YEREMIA 51:6 - Bibilia Kui Mdedie fo Kimochi

⁶ Dichenyi muwuke Babeli, orio mndu naletse moo foke! Mularumatso kiidi kya nyashi yake, kipfa iki nyi kiheri kya Ruwa itaa kiṟache, nechihoṟuo Babeli chandu kiwaṟi.

YEREMIA 51:6 ပူးပေါင်းရင်းမြစ်များ

SHIIMBO SHA DAWIDI 94:1

Hoi Mndumii-Ruwa o kiṟache, Ruwa o kiṟache, ukuloṟe!

MFANANO 13:20

Oshana na waṟangonowe mṟango, Indi mbuya ya matondo yechiwawio.

YESAYA 48:20

Wulalu wukenyi Babeli, Dichenyi muwuke ko Wakalidayo; Onguo kui maṟu heimba, onguonyi ishi, Hambenyi mtano mtsitsioni fo oruka, muhambe, “Mndumii amekiṟa mṟundi oke, Yakobo.”

YESAYA 63:4

Kipfa Mkonu fo kiṟache fuwei mrimenyi foko, na maka fowo njilewakiṟa fomeawukia.

YEREMIA 25:14

Kipfa wandu wafoi wa mkambo na wamangi wanene wechiwatuura, nawudo njechiwataa kiṟinganyi na mawuto hawo na maṟunda ha mawoko hawo.’”

YEREMIA 25:16

Wo wechinyo, na inango, na iwado nyi wusuko, kipfa kya oshu njechidika kowo.”

YEREMIA 27:7

Na masanga hose wamṟundie o na wana wake na kishari kyake kiheri kechicha o amonyi na masanga hose na mangi tsing'anyi wechihaluka masinga.

YEREMIA 46:10

Mkonu fo nyi mkonu fo Mndumii-Ruwa Menyi Matorito, nyi mkonu fotaa kiṟache; ee da, nyi mkonu fohoṟuo wakituwa wake. Oshu lochiwamarisa na ihuda, lochinyo samu yawo na ihuda. Kipfa Mndumii-Ruwa Menyi Matorito nawode kidaso, ipfo ora lo mtsudu kufui na meda fo Eufrate.

YEREMIA 48:6

Dichenyi! Kiṟenyi moo yanu! Dichenyi cha nzoi ya ngeṟenyi ipfo nuka ya msanga.

YEREMIA 50:15

Kapenyi kifahio kya shida njora tsose, wulalu Babeli nokuloṟa uwado. Njotiṟiwa tsake tsaoloka, mawanda hake hawunduyo. Njitaa kiṟache huya Babeli, uwawutie chandu ulewutia wengi.

YEREMIA 50:28

“Adanyia! Wadichi na walya walesheṟuka wawuka orukenyi lo Babeli wakeri icha ipfo Siyoni ionguo chandu Mndumii-Ruwa aletaa kiṟache kipfa kya hekalu lyake.

YEREMIA 50:31

“Inyi Mndumii-Ruwa o matorito, njikapana na iyo uwode orikiki, kipfa mkonu fopfo fohoṟuyo foshika. Kiheri kyekuhoṟuo kyamanda.

YEREMIA 50:8

“Dichenyi kuwuka Babeli! Wukenyi orukenyi lo Wakalidayo, muwe cha shioṟo shisongoye po.

YEREMIA 51:11

Mndumii-Ruwa nasuwia mrima ya wamangi wa Mede, kipfa nakusaṟie irumatsa Babeli. Ee da, ikyo nyi kyo kiṟache kya Mndumii-Ruwa, nataa kiṟache kipfa kya hekalu lyake. Nuonyi mfi yanu! Irenyi ngawo.

YEREMIA 51:36

Mndumii-Ruwa nahamba adi; “Njechideda handu hanu kya mbonyi tsanu, na itaa kirache kipfa kyanu. Njechiumiṟa ipalyipalyi lya Babeli, njiumiṟe maṟungu ha mṟinga.

YEREMIA 51:45

“Wukenyi ipfo nyo wandu wako! Orio mndu naletse moo foke, nalekane na nyashi njiwawo ya Mndumii-Ruwa.

YEREMIA 51:50

“Nyo mulekia opfu, kurenyi wulalu, ma mulahingehinge! Ma chandu mukeri oruka lo kuleshe mukumbuo Mndumii-Ruwa, muwekumbuo mṟi fo Yerusalemu.

YEREMIA 51:56

Ee da, morumatsa naichea Babeli; waskari wake wadayo, wuda tsawo tsafunjofunjo. Inyi Mndumii-Ruwa nyi Ruwa mohoṟuo, kya lohi inyi njechitaa kiṟache kishikie.

YEREMIA 51:9

Luleheṟie ichiṟa Babeli, indi kechiwa-pfo Denyi mṟifu, luhende, orio mndu oruka loke, kipfa mwanduye foke nyi fung'anyi mnu, fukuirie mṟasa mapuchinyi.

SHILIO 3:64

Kewatae kiṟache hoi Mndumii, kya shilya shose walewuta.

MAITALA 16:26

Kyekishika kawawia, “Kurenyi iya mahemenyi ha wanduwa wawicho muhende haleshe na mulapae kindo kyawo kyose, mulashike irumatso hamu nawo kipfa kya njonyamaṟo tsawo tsose.”

NGUMBUO YA MAWAWASO 32:25

Shida tsechiende njopfu tsifoi nja na mba na wuowu wochiwachilia warika wa kisoṟo na wa kika wechiwooho, na walya waionga na wameku wa mhasa, manya umu echitsuhaapfo.

NGUMBUO YA MAWAWASO 32:41

Mkawona oshu loko luiakaaka; ngahoṟuo owoko loanduya, njechitaa wakituwa wako kiṟaache, njechitoromisha walya wanjisuo.

NGUMBUO YA MAWAWASO 32:43

“Lanye mkambo ya wandu kapienyi wandu wake ngululu, kyamba o neketaa kiṟaache samu ya waṟundi wake, walya wekemkaṟuo nekewataa kiṟaache, na iheṟemtsa oruka lo wandu wake.

1TIMOTEO 5:22

Ulahekye mndu mawoko owin; ulawekaṟana na manyamaṟo ha wengi; kuringe kumonyi ukae ulawado nyi mti.

OTAMBAHALUO LO YOHANE 16:19

Na mṟi fulya fung'anyi fukang'nalawuka fukapaṟakana fukawa shifunyo shiṟaṟu, na mṟi iya ya mkambo ya wandu ikawunduka. Na mṟi fulya fung'anyi fo Babilon Ruwa nalafuhadima. Kafurutsa kirahu kya mnyoe fo mwinyo fuichuo wutuke wo nyashi ya Ruwa.