YEREMIA 5:6 - Bibilia Kui Mdedie fo Kimochi

⁶ Kipfa ikyo mwiso fuwukie ngeṟenyi fochiwawaha, kisii kechiwadeha kiukanyi, rumu lyechilaaya mṟi yawo, orio motambahana iwukapfo nechitufuyotufuyo nasie; kipfa madeko hawo nyi hafoi na iwuya, numa kowo nyi kuengeṟekie.

YEREMIA 5:6 ပူးပေါင်းရင်းမြစ်များ

2MBONYI TSA MAHERI 36:14

Ngoseṟa ya isho, wakohanyi, handu hamu na wasongoru wa Yuda, na wandu wengi wakaoshana na mawuto hose mawicho ha wandu wa mkambo ingi sa wawewaṟingichie, na iindia sanamu na iterepfuo mba ya Mndumii-Ruwa, sa Mndumii aleitana njiele ipfo Yerusalemu.

EZRA 10:10

Nalyo mkohanyi Ezra kahoṟoka kawia wandu walya, “Nyi muledeko, mukaalika waka wahenu, koikyo muleengeṟia Israeli owingo.

EZRA 9:6

“Hoi Mndumii-Ruwa njiwodo nyi sonu tsing'anyi iiria mdo foko oshangunyi lopfo. Nyi kipfa njonyamaṟo tsadu tsikuumbie tsikaika huye ya mdo yadu, natso nyi tsidoye tsikaida ipfo ruwehu.

YOBU 10:16

Kokoya ngairia mdo fu foko nuinjilasa cha mwiso na injipoṟipotsa na mbonyi tsapfo tsa ṟiho.

SHIIMBO SHA DAWIDI 104:20

Iyo nokewika meema, kukawa kio, nlyondi orio indo lya ngeṟenyi lyekechumia.

SHIIMBO SHA DAWIDI 80:13

Nguwe tsa ngeṟenyi tsikafunyamaṟa; na mando ha nja hakafudafuna.

YESAYA 1:23

Wanene wapfo nyi watahachi, na mbuya tsa mbafu; orio mndu nakundi itsutsumo, wekeosha itao, wechiinenga ngoeda kilya kyake kisumhanyipfo, wekeicho kieṟeṟo kya mkusu pfo.

YESAYA 59:12

Kipfa madeko hadu haengeṟeka na ifo oshangunyi lopfo, na manyamaṟo hadu hakawa wuṟingishi huye yadu; kipfa luwode madeko lukakaa naho, mawicho hadu lomehamanya;

YEREMIA 14:7

“Wandu wakahamba; ‘Manya chandu wunyamaṟi wodu woluṟingishia, iyo Mndumii noṟunde kipfa kya rina lyapfo, kipfa wunyamaṟi wodu nyi wufoi mnu wukatana woṟihisha.

YEREMIA 2:15

Miiso njikoho tsiṟuṟuma kipfa kyake, tsapoṟohoṟa mnu na ṟu ling'anyi; tsikatewa oruka lukadeo mrapu, Mṟi ikasaramaya ilawode wandu.

YEREMIA 2:17

Ishi shilekuchea cha uwekunda kumonyi, kipfa kuleda Mndumii-Ruwa opfo, lilya alekusongoya njienyi?

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

YEREMIA 2:31

Lanye kishari keambuyenyi idedo lya Mndumii. Ale, nyi ngawa nuka ya msanga ko Israeli Ang'u oruka kuwode meema riti Nkili wandu wako wahamba, so lulekusheṟuo lukundi icha na kopfo-pfo.

YEREMIA 25:38

Mndumii-Ruwa nadee handu hake heowa, cha mwiso fudeye opanga lofo, oruka lowo lui nuka ya msanga tupu, kipfa kya shida ya wandu wawicho, na nyashi ing'anyi ya Mndumii-Ruwa iaka.

YEREMIA 30:14

Wakunde wapfo wose wakuhadimie, wasaṟie kindo kyapfo kyose pfo, ngakukapa ngapo ya mkituwa, kokapo kulawode isaṟia, kipfa deko lyapfo nyi ling'anyi; njonyamaṟo tsapfo nyi tsifoi mnu.

YEREMIA 30:15

Kitewe uifihiṟa kipfa kya kifaṟe kyapfo nki? Mawawio hapfo hesia-pfo. Ngakuwutia isho shose kipfa, kya deko lyapfo ling'anyi, njonyamaṟo tsapfo nyi tsifoi mnu.

YEREMIA 30:24

Nyashi ya Mndumii-Ruwa yechiwuya ndumapfo, mṟasa nainutsie kilya aṟeheṟie mrimenyi foke. Maheri hechicha mochimanya isho shose necha.”

YEREMIA 4:7

Mwiso fowoka kiṟaṟonyi kyafo, nyi fo forumatsa mkambo fo wandu; fowoka ihenda ipfo na ipfo, fowuka handu fuichiwie; fochiende wukiwa wung'anyi, na oruka lochideo mrapu kulawode modeo-ho.

YEREMIA 49:19

Chandu mwiso fokekusoromuo fuwuka ngeṟenyi ya meda fo Yordani na iida kiidi kya maṟa mecha, nyi wudo njechifuna Waedomu wawuke orukeni lowo faṟa. Na inyi njechiwikapfo msongoru icho njechimsambuṟa. Kipfa nyiu echiwa iṟinganyisho na inyi? Nyiu echiidima injianduya? Nyi mlisi uhya echiidima injiima.

YEREMIA 8:5

Nyi wuda kyawa wandu wa Yerusalemu wahaluka wakawuya numa, walatsitse ihaluka kudo? Wakewada mbonyi tsa wulembi walakunde iwuya.

YEREMIA 8:7

Malehe hose hakerunduka cha mbeta, mbeṟo, makuru haichi kiheri kiwaṟi isama, kyaindi wandu wako waichi mawawaso ha Mndumii-pfo.

SHILIO 1:5

Wakituwa wake nyiwo wafuikolonyie, nawo nyi waloṟie ing'ana. Kyamba Mndumii-Ruwa nyi alefukapa kipfa kya madeko hafo hafoi. Wana wa mṟifo nyi wawaduo wusingenyi kuleshe.

EZEKIELI 16:25

Ambuya orio mawookionyi ha njia nulewika ho hekalu, handu ho kowefanyitsa wucha wopfo ko wuṟuhui, kowekuinengia ko orio mndu ose aweida ko mawuto ha mkika.

EZEKIELI 22:27

Wanene wawo nyi wafananyi na shisii shekeranduo shilya shewada madumbunyi hasho kyamba wakeri iwaha na iwada wusuṟi wulawaṟi.

EZEKIELI 23:19

Manya kudo nyi aleengeṟa wumeluki woke chandu awekewuta wututunyi woke kulya orukenyi lo Misri.

DANIELI 7:4

Lya kuwoka liwefananyi na mwiso liwewode makungo cha owishi; ngaambuya, makungo halya hakairiya mberi, likairo huye, likahoṟotso na madende hawi cha mndu; likainengo mrima fo mndu.

DANIELI 7:6

Numa ngaambuya ate kuwode se lingi lifananyi na rumu, liwode makungo hana o mhongo cha ndehe; nalyo liwewode mdo iina; likainengo wuitoṟi.

HOSEA 5:14

Kyamba inyi njechihenda iwa cha miiso ko Efraimu, na imana lya miiso ko wandu wa Yuda. Kyamba inyi njimonyi njihenda iwaranduo randuo na iwaduo, manya kuwode mndu echiidima iwakiṟa pfo.

HABAKUKI 1:8

Frasi tsawo tsinjiangu kota rumu, nyi tsilang'a kota shisii sha kiukanyi, wenyi frasi wekekudosa ke frasi tsawo tsiichi irunduka cha mbeṟo yeshiha kelya.

SEFANIA 3:3

Wachili wafo nyi miso tsipoṟohoṟa; walya wehoṟokia wengi nyi shisii sha kiukanyi; tsilekelaṟa kindo itane ili lya ngama.

MAITALA 32:14

Na wulalu, lanye kishari kiichuo wunyamaṟi, mowuya alya ko waku wanu, iengeṟiase Mndumii-Ruwa nyashi ing'anyi kipfa kya Waisraeli.

OTAMBAHALUO LO YOHANE 13:2

Na indo li njileliwona liwefananyi na rumu, na madende halyo hawei cha ha isihee lya mbaṟi iya ing'anyi na dumbu lyalyo cha lya miiso. Nalyo nyilyo molyimo fulya fukalienenga pfinya yafo na loṟika lofo na wuidimi wung'anyi.