YEREMIA 5:7 - Bibilia Kui Mdedie fo Kimochi

⁷ “Njechiidima njida ikuhoṟia iyo Yerusalemu? Wana wapfo wanjida inyi, na ilya nyamu ko walya walai ruwa lilya waleihuda, waleṟuhuya wakakumbuhana kiidi kya mba ya wameluki wai wafoi.

YEREMIA 5:7 ပူးပေါင်းရင်းမြစ်များ

2MBONYI TSA MAHERI 13:9

Ke! Mulewingia wakohanyi wa Mndumii-Ruwa, wana wa Aroni, na Walewi, na ikusungusia wakohanyi wanu nyo muwenyi chandu wandu wamkambo wengi wekewuta? Orio mndu ekemuchea, kakushimbuo ko shipung'a shitutu, ang'u ko masuwa mfungade, nekewa mkohanyi o shindo shilai maruwa.

YOBU 31:12

Kipfa nyi modo forumtsa itane orumaṟo nafo fuwechikuṟuo shilya shako shose.

SHIIMBO SHA DAWIDI 50:18

Kiheri kulewona mwiwi kowada nao mbuya, kowehendesana na waṟuhui.

YEREMIA 12:16

Nahong'u kechiwa wokia wechikulosha njia tsa wandu wako, ilya nyamu kui rina lyako, ‘So Ruwa ai na moo,’ chando walewelosha wandu wako ilya nyamu kui rina lya Baali nyi wudo wechiwa kiidi kya wandu wako.

YEREMIA 13:27

Ngamewona wuwicho wopfo, wuṟuhui wopfo, na wulala wopfo, ngafu na wumeluki wopfo, wui huya mafumvu kiidi kya mdemi. Ochia lopfo, Iyo Yerusalemu! Noleha iheṟemtso; mbonyitso nochikaa natso noshike indii?’”

YEREMIA 16:11

Na iyo nochiwahaluo ke inyi Mndumii-Ruwa ngahamba njidi, wandeanu walenjida wakaosha maruwa hengi, wakahaṟundia na ihaindia. Walenjida na waleindia mawawaso hako pfo.

YEREMIA 16:20

Ngesa, mndu owandu nyi echiidima isungusia ruwa oke? Koko iwo chi ruwa manyalepfo.

YEREMIA 2:11

Ngesa wandu wa mkambo wailacha maruwa hawo, ma chandu halawei Maruwa! Kyaindi wandu wako wailacha wuitoṟi wowo, ko kindo kilechiwatarama.

YEREMIA 2:31

Lanye kishari keambuyenyi idedo lya Mndumii. Ale, nyi ngawa nuka ya msanga ko Israeli Ang'u oruka kuwode meema riti Nkili wandu wako wahamba, so lulekusheṟuo lukundi icha na kopfo-pfo.

YEREMIA 23:10

Kipfa oruka luichuo waṟuhui, kipfa kya ilya nyamu oruka luifihiṟa, maṟa ha nuka hauma; ohendo lu luluwicho, na pfinya tsawo chi tsa wusumhanyi pfo.

YEREMIA 3:19

Kyaindi na inyi njilewehamba, Israeli, njechiidima njida imuwika kimu na wana, na imuinenga oruka lui lucha, kyora kicha kya wandu wa mkambo na inyi ngahamba mochinjilaha, “Ndeako,” Mochida mulanjioshapfo.

YEREMIA 3:8

Na inyi ngawona, kiheri kilya njileda Israeli menyi wunyamaṟi ngamnenga paruo yemsama kipfa kya iṟuhuya lyake, mshiki oke, Yuda awode mtambo, nalasaṟe ma nta;

YEREMIA 7:9

Ngesa mochiiwa na iṟuhuya, na iwaha na ilya nyamu tsa wongo, iatsia Baali opfamo lo wuindi ioshana na maruwa ha kihenu mulahaichi.

YEREMIA 9:1

Kima mdo foko fuwechiwa ṟungu lya mṟinga, na meso hako hakawa soka ya mchenyeṟe, kundu njiidime ifihiṟa mfiri na kio, kipfa kya walya walewoho, wai wandu wako.

YEREMIA 9:2

Kima mbewode handu hekaa orukenyi lo msanga, kichangalenyi kya wandu wa kyaṟo njiidime ida wandu wako; na ikure kowo. Kipfa wo nyi waṟuhui wose piu, kisanzio kya wandu waminyi.

SHILIO 3:42

Nyi lulekunyamaṟia na ikudicha, hoi Mndumii-Ruwa, kyaindi iyo omeluhoṟiepfo.

EZEKIELI 22:11

Wandu wengi wekewuta shindo cha wusutsu wechilaa na waka wa mṟasenyi yawo, wengi wakalaa na waka wa wana wawo, na wengi wakalaa na washiki wawo.

HOSEA 11:8

A nyi wuda njechiidima ikuda iyo Efraimu? A ngesa nyi wuda njechiidima ikukumba iyo Israeli? Ngesa njechiidima ikuhaluo cha mṟi fo Adma? Njechiidima ikuwutia cha mṟi fo Seboimu ? Mrima foko fokenjiima; isaṟia lyako likaengeṟa iwada mrike kiidi kyako.

HOSEA 13:6

Kyaindi kiheri mulelya mukaihuda, mukawoka ikudosa mukatana monjihadima.

HOSEA 4:2

Ilya nyamu, wongo, uwahi, wuiwi na wuṟuhui wuichuopfo. Wunyamaṟi wuongeṟa ifo, na samu ipusuyo orio mkonu.

HOSEA 7:4

wandu wa wose nyi waṟuhui, ambuya nyi wafananyi na iṟungu liliatse modo, ulya mosungusia mkate alaweliatsie wokia aweriha mso, mṟasa mkate fushimbiṟe.

WALEWI 20:10

“Kokoya mndumsoṟo aṟuhuya na mka o mndu o mṟasa oke, na ate wawoho wawawi.

AMOSI 8:14

Na iwo wekelya nyamu kui wunyamaṟi wo Samaria, na ihamba So Ruwa opfo ai na moo iyo Dani na so njia yapfo iyo Beer-sheba, nawo wechioloka, walechiidima se ikure.”

SEFANIA 1:5

na walya weindia kulya ruwehu wai kai ka mba na iwo weterewa, na ilya nyamu ya Mndumii na ilya nyamu ko Malkamu;

MALAKI 3:5

“Njechicha njimuanduye; njechiwa mṟingishi mwaangu kipfa kya wasawi, na waṟuhui, na welya nyamu tsa wongo, na ichu mowonyia ichu amdambikie iṟunda lya wueri wuliwe, kipfa kya wueri woke, na walya wekewonyia wangoeda na idetsa lohi ya mndu mhenu, manya walanjiowuo inyi Mndumii menyi.” Matoṟito ahamba.

1 WAKORINTO 6:9

A mulaichi ke wewuta sha wukika nyi walechioṟa wumangi wo Ruwa? Ma mulakulembe. Makiṟuhuya na mkiṟuhuyo wechioṟa wumangi wo Ruwapfo, manya weindya maruwa ha wongo; manya wetahachia wali, manya wesutsa wukika ang'u wumi.

1 WAKORINTO 8:4

Kyasia kya mlie folya nyama tsilya tsiinjidasye maruwa ha wongo na luichi ke maruwa ha wongo hakeri wuyana lohipfo, na ke kulaipfo Ruwa shile ichu umu.

WAGALATIA 4:8

Nahong'u kiheri na kiweipfo mulaweichi Ruwa mukawesingya maruwa halaipfo na pfinya lohi.

NGUMBUO YA MAWAWASO 32:15

“Waisraeli walewa wasuṟi wakadekio Mndumii, Waleihuda wakachia kui fana, numa wakalekana na Mndumii-Ruwa alewawumba, wakapiṟa iṟaṟa lya, okiṟo lowo.

NGUMBUO YA MAWAWASO 32:21

Walenjipfulutsa nyashi ngawado nyi wunyenyi wo kindo kilai nyi ruwa, walenjipfulutsa nyashi kui mafanano hawo, Ko ikyo njechiwatana wanyenyie kindo kilai mndu, walenjipfulutsa nyashi njechiwaendie mkambo mtondo.

WAEBRANIA 13:4

Wasangi wo wasanze wali wumu wuhendelyo nyi wose na kisima kyawo kilahendesutso. Kyamba wamelumelu na waṟuhui nyio Ruwa echiwaanduya.

YAKOBO 4:4

Nyo wafunji wa wusangi, mulaichi ko, ke iwada mbuya na wuyana wu lyo liende kituwa na Ruwa? Kyasia ichu akunda iwa mbuya ya wuyana nyi akutana mkutuwa o Ruwa.

YOSHUA 23:7

iki nyi kundu mulakusanze na wandu wa wa mkambo i iledeo kiidi kyanu, manya mlasende marina ha maruwa hawo, manya ilya nyamu ko maruwa ho, manya ihaindia, manya iharamia kyamu,