YEREMIA 5:5 - Bibilia Kui Mdedie fo Kimochi

⁵ Njechihendiya wandu wang'anyi, njechideda nawo, kipfa waichi njia ya Mndumii na, mwaanduye fo Ruwa owo. Indi iwa kui mahiyo hawo walehiye, kusanza kimu na idumbuo shipfunga shimu na Mndumii owo.

YEREMIA 5:5 ပူးပေါင်းရင်းမြစ်များ

2MBONYI TSA MAHERI 36:14

Ngoseṟa ya isho, wakohanyi, handu hamu na wasongoru wa Yuda, na wandu wengi wakaoshana na mawuto hose mawicho ha wandu wa mkambo ingi sa wawewaṟingichie, na iindia sanamu na iterepfuo mba ya Mndumii-Ruwa, sa Mndumii aleitana njiele ipfo Yerusalemu.

IWUKA 32:25

Nahong'u Mose kawona ke wanduwo waleilamia Aroni nao kawada wakatehia na ikusutsa oshangunyi lo wakituwa wawo.

YESAYA 1:23

Wanene wapfo nyi watahachi, na mbuya tsa mbafu; orio mndu nakundi itsutsumo, wekeosha itao, wechiinenga ngoeda kilya kyake kisumhanyipfo, wekeicho kieṟeṟo kya mkusu pfo.

YEREMIA 2:20

“Kipfa wokia mbooko iyo kuleleha isongoyo nyi inyi; koweleha injiindia na injiadapfuma. Kipfa huye ya kitoṟomoso kileshe, na wanda ya ikidi liwode maṟa mawishi nolehongoma kowuta mbonyi tsa wumeluki.

YEREMIA 2:31

Lanye kishari keambuyenyi idedo lya Mndumii. Ale, nyi ngawa nuka ya msanga ko Israeli Ang'u oruka kuwode meema riti Nkili wandu wako wahamba, so lulekusheṟuo lukundi icha na kopfo-pfo.

YEREMIA 30:14

Wakunde wapfo wose wakuhadimie, wasaṟie kindo kyapfo kyose pfo, ngakukapa ngapo ya mkituwa, kokapo kulawode isaṟia, kipfa deko lyapfo nyi ling'anyi; njonyamaṟo tsapfo nyi tsifoi mnu.

YEREMIA 6:13

Kyamba, wokia ulya ai mtutu itane ulya ang'anyi kiidi kyawo orio umu nyi aichuo lango; na wokia mwikimbi mṟasa Mkohanyi, orio umu nekewuta mbonyi tsa wulembi.

YEREMIA 8:7

Malehe hose hakerunduka cha mbeta, mbeṟo, makuru haichi kiheri kiwaṟi isama, kyaindi wandu wako waichi mawawaso ha Mndumii-pfo.

YEREMIA 9:3

Wekelema olimi lowo cha wuda, kundu wahambe wongo, nawo wawode pfinya kiidi kya oruka indi chi kiidi kya wuhendeli-pfo; kipfa wo waengeṟa wuwicho kiidi kya wuwicho, ma wanjiichi inyi-pfo.” Mndumii ahamba.

EZEKIELI 11:2

Nalyo Mndumii kanjiwia, “Wandu wa nyiwo wekesaya mbonyi njiwicho na iinenga wandu chila njiwicho kunu mṟinyi.

AMOSI 4:1

Adanyienyi idedolyi nyo mbe tsa Bashanyi, mokekaa fumvuhu lya Samaria, mukawonyia wakiwa, na ikapa walya wahuṟi; mokewia wasoṟo wawo, Wulalu endenyi, lunyo.

AMOSI 6:1

Ochia lowo iwo wakeri ikyeseka na ichihiyo kiidi kya Sioni na iwa wakeri olelenyi ipfo fumvunyi lya Samaria, wandu wang'anyi kiidi kya oshari lo wandu wa mbooko iwo mba ya Israeli yekewahendia.

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

MALAKI 2:7

Kiwaṟi dumbu lya mkohanyi liwade wuṟango, wandu washihe wuwawaso dumbunyi lyake kipfa o nyi mngochi o Ruwa.

LUKA 18:24

Yesu kekimbona ado kahamba, “Ambuyenyi chando kiumie wasuṟi ida na wumanginyi wo Ruwa!

LUKA 19:14

Na wandu wa kulya mṟinyi nyi wawemsuo, wakaduma wasu ipfo numa yake wambie, ‘Lukaundi ichu naluitoṟie-sopfo.’