YEREMIA 50:3 - Bibilia Kui Mdedie fo Kimochi

³ “Kipfa, mkambo fuwukie mtsudu focha ikapa; fochihaluo oruka loke mrapu. Kulawode mokaapfo; wandu ma mando hose hadichie kuleshe.”

YEREMIA 50:3 ပူးပေါင်းရင်းမြစ်များ

MAWOOKIONYI 6:7

Mndumii kahamba, “Wandu-wa ndewumba njechiwarumatsa iya orukenyi, mndu o wandu na mando ha nja na hekekukuruo wanda na malehe ha ruwehu; kipfa ngailacha mahiyo kya ili njilehawumba.”

IWUKA 12:12

Kyamba njechiida kiidi kya oruka lo Misri kiokyo, na inyi njechikapa wana wawee wose orukenyi lo Misri, wa wandu na shuma; na inyi njechianduya maruwa hose ha Wamisri; Inyi nyio Mndumii-Ruwa.

YESAYA 41:25

Ngahoṟotsa mndu wuka mtsudu, nao nacha; woka ora lo ngamenyi nacha mosenda rina lyako; nechichea wachili cha mndu aipochapocha odoko, na cha mndu aiumba shihia sha teri.

YESAYA 45:1

Ishi nyisho Mndumii aiwia Koreshi ichu amshimbuo, ichu njilewada owoko loke lo kulyo, kundu natoromishe mkambo fo wandu oshangunyi loke, inyi njechidedemisha wamangi kundu njihaluo mongo yawo pang'a, kulechishingo ma fumu.

YEREMIA 21:6

Njechikapa wenyi mṟi fu, wandu na mando hai na moo wechipfa kui ndaṟe ing'anyi ya makokoi .

YEREMIA 50:9

Kipfa inyi ngasuwia mkambo ing'anyi iwukie oruka lo mtsudu wasaṟikie Babeli. Wechikuteseheṟa isaṟikia Babeli na iiduo. Mfi yawo ikeri cha ngohoda alechiwuya na mawoko ha wulya.

YEREMIA 51:11

Mndumii-Ruwa nasuwia mrima ya wamangi wa Mede, kipfa nakusaṟie irumatsa Babeli. Ee da, ikyo nyi kyo kiṟache kya Mndumii-Ruwa, nataa kiṟache kipfa kya hekalu lyake. Nuonyi mfi yanu! Irenyi ngawo.

YEREMIA 51:48

Kiidima ruwehu, oruka na shose shiipfo, shechiimba na sia kipfa Babeli naoloka, kipfa kya werumatsa wawuka ora lo mtsudu wakacha ifusaṟikia. Nyi inyi Mndumii-Ruwa ngahamba.

YEREMIA 51:62

Kiidima umarisie na madedo ha: ‘Hoi Mndumii-Ruwa, iyo nyi ohamba ke nochinyamaṟa handu ha, ma kulakae ho kiumbe kyose, mndu ang'u mando ha mbaṟi tsose hai na moo na ke orukalu lochiwa lo msanga mlungana.’

YEREMIA 7:20

Nkyo Mndumii-Ruwa ahambie adi, “Nkya lohi nyashi yako na wulang'a woko njechikupusuya handu-ho, shipusukie wandu na shiuma na mashidi ha mademenyi na shilimu sha oruka, nasho shechikoṟo shiake shilekiwase irumisho.”

YEREMIA 9:10

“Njechifihiṟa huya mafumvu, njechisokio nyi fowa kipfa kya kundu kolisa patenyi; Kipfa kulawode moida-ho kipfa kusaramaye. Ma kuichio ṟu lya mbe pfo. Ndehe tsa ruwehu na mando ha ngeṟenyi, shose shadicha shikadeka.

YEREMIA 9:11

Na inyi njihaluo Yerusalemu mrapu, kuwe kanyi ko mapara; njechihaluo mṟi ya Yuda iwenjisame, kulechilao nyi mndu.

SEFANIA 1:3

Njechimamiṟa mndu o wandu na orio kikiwike kyose. Mando ha ngeṟenyi ndehe tserunduka; makunga ha mṟingenyi, hamu na wawicho; njechirumatsa mndu o wandu elechikaa nawono - Mndumii ahamba.