi loko chandu njilewutia Waisraeli, njechileha mṟi fo Yerusalemu njiwefusambuṟie njechihamba, rina lyako lyechikaapfo.”

YESAYA 24:3

Wuyanawu wochihaluka wulya piu, na inyamaṟo kuchu; kipfa Mndumii adeda idedo lyo.

YESAYA 27:10

Kipfa mṟi fuwode omombo fukeri fuenyi, handu kuledeo mrapu cha nuka, mpfo kundu echilisa mahache, na mpfo kundu echilaa, na ilya maṟamba hake.

YESAYA 43:28

Ko ikyo ngaleha walya weṟundia halya haele, ngasehia Yakobo nakapo kishikie, ngaweleka Israeli narumo.’”

YEREMIA 13:19

Mongo ya mṟi ya Negebu injishinge; kuwode moidima iṟuhuopfo, Yuda nadeo ai mpfunge, nadao piu aimpfunge.

YEREMIA 20:4

Kipfa Mndumii nahamba adi, “Njechikuamtsia wuowu wung'anyi kopfo iyo, na mbuya tsapfo tsose wechioloka kui oshu lo wakituwa wawo na meso hapfo hechiwona isho, na inyi njechidambika Yuda yose mawokonyi ha mangi ya Babeli, nawaduo wapfungo wa shida nawawahe kui oshu.

YEREMIA 21:7

Numa ya isho Mndumii ahamba, njechiwika Sedekia mangi ya Yuda na waṟundi wake na wandu wose waletsuhaa kiidi kya mṟi fu numa ya ndaṟe iya ya makokoi na oshu na njaa kiidi kya owoko lo Nebkadireza mangi ya Babeli, na kiidi kya mawoko ha wakituwa wawo, na kiidi kya mawoko ha wandu walya waishiha moo yawo, wechiwawaha kui oshu echiwalekia, ma iwasaṟia ma iwaichio wukiwa pfo.’”

YEREMIA 39:10

Kyaindi Neburadani mnene o waaskari waringi, naleda wandu maata wakiwa walawewode kindo kyose orukenyi lo Yuda, kawahawia madema ha mzabibu wakaweinengo handu hedema kiheri nakyo.

YEREMIA 39:9

Kyasia Nebuzaradani, mnene o waringi wa mangi, kaduo osamiṟonyi Babeli, wandu wawetsuhee mṟinyi na walya walekudambika koke na wandu walya wose waweipfo.

YEREMIA 52:9

Nahong'u Wakalidayo wakambada mpfungo wakamduo ko mangi o Babeli, ipfo Ribla, oruka lo Hamathi, nao kamwaanduya.

EZEKIELI 33:28

Kii kidi njikeri ihenda ihaluo oruka lo luwe nuka na mrapu. Mbahanyi tso tsake tsekekuichilia nyi wechiwoho wose. Ngoseṟa mafumvu ho ha Israeli nyi njechihaterefuo hawe nuka ioweshie manya kulawode mndu echikaria iida napfo.

MIKA 4:10

Lanye wandu wa Sioni, fihiṟenyi na ikukapa wanda cha mndu mka akeri ifee! Kipfa wulalu mochikure kiidi kya mṟi fu muhende ikaa patehu, mochihenda itane Babeli. Indi ipfo, mochikiṟo. Ipfo Mndumii nechimukiṟa mawokonyi ha wakituwa wanu.

NGUMBUO YA MAWAWASO 28:36

“Mndumii-Ruwa nechimuduo nyo na mangi yanu mochikusambuṟia nyo muwenyi, mṟasa mkambonyi sa mlafuichi nyo manya waku wanu. Na ipfo mochiṟundia maruwa hengi ha mashidi na maho.

NGUMBUO YA MAWAWASO 28:64

Mndumii-Ruwa nechimupaṟatsana kiidi kya mkambo yose, kuwookia ora lumu lo wuyana mṟasa ora lungi. Na ipfo mochiṟundia maruwa hengi ha mashidi na maho maruwa sa nyo manya waku wanu walalemewamanye.

NGUMBUO YA MAWAWASO 4:26

kyasiang'u, inyi inu ngalaha ruwehu na wuyana shiṟingishie kyanu; ngamuwia napata ke mochirumara nakamu ipfo orukenyi kundu muihenda ichilia mataya ya meda fo Yordani. Mochikaapfo kiheri kileshe, mulakombetso nakamupfo.