YEREMIA 51:12 - Bibilia Kui Mdedie fo Kimochi

¹² Irenyi bendeṟa ya shida saṟikienyi njomombo tsa Babeli. Wanzenyi wuringi; wikenyi waringi; reheṟenyi isaṟikia. Mndumii-Ruwa nadumbuye na iawutsia, mbonyi adedie kya wenyi wa Babeli.

YEREMIA 51:12 ပူးပေါင်းရင်းမြစ်များ

YEREMIA 51:11

Mndumii-Ruwa nasuwia mrima ya wamangi wa Mede, kipfa nakusaṟie irumatsa Babeli. Ee da, ikyo nyi kyo kiṟache kya Mndumii-Ruwa, nataa kiṟache kipfa kya hekalu lyake. Nuonyi mfi yanu! Irenyi ngawo.

YESAYA 13:2

“Kyasia irienyi bendeṟa huye handu kulawode mashidi fumvuhu, irienyi maṟu hanu, wakemienyi kundu waide na kichumi kya wanene.

NAHUMU 2:1

Ulya mofunja shiteno-teno nyi adoye huye; wada shisha, upfunge maṟuko, Karia nokuwanze necha, engeṟa pfinya tsapfo mnu.

YEREMIA 51:29

Oruka ludedema na idosa mtara kui mawawio, kipfa makusaṟo ha Mndumii-Ruwa kirianyi na Babeli nyi hamanyikie, nechihaluo oruka lo Babeli luwe nuka ya msanga, ikae ilawode wandu.

YOELI 3:2

Njechisanyia wa mkambo wose, na iwasotsia pichinyi lya Yehoshafati. Ipfo njechianduya wandu wo wa mkambo, ko shilya walewutia wandu wako Israeli, wai masaa hako njimonyi. Cha kipfa walewaṟaṟanja kiidi kya wamkambo, na ihawa oruka loko,

SHILIO 2:17

Kyamba Mndumii-Ruwa nyi awuta kilya awekusirie, nyi aawutsia shilya awehambie, chando aweikusirie wokia mboko, cha kipfa nyaṟumatso kulawode osaṟio lose; nyi ainenga wakituwa wachihiyo kipfa kya ngapo yapfo, kyamba nyi aṟumisha ngohoda tsa wakituwa wapfo.

YEREMIA 51:27

Iria bendeṟa ya shida wuyanenyi, kapa taṟumbeta kiidi kya wandu wa mkambo; teseheṟa mkambo ikapana nao; laha mangi isaṟikia; mangi tsa Ararati, Mini na Ashkenazi. Wika mbahanyi sumhana nawo; ende frasi cha mapo ha nzihe.

YEREMIA 50:2

“Hamba kiidi kya mkambo, irienyi bendeṟa na ihamba, mlaṟike kindo ma kimu. Hambenyi: ‘Babeli yamewado, Beli nasutso, Merodaki naiṟewe; sanamu tsake tsasutso, maruwa hetsana hadedema.’

MFANANO 21:30

Kuwode wuṟango ma imanya-pfo, Ma makusaṟo kya Mndumii.

YOSHUA 8:14

Kyasia mangi o mṟi fulya fo Ai kekiwona adi, kakure faṟa na wandu wake wakasoka kulya mpiṟimkonyi fo Araba kundu nahende ikoyana na Waisraeli shidenyi. Kyaindi alamanye ke mṟi foke nyi fuweimṟingichie ko ora lo nduma.

YEREMIA 4:28

kipfa inyi ngadeda isho na ikusaṟa iinutsia, manya njechihamba samanya ma njiambuye numa njide-pfo.”

YEREMIA 23:20

Nyashi ya Mndumii yewuya nduma pfo, na itane aawutsie kilya awekusirie mrimenyi foke. Mkonu ya ifurumia mochimanya idedo li nakamu.

YEREMIA 50:25

Ngaṟuhuo kikumbi kya shisha, ngawutapfo shisha sha nyashi yako, kipfa inyi Mndumii-Ruwa menyi matorito njiwode iṟunda kiidi kya oruka lo Wakalidayo.

YESAYA 11:12

Nao nechiira bendeṟa ya wandu wa mkambo huye, nechisanza wandu wa Israeli wai wakumbe, nechisanyia wandu wa Yuda wawerahanyikie, kuwuka njora tsiina tsa wuyana.