YEREMIA 48:8 - Bibilia Kui Mdedie fo Kimochi

⁸ Morumatsa nechiida orio mṟi, kuwode mṟi fochimwowisha pfo; orio kindo kii pichinyi kechirumara, njora tsa huye tsechinyamaṟo chandu Mndumii-Ruwa alehamba.

YEREMIA 48:8 ပူးပေါင်းရင်းမြစ်များ

YEREMIA 15:8

Ambuya wakusu wawo wafoi, kota mlelya fo ipalyipalyi. Orio mndu mka o wana wai wakoho, ngawaendie mrumatsi mfiri. Ngatewa mawawio na ngataṟa, shiwahoye kui kitusu.

YEREMIA 25:9

“Ambuyenyi njechidika wandu wechiduo wandu wa kishari kya ora lo mtsudu. Mndumii ahamba, ‘Koikyo, njechilaha mkambo yose ya ora lo mtsudu, handu hamu na mṟundi oko Nebukadneza Mangi o Babeli. Njechiwaende wapufukie oruka lu na wenyi oruka lu handu hamu na mkambo yoose ya mṟasenyi. Njechiwarumatsa piu, na iwatana wawe kindo kya wusutsu, na ikapo mang'ang'o na isalucho mlungana.

YEREMIA 48:18

Nyo wandu wa Diboni: Sokenyi muwuke handu hanu ha kiṟumi, muhende idamia orukenyi lulawode mṟinga. Kipfa ulya morumatsa Moabu, ameshika kundu namsaṟikie; amemaa inyamaṟa njotiṟiwa tsanu.

YEREMIA 51:56

Ee da, morumatsa naichea Babeli; waskari wake wadayo, wuda tsawo tsafunjofunjo. Inyi Mndumii-Ruwa nyi Ruwa mohoṟuo, kya lohi inyi njechitaa kiṟache kishikie.

YEREMIA 6:26

Nyo wandu wako, ṟaenyi nguwo tsa makunyia na idamia kiidi kya mafu na ikapa kilio, cha kilio kya mana kimumu kilio kiwicho mnu, kipfa ichu aleduo wapfungo wa shida naicha huye yadu faṟa.

EZEKIELI 25:9

ambuya njikeri ihenda ikapa mṟi yo ya Moabu, mṟi yo mcha iringie mṟasa yake, mṟi fo Beth-yeshimothi, Baal-meoni, na Kiriathaimu.

YOSHUA 13:17

nyi handu hamu na Heshroni na mṟi yake yose iwei kulya rendewelenyi, nayo nyi Diboni, Barmoth-baeli na Bethbaalmeoni;

YOSHUA 13:21

na mṟi yose iwekeri kulya orukenyi rendewelenyi, ya wumangi wose wo mangi Sihoni mangi o Waamori, ulya awechilie Heshboni, ichu nyi ulya Mose alemkapa handu hamu na wanene wa Midiani nao nyi: Evi, na Rekemu, na Suri, na Huri, na Rebba, iwa nyi wawechilie orukalu handu ha mangi Sihoni.

YOSHUA 13:9

Oruka lowo nyi luwokie Aroeri mbai ya pichi lya Armoni na mṟi fulya fukeri makidi hawi ha ipichilyo na oruka lulya lukeri rendewele kuwokia Medeba mṟasa Diboni,