YEREMIA 51:5 - Bibilia Kui Mdedie fo Kimochi

⁵ Kyaindi Israeli na Yuda Mndumii-Ruwa o matorito alewadapfo, ma chandu oruka lowo luichuo wukiwa, oshangunyi loko nyi mwele o Israeli.

YEREMIA 51:5 ပူးပေါင်းရင်းမြစ်များ

1WAMANGI 6:13

Inyi njechikaa kiidi kya wana wa Israeli, na njechilekana nawo ma indi-pfo.”

2WAMANGI 21:16

Ngoseṟa ya isho, da kya wunyamaṟi wotewa wandu wa Yuda inyamaṟa na iwuta mawicho oshangunyi lo Mndumii-Ruwa, Manase nalewaha wandu wafoi walawode mti, itane samu yaichuo ora lumu lo Yerusalemu ikahaukia ora lungi.

EZRA 9:9

Ma chandu luwei masinga, Ruwa odu alekunda iluda luengeṟe iwa masingapfo. Kyaindi naleluloṟa ikunda lyake kodu oshangunyi lo wamangi walya wa Persia iwa walelulekia lukacha iwika mba i ya Ruwa odu na iachikia kulyando iwewundukie. Lukaowewona oringo loke iya Yuda na Yerusalemu.”

SHIIMBO SHA DAWIDI 94:14

Kyamba Mndumii echikumba wandu wakepfo, manya echilekia wa kyoṟa kyakepfo.

YESAYA 44:21

Kumbuo ishi iyo Yakobo; na iyo Israeli, kipfa iyo nyi mṟundi oko njilekuumba; nyi mṟundi oko; Iyo Israeli ochiwa ihadimopfo.

YESAYA 51:15

Kipfa inyi nyi Mndumii-Ruwa opfo, njekefoha ipalyipalyi, masinanu halyo hakaṟuṟuma.

YESAYA 62:12

Nawo wechimulaha, wandu waele, Walekiṟo nyi Mndumii, Na iyo nochilaho, “Aleshiho, Mṟi fulaledeo.”

YEREMIA 14:19

Hoi Mndumii-Ruwa, naho oleha Yuda piu? Mrima fopfo fosuiṟo nyi Sioni, Nki kitewe ulukape kudi owicho? Luwekusihiye ofoṟo indi, Lulawone kicha kyose, Luwewedia ikia, indi lukahoya sheluowesha.

YEREMIA 14:9

Nkili owa cha mndu alaichi kilya aiwuta, kowa cha mbahanyi alechiidima ikiṟa? Kyaindi iyo Mndumii nyi ui kiidi kyadu, lolelaho kui rina lyapfo ulaluleke.’”

YEREMIA 16:18

Njechitaa kiṟache ka ikumi, kipfa kya njonyamaṟo tsawo na madeko hawo kipfa wafanyitsa ngafu oruka loko, kui mnying'a ya maruwa hawo hasuiṟie, wakaichuṟa oruka lu loko isuiṟa lyawo.”

YEREMIA 19:4

Kipfa walenjida inyi na ihaluo handu ha hakawa hahenu nawo wakapfaamiria uvumba maruwa hengi walawehaichi, ma chi wo tupupfo na wandeawo ma wa mangi wa Yuda wakatana waichuṟa samu ya wandu walai na mti.

YEREMIA 23:15

Kyasia Inyi Mndumi, menyi matorito ngahamba kudi kiidi kya waikimbi, ‘Ambuya njechiwarutsa maṟa mawawo, na mṟinga fo wuṟoi wanyo kipfa kya waikimbi wo wa Yerusalemu. Ikushela lyawo lyaida kiidi kya oruka lowo lose.’”

YEREMIA 31:37

Kokoya ruwehu lyechiwa ihesha na otende lo wuyana luwewa iṟisa , kyasia njemukumba kuleshe na wawee wa Israeli, kipfa kya mbonyi tsose, walewuta. Inyi Mndumii-Ruwa ngahamba.”

YEREMIA 46:28

kulaowuo iyo mṟundi oko Yakobo, kipfa inyi njii kimu na iyo. Njechirumatsa mkambo yose ya wandu walekunyanyaṟitsa kiidi kyawo, indi iyo njechikurumatsa-pfo. Nechikulachuo chandu uwaṟi, njechida njilakuhoṟuo-pfo.”

YEREMIA 50:20

Mafiri ho na maheri ho, wuwicho wochishiho orukenyi lo Israeli, indi lochiwonopfo pfo; wunyamaṟi wochishiho orukenyi lo Yuda, indi wochiwonopfo pfo, kipfa inyi njechihoṟia walya njilewatsuhaṟa. Nyi inyi Mndumii-Ruwa ngahamba.

YEREMIA 51:19

Ruwa chu ai kisa kya Yakobo ai ado pfo, kipfa nyio awikie isho shose, na Israeli nyi oshari lui loke; Mndumii-Ruwa o Matorito, nyi lyo rina lyake.

EZEKIELI 8:17

Mndumii kanjiwesa, “Ngesa Iyo mndu uwonyi mawicho ha wana wa Yuda wakeri injiwutia? Ngesa nuwonyi nyi kindo kitutu iki? Wakeri iichuṟa Orukalu na wuminyi wakatana wanjipfulutsa nyashi? Ambuya nyi wawika iṟamba lya iṟa mbuonyi tsawo.

EZEKIELI 9:9

Nao Mndumii-Ruwa kanjihaluo, “Wunyamaṟi wo mba i ya Israeli na Yuda nyi wung'anyi mnu. Orukalu luichuo wuwahi na mṟi fu fuichuo iwonyia, nawo nyi wekehamba, ‘Mndumii nalelukumba nao ekewonasepfo.’

HOSEA 1:10

Kyaindi wandu wa Israeli wechifo cha msanga fo ipalyipalyi, sa fulechiidima ihesho ma iitalo. Wulalu Ruwa nakeri muwia, “Nyo chi wandu wako-pfo,” kyaindi kuwode mkonu fuicha sa echimuwia, “Nyo nyi wana wa Ruwa ai Huye!”

HOSEA 2:1

Koikyo laha wana wa mayo wa Israeli, “Wandu wa Ruwa,” na washiki wanu “Wandu wawakunde nyi Mndumii-Ruwa.”

HOSEA 2:3

Mulamewute kudo, njechimuatuo nguo nadeo kitaṟe, njechimtana nawe chandu alefeo. Njechimtana nawe cha nuka ya msanga, njechimtana naume cha oruka luhadutsu. Njechimbaha ko wuangari.

HOSEA 4:1

Adanyienyi Mndumii-Ruwa, nyo Waisraeli. Mndumii-Ruwa nanunuwa kipfa kya wandu wa oruka lu. Kuwodese wuhendeli ma mrima mcha orukenyi-pfo; kuwodese mndu aichi Ruwa kunu orukenyi-pfo.

HOSEA 4:2

Ilya nyamu, wongo, uwahi, wuiwi na wuṟuhui wuichuopfo. Wunyamaṟi wuongeṟa ifo, na samu ipusuyo orio mkonu.

MIKA 7:18

Hoi Ruwa, nyiu ai cha iyo? Iyo nohoṟia wunyamaṟi wo wandu wapfo waletsuhaa, manya ochiambuya se madeko hawo pfo. Nyashi yapfo yekeaka mlungana pfo, kyaindi nokundi mnu iluloṟa woloru wopfo.

MIKA 7:20

Nochiloṟa wuhendeli wopfo na isaṟia lyapfo, ko kishari kya Abrahamu na kya Yakobo, chandu kulewikia waku wadu kyasa wokia kacha.

ZEKARIA 12:6

Mkonu fo njechihaluo wanene wa Yuda cha kyohyo kyauto modoni fo ngu, cha kimunyi kya modo fuakya mkunjenyi; nawo wehirumatsa wandu wa orio mbaṟi wawatengetie njora tsose, numa ya isho Yerusalemu ikae handu hayo - oo Yerusalemu.

ZEKARIA 12:8

Mandi ho Mndumii nechiringa wandu wa Yerusalemu na icho ai mnyonge kiidi kyawo, nechifanana na Dawidi mkonu fo; mba ya Dawidi yechiwa cha Ruwa cha Malaika o Mndumii oshangunyi lowo.

ZEKARIA 2:12

Na Mndumii nechioṟa Yuda, iwe ohawi loke kiidi kya oruka luele, nechisambuṟa se Yerusalemu.

1SAMWELI 12:22

Kui kiṟumi kya rina lyake inene, Mndumii-Ruwa echikumba wandu wakepfo kyamba nalekunda imutana nyo muwe wandu wake.