YEREMIA 5:12 - Bibilia Kui Mdedie fo Kimochi

¹² Wo nyi waleleha Mndumii wehamba, “Chio-pfo ma kuwode mawicho hechilukoya-pfo, lochikoyana na oshu manya njaa-pfo.

YEREMIA 5:12 ပူးပေါင်းရင်းမြစ်များ

2MBONYI TSA MAHERI 36:16

Kyaindi wo walekapa mang'ang'o waikimbi walya wa Mndumii-Ruwa, na isalucha madedo hake, na iseka waikimbi wake mṟasa nyashi ya Mndumii-Ruwa ikaaka kihadi na wandu wake, ma kulawadese ma chandu wechidima iashuka.

SHIIMBO SHA DAWIDI 10:6

Kahamba mrimenyi foke, njewutohopfo, Kiidi kya moo foko njechiwona wukiwa pfo.

SHIIMBO SHA DAWIDI 14:1

Mndu tondo nyalehamba, mrimenyi foke; Kuwode Ruwapfo; walenyamaṟa ohendo lowo kui ngafu, kuwode mowuta mecha pfo.

MFANANO 30:9

Ndaihude njilekane na iyo, Njechihamba Mndumii nyiu? Ma njilawe mkiwa mnu njiiwe, Na isenda rina lya Ruwa oko kya maai.

YEREMIA 14:22

Ngesa maruwa ha wongo ha mkambo heidima iende mvuo? Ang'u ngina itonyitse meṟa? Chi iyo Mndumii-Ruwa odu, kui kipfa kya ikyo luikuweda, kipfa iyo nyi uwikie shindo shose.

YEREMIA 2:6

Ma walehamba, “Nyiku ai Mndumii ulya aleluwuta Misri; kalusongoya kulya nuka ya msanga. Oruka luumu luichuo marina, oruka lo nyoda na ria lya opfu, lulekeido nyi mndu ma ilao nyi wandu?”

YEREMIA 28:4

Na inyi njechiwihiṟa Yekonia mana o Yehoyakimu mangi ya Yuda handu hamu na walya wawapfunge wose wa Yuda walehenda Babeli, Mndumii ahamba kipfa njechifunja shipfungo shose sha Babeli.”

YEREMIA 4:10

Na inyi ngahamba, “Hoi Mndumii-Ruwa! Na kya lohi omelemba mnu wanduwa na Yerusalemu kochiwawia! Mochiwada ofoṟo; indi oshu lomeida kiidi kya mrima ya wandu-wa!”

YEREMIA 43:1

Yeremia kekimarisa iongoya wandu wose madedo hose Mndumii-Ruwa, Ruwa owo, alembawasa nawaongoye,

YEREMIA 5:31

Waikimbi wahamba wongo, wakuhanyi waitoṟia kui ngaya yawo, na wandu wako wakundi shindo shiwe shido. Nanyo mochiwuta muda iya masiiyonyi ngesa?

YEREMIA 6:14

Wo nyi walechiṟa shifaṟe sha wandu wako huye tupu, wechihamba, “Ofoṟo! Ofoṟo!” Makulawode ofoṟo.

EZEKIELI 13:6

Waikimbi wa wekeonguo na iikimba mbonyi tsa wongo welembetseṟa nyi madedo ha Mndumii, kyaindi njilemewadumepfo. Wakaweinenga wandu mkusirie ke madedo ho nyi hahenda iawutsyo.

MIKA 2:11

Kokoya kuwemewuka mndu kadeda madedo ha wongo na ha wulya kahamba; ‘Ngaende wuikimbi, ke mochiwona mvinyo na wari sa wufoi,’ ichu moonguo nechikundo nyi wandu wa.

MIKA 3:11

Wachili wawo wekeṟunda ko itsutsumo, wakohanyi wakaṟunda kwi itao, waikimbi wakaṟunda wainengo fesa. Wakakushela ke wakusirie ko Mndumii-Ruwa wechihamba, “Mndumii-Ruwa chi ai naso, kuwode kechilupaya kiwicho pfo!”

NGUMBUO YA MAWAWASO 29:19

Chandu momemaa iicho madedo ha mkundanafu molisiṟo nyamu, numa mndu kakulemba mrimenyi foke kechihamba nechikaa na kipuo, ma kokoya awada orikiki loke o amonyi; ikyo kechirumatsa wose, wawicho na wecha.

1YOHANE 5:10

Moidikya Mana o Ruwa o akuwode na kiṟingishyo kilya kii nao. Mndu ada alaidikya Ruwa o amaa imtana mowongo, kyamba alaweidikya kiṟingishyo kilya Ruwa alemṟingishya kya Manoke.

1SAMWELI 6:9

Indi ambuyenyi, kokoya ikarilyo lyechihenda lyimu ko lyimu waambuya orukenyi lolyo, mṟi fo Beth-Shemeshi, nlyondi lochimanya ke mndu aleluendie ndaṟe ii ya makokoi nyi Mndumii-Ruwa kyaindi kokoya lyilahendapfo, nlyondi lochimanya ke chi owoko lokepfo, indi ngapo nyi kui ndenga njiwicho.”