YEREMIA 51:7 - Bibilia Kui Mdedie fo Kimochi

⁷ Babeli nawei kirahu kya sahabu owokonyi lo Mndumii-Ruwa, kikananza wuyana wose. Mkambo walewado nyi nyashi itane wasuko.

YEREMIA 51:7 ပူးပေါင်းရင်းမြစ်များ

YESAYA 14:4

nahong'u iyo noṟehie madedo ha mfanano harianyi na wuchili wo Mangi o Babeli na ihamba, “Chando aletsitsa ulya mowonyia, Chando mṟi fulya fuletsitsa fulya fwenyi mtolo!

YEREMIA 13:13

Nalyo ochiwawia Mndumii nahamba adi, ‘Ambuya njechiichuṟa wunanzi wandu wenyi orukalu wose ma wamangi wadamie loṟikehu lo wuitoṟi wo Dawidi, na wakokanyi na waikimbi na wenyi wa Yerusalemu.

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 50:38

Kuwae mṟasa mṟinga fuumie fulechiwono! Kipfa Babeli nyi oruka lo sanamu tsa maruwa, wandu nyi wekesuko kya sanamu tsawo tsepacha wakatsihaluo ruwa.

EZEKIELI 23:42

Maṟu ha wandu walawode mkao mcha hakaichioho, na wasoṟo wananzi waleendo wawuka ipfo nuka wakaweendo naho, wakawewaṟika maṟikoso mecha mawokonyi hawo na oṟo njicha mdonyi yawo.

DANIELI 2:32

Sanamu i mdo foyo fuwei fo sahabu njicha; kipeeta na mawoko hawei ha fesa; ndeu na kitsi shiwei sha aṟeṟa njiili;

DANIELI 2:38

Na orio handu kui wandu, na mando hewikia na ha ngeṟa, malehe ha kundu ko pichinyi na malehe herunduka nginehu, kodambikio, kakudeeya isho shose shikae shia wuitoṟi wopfo. Iyo nyi mdo fulya fo sahabu.

OTAMBAHALUO LO YOHANE 14:8

Na msu ungi o kawi kaoshana nao kehamba, “Amewunduka! Ee da, Babilon ang'anyi amewunduka! Nyio aletewa mkambo yose wanyo unanzi woke wari wo wuṟuhui woke!”

OTAMBAHALUO LO YOHANE 17:2

Nyi wamangi wa masanga waleṟuhuya nao na walee ipfo masangenyi wakahenda inanzo nyi mpfinyo fo wuṟuhui woke.”

OTAMBAHALUO LO YOHANE 17:4

Na mka chu aweṟee mṟae ya king'aring'ari na ya samu awei-mchope na sahabu, na shiho sha ngesa na ngisa tsa leṟi. Ipfo owokonyi loke awewode kirahu kya sahabu kiichuo mapfulutsa mrima na materefutsa ha wuṟuhui woke.

OTAMBAHALUO LO YOHANE 18:23

Manya sa ya taa ilakilimkye-se hando ipfo kiidi kyapfo. Manya maṟu ha sia ha moalyika na moalyiko halakiichio iipfo kiidi kyapfo. Kyamba wekapa mbucha wapfo wawekeri wanene wa wuyana wu, cha kipfa nyi uwekeinenga mkambo ya wandu wuṟoi wopfo woinanza, kui wuhanga wopfo wuwicho wakahenda itandawusho wose!”

OTAMBAHALUO LO YOHANE 18:3

Kipfa mkambo ya wandu yose iwenyoe mnyoe mbawo fo wuṟuhui wofo, fuende wutuuke (wo Ruwa) na wamangi wa wanda ii wawekyeṟuhuya nafo na wekapa mbucha wakasuṟia kui mweke fo useṟeṟi wofo wuidie.”

OTAMBAHALUO LO YOHANE 19:2

Kyamba mdumbuye yake nyi ya lohi isumhanyi. Kyamba nyi amehoṟuo mkiwashe ulya ang'anyi awekewichuṟa wuyana wu kui wulala woke kawetaa kui owoko loke kiṟache kipfa kya ili alepusuo samu ya waṟundi wake.”