YEREMIA 48:41 - Bibilia Kui Mdedie fo Kimochi

⁴¹ Mṟi yake yechidao, njotiṟiwa tsechidao. Mkonu fo mrima ya wambahanyi wa Moabu, yechiowuo cha mndumka aifee.

YEREMIA 48:41 ပူးပေါင်းရင်းမြစ်များ

YESAYA 13:8

Nawo wechidedema, na wechiwawio cha mndu mka amlemo, ai hafui na iinengo mkoku, wechitukuyana meso; shamu shawo shechiwa shamu sha modo.

YESAYA 21:3

Kipfa kya ikyo njikeri iwawio itane shitsi shako shamanya, njikeri iwawio ili iwicho-wicho cha mndu mka ai kufui nainengyo mkoku; njiwawio mnu, njilaidime imanya ma iicho; njiichuo wuowu wung'anyi njilaidime iwona.

YEREMIA 30:6

Kuwesenyi wulalu na imanya: Ngesa, mndu msoṟo nechiidima ifee mana? Wulalu kyawa kida, njiwonyi orio, msoṟo nawode kitsi cha mndu mka awodo nyi mawawio hefee? Na shamu shawo shikailachika fana?

YEREMIA 4:31

Kipfa ngaicho ṟu lya ifihiṟa cha mndu mka kiheri kyake kya mawawio, ṟu lya mndu aiwawio, cha mndu mka afee mana oke o kuwoka, ṟu lya mana o waka o Siyoni, aikuwanza naidime isanyia pfinya, na ihoṟuo mawoko hake kechihamba, ochia loko wulalu, kipfa ngalehela oshangunyi lo wawaahi.

YEREMIA 4:9

Kipfa mfiri-fo, Mndumii ahamba, “Mrima fo mangi fochideka na mrima fo wanene wa wandu wake, na wakohanyi wechiṟihiyo, na waikimbi wechisaangia.”

YEREMIA 48:24

Keriothi na Bosra. Ee da mwanduye yahooya mṟi yose ya Moabu kuleshe na kufui.

YEREMIA 49:22

Ambuya mkituwa nechirunduka cha mbeṟo na iṟambatsa makungo hake huya Bosra. Mkonu fo mrima fo mbahanyi tsa Edomu fochiwada wuowu cha mndumka aifee.”

YEREMIA 49:24

Wandu wa Damasko wapfie mrima; wahaluka kundu wadiche; wuowu wung'anyi wowakoya, mawawio na fowa shawakoya cha mndumka aifee.

YEREMIA 50:37

Opfu ko frasi tsake na magari hawo hanyamaṟo, opfu ko wandu wa mbahanyi wai watae, kundu waowuo cha waka! Shisha shake shinyamaṟike, kundu shiiwo na idetso.

YEREMIA 50:43

Mangi o Babeli naicho mbonyi tsawo, mawoko hake hakawa cha mrewa. Nahoyo mawawio, kawado nyi okoṟa cha lo mndu mka akeri iendio mana.

YEREMIA 51:30

Askari wa Babeli walemo ikapana, wakaa njotiṟiwenyi tsawo, pfinya tsawo tsasia, wakawa cha waka. Mmba tsa Babeli tsakoṟo na modo, mongo yawo ya menya yafunjo.

YEREMIA 6:24

Luleicho mbonyi tsake na mawoko hadu hakaṟengeṟa; wukiwa wukalukoya, mawawio cha ha mndu mka ai kufui itaramo.

AMOSI 2:2

Kyaindi njechidika modo huye ya Moabu, nafo fochirumatsa mamba ha Kerioti; na Moabu nyepfa kipfa kya mtiṟi, na kifahiyo kya maṟu ha membe.

1WATESALONYIKYE 5:3

Mandi waihamba, ofoṟo na owanzo, na hondo orumatso lowatumukya pereseng'u cha okoṟa lohoya mka ai mnene, walaidima idicha.