YEREMIA 5:22 - Bibilia Kui Mdedie fo Kimochi

²² Ngesa mochinjiowuo inyi? Mndumii awesa. Mochidedema oshangunyi loko inyi njilewika mlelya oṟiho lo ipalyipalyi, kui iwawaso lya mlungana mṟinga lularunduke ma masinamu hakakuuriya halaluidime kindo; na hakakuma na pfinya hechiidima iida-pfo.

YEREMIA 5:22 ပူးပေါင်းရင်းမြစ်များ

MAWOOKIONYI 1:9

Ruwa kahamba: “Mṟinga fukeri shia ruwehu fuhende ikuwumbya handu hamu kukewonekaho handu hahadutsu.” Nakyo kikawekuwia kido.

1WAMANGI 13:28

Kahenda, kawona mnying'a fulya fukumbe omongonyi, na nzoi na muiso tsihoṟoki kufui na mnying'a. Muiso fulelya mnying'a ma ipaaya nzoi iya-pfo.

YOBU 26:10

Katarucha cha kidenga ki nyi mṟasa fo mṟinga huya oruka.

YOBU 37:24

Ko ikyo wandu wose wekemwowuo; o ekesaṟa mndu oose menyi orikiki-pfo.”

YOBU 38:8

“Nyiu aleshinga mamṟinga halya ha ipalyipalyi kiheri haleṟuhuka na ihuma hawuka njoṟoonyi tsaho?

SHIIMBO SHA DAWIDI 104:9

Kulewika mṟasa fulaitole, manya fulawuye ishikia oruka.

SHIIMBO SHA DAWIDI 119:120

Mbihu foko fuidedema kya ikuindia Iyo, na inyi njiowoye mdumbuye yapfo.

SHIIMBO SHA DAWIDI 33:7

Kasanyia mṟinga yose ya ipalyipalyi handu hamu, Kawika ngolokio cha kikumbi.

SHIIMBO SHA DAWIDI 46:3

Mṟinga fukadihina na iowesha. Na mafumvu hakatangaluka kui orikiki loho.

SHIIMBO SHA DAWIDI 99:1

Mndumii naikolonyie, wa mkambo waidedema! Nadamie huye ya makerubi, oruka lukasingida.

MFANANO 8:29

Awika mṟasa fo ipalyipalyi, Ke mṟinga fulawone fochifunja iwawaso lyake; Awawasa njotende tsa oruka;

YESAYA 50:2

“Kyasia lilya njilecha nkili kulawewode mndu? Ngalaha, kuwode alehaluopfo? Ngesa! Owoko loko lui lufui njilemo ikiṟa? Ngesa njiwode pfinya tsechiṟa? Ambuya kui ideda lyako ngahadutsa ipalyipalyi, meda ya mṟinga ngaihaluo nuka ya msanga; makunga hayo haidaa kipfa kulawode mṟinga, wandu wapfa kipfa kya nyoda.

YESAYA 64:2

chandu modo fokekoṟa ngeṟa, na modo fokekoṟa mṟinga; kundu nomanyishe wakituwa wapfo rina lyapfo, wandu wa mbaṟi tsose wadedeme oshangunyi lopfo.

YESAYA 66:5

Adanyienyi idedo lya Mndumii, nyo muidedema kipfa kya idedo lyake; Wana wa wama wanu wamsuo nyo, walemukumba kipfa kya rina lyako, wahamba, “Mndumii naichiko, luidime iwona sia yanu; indi nyi wechisukio.

YEREMIA 10:7

Nyiu elechikuowuo, iyo mangi ya mkambo ya wandu? Iyo nowaṟi iindiyo. Kiidi kya wumangi wowo, kuwode ma umu ai cha iyopfo Mndumii.

YEREMIA 2:19

Wuwicho wopfo wochikuwuuya, madedo hapfo hechikukapa; umanye, kyasia uwone ke nyi kindo kiwicho mnu na kiendie wusutsu ida Mndumii-Ruwa opfo, ma kiidi kya mrima fopfo kuwode injiowuopfo Mndumii ahamba; Mndumii menyi matorito.”

YEREMIA 31:35

Nyi wudi Mndumii-Ruwa ahamba, ichu rina lyake nyi Mndumii-Ruwa menyi matorito, ichu alehamba mnengeṟi fuwae mfiri, meri na nyenyeri tsiwae kio na iwika ipalyipalyi liwade masinanu.

DANIELI 6:26

Inyi ngawika iwawaso kiidi kya wumangi woko ke: Wandu wose waowuo Ruwa chu o Danieli: ‘Kipfa o nyi Ruwa menyi moo mokaa mlungana, wumangi woke wulamanda wuitoṟi woke wo mlungana.

AMOSI 4:12

Wulalu, nyi udi njechikuwutya, Iyo Israeli; kipfa njechiwuta njido-le, kuṟeheṟe iwonana na Ruwa opfo, Iyo Israeli.

AMOSI 9:6

Nyio akewika shiṟiha shayo ruwehu na isuma otende lo mlemeko wuyana; nyio ekelaha mṟinga fo ipalyipalyi, na ifuletsya wuyana. Mndumii nlyo rina lyake.

YONA 1:16

Wandu walya wose wakaowuo mnu Mndumii, wakawutia Mndumii mwaano na iwikaho shaasa.

NAHUMU 1:4

Nekededya ipalyipalyi likahaduka, na ihadutsa meda yose; Bashanyi ikaloloma, na Karimeli; kiwaṟo kya Lebanonyi kikanaa.

MATAYO 10:28

Nanyo ma mlaowuo walya wewaha mbihu kya indi mrima-fo walaidime ifuwaha. Keengeṟenyi yowuo ichu moidima idetsa na mrima na mbihu handu hamu ii iwi idekye kulya Gehena.

MARIKO 4:39

Kapang'uka katukya otanu lulya kawia masinanu ha nduwa, “Tsia, ukae kui ndiṟi!” Otanu lukahutsa kukaho olele wyaa.

LUKA 12:5

Kyaindi njimloṟe sa mochimwowuo; owuonyii ulya echiidima iwaha, numa awewode-se pfinya yemkumba kulya modonyi, Ee, ichu nyiio ngamuwia; muowuonyii!

NGUMBUO YA MAWAWASO 28:58

“Kokoya mulaindia necha iawutsia madedo hose ha mawawasoha hamaṟehie kunu kitapunyi na mulameindie na iṟumisha rina liwode kiṟumi, lioweshie lya Mndumii-Ruwa, Ruwa onu,

OTAMBAHALUO LO YOHANE 15:4

Nyi o ku, hoi Mndumii, alechiowuo alawechiindya rina lyapfo iyo ngesa? Kipfa iyo kumonyi ui Mwele. Kipfa mkambo ya wandu yose yechicha yechikukumba wanda oshangunyi lopfo na ikuhonerya kyamba mawuto hapfo hamanyikie ko wose ipfo ruwehu nyilyo hema liwode kiṟingishyo kilya kehamba Ruwa.”